سۋرەت: اشىق دەرەككٶزدەن
اقتاۋدا اۋدانى 134 گەكتار اۋماقتى الىپ جاتقان مۇناي تەرمينالى مەملەكەت مەنشٸگٸنە قايتارىلدى, دەپ حابارلايدى "ۇلت اقپارات" باس پروكۋراتۋراعا سٸلتەمە جاساپ.
مەملەكەت مەنشٸگٸنە قايتارىلعان مۇناي تەرمينالى اقتاۋ حالىقارالىق تەڭٸز ساۋدا پورتىنىڭ اكۆاتوريياسىندا ورنالاسقان. ونىڭ قۇنى – 66 ملن اقش دوللارى, اۋدانى – 134 گەكتار. پروكۋراتۋرا ٶكٸلدەرٸنٸڭ مەلٸمدەۋٸنشە, تالاپ-ارىز اسقار قۇلىباەۆقا تيەسٸلٸ كومپانييانىڭ شەتەلدٸك ينۆەستوردىڭ مەنشٸگٸن زاڭسىز الىپ قويۋى نەتيجەسٸندە كەلتٸرٸلگەن زالالدى ٶتەۋ ماقساتىندا بەرٸلگەن.
"2011 جىلى مۇناي تەرمينالى قۇلىباەۆ كومپانيياسىنىڭ مەنشٸگٸنە الىنعان. 2024 جىلدىڭ 26 اقپانىندا ماڭعىستاۋ وبلىسى مامانداندىرىلعان اۋدانارالىق ەكونوميكالىق سوتىنىڭ شەشٸمٸمەن الماتى قالاسى پروكۋرورىنىڭ تالاپ-ارىزى قاناعاتتاندىرىلدى, مۇناي تەرمينالى مەملەكەت مەنشٸگٸنە قايتارىلدى, سوت اكتٸسٸ زاڭدى كٷشٸنە ەندٸ", - دەلٸنگەن رەسمي حابارلامادا.
