الماتى وبلىسىنا جۇمىس ساپارى اياسىندا قر پرەمەر-مينيسترٸ اسقار مامين قازاقستاننىڭ ەلورداسى - استانا قالاسىنىڭ نۇر-سۇلتان بولىپ قايتا اتالۋىنا قاتىستى پٸكٸر بٸلدٸردٸ, دەپ حابارلايدى قازاقپارات.
پرەمەر-مينيستر قالانىڭ تۇڭعىش پرەزيدەنت - ەلباسىنىڭ قۇرمەتٸنە وراي قايتا اتالۋى ايتۋلى تاريحي وقيعا بولىپ تابىلاتىنىن اتاپ كٶرسەتتٸ.
«قازٸرگٸ تاڭدا بٸزدٸڭ كٶز الدىمىزدا تەۋەلسٸز قازاقستاننىڭ تاريحي جىلناماسىنىڭ جاڭا بەتتەرٸ جازىلۋدا. سوندىقتان مەملەكەتٸمٸزدٸڭ جەنە ونىڭ جاڭا ەلورداسىنىڭ نەگٸزٸن قالاۋشى, ۇلى دالانىڭ تٶرٸندە دامىعان مەملەكەت قۇرعان ەلباسىمىز نۇرسۇلتان ەبٸشۇلى نازارباەۆتىڭ ۇلى تۇلعاسىن وسىلاي تاريحي تٷردە دەرٸپتەۋ - بۇل بٸزدٸڭ كەلەشەك ٶسكەلەڭ ۇرپاق الدىنداعى پارىزىمىز», - دەدٸ اسقار مامين.
ونىڭ ايتۋىنشا نۇر-سۇلتان قالاسى ەلباسى ن. نازارباەۆتىڭ جاڭا ەكونوميكالىق مودەلٸنٸڭ نەگٸزگٸ قوزعاۋشى كٷشٸنە اينالدى.
«جاڭا استانامىزدىڭ قالىپتاسۋىنىڭ العاشقى جىلدارىندا ەلباسىمىزدىڭ «استانانىڭ گٷلدەنۋٸ - قازاقستاننىڭ گٷلدەنۋٸ» باعدارلاماسى استانانىڭ عانا ەمەس, ەلٸمٸزدٸڭ بارلىق ٶڭٸرلەرٸنٸڭ دامۋىنا قۋاتتى سەرپٸن بەردٸ. ەلەمدٸك ارەنادا قازاقستاننىڭ ىقپالى مەن رٶلٸ جىل ٶتكەن سايىن ارتىپ كەلەدٸ. بۇل - سٶزسٸز بٸزدٸڭ ەلباسىمىزدىڭ ەرەن ەڭبەگٸ. استانانىڭ تۇڭعىش پرەزيدەنت ەسٸمٸمەن اتالۋى - ەدٸلەتتٸ ەرٸ دەر كەزٸندە جاسالعان شەشٸم. جاڭا اتاۋعا يە بولعان استانانىڭ الدىندا بۇدان دا بيٸك, ۇلى ماقساتتار تۇر. سونىمەن قاتار, بۇل - جاڭا مٷمكٸندٸكتەر ەرٸ ٷلكەن جاۋاپكەرشٸلٸك»,- دەدٸ پرەمەر-مينيستر.
ٷكٸمەت باسشىسى: «بٸز بەرٸمٸز دە استانالىقتار بولىپ قالامىز, ٶيتكەنٸ نۇر-سۇلتان - قازاقستاننىڭ استاناسى!» دەپ اتاپ ٶتتٸ.
ەستەرٸڭٸزگە سالا كەتەيٸك, بٷگٸن مەملەكەت باسشىسى قاسىم-جومارت توقاەۆ قازاقستان رەسپۋبليكاسىنىڭ استاناسى - استانا قالاسىن قازاقستان رەسپۋبليكاسىنىڭ استاناسى - نۇر-سۇلتان قالاسى دەپ قايتا اتاۋ تۋرالى جارلىققا قول قويدى.
