سەنات تٶراعاسى مەۋلەن ەشٸمباەۆ ماڭعىستاۋ وبلىسىنا كەلدٸ. بۇل تۋرالى ول جەلٸدەگٸ پاراقشاسىندا جازدى, دەپ حابارلايدى "ۇلت اقپارات".
«سەناتورلاردىڭ ٶڭٸرلەردەگٸ جۇمىسى جالعاسۋدا. وسىعان وراي ماڭعىستاۋ وبلىسىنا كەلدٸم.
قازٸرگٸ تاڭدا ٶڭٸردەگٸ قۋاڭشىلىق بەرٸمٸزدٸ الاڭداتىپ وتىر. مال شىعىنى دا تٸركەلگەنٸ بەلگٸلٸ. ساپار بارىسىندا ٶڭٸر باسشىلىعىمەن, سونداي-اق, جۇرتشىلىقپەن كەزدەسٸپ, وسى جەنە ٶزگە دە ٶزەكتٸ مەسەلەلەردٸ تالقىلادىق.
بۇل جاعداي مەملەكەت باسشىسىنىڭ باقىلاۋىندا. پرەزيدەنتٸمٸز جۋىردا عانا ٶتكەن ٷكٸمەتتٸڭ كەڭەيتٸلگەن وتىرىسىندا تيٸستٸ ورگاندار مەن ەكٸمدٸكتەرگە ناقتى تاپسىرمالار بەردٸ.
سوعان سەيكەس قيىندىققا تاپ بولعان شارۋالارعا جٷيەلٸ قولداۋ كٶرسەتٸلەدٸ. ناقتى ايتقاندا, شارۋاشىلىقتاردى جەم-شٶپپەن قامتاماسىز ەتۋ ٷشٸن ٷكٸمەتتٸڭ رەزەرۆٸ پايدالانىلادى. قوسىمشا سۋبسيدييالار بەرٸلەدٸ. تٶتەنشە شارا رەتٸندە ەرەكشە قورعالاتىن تابيعي اۋماقتاردان شٶپ جيناۋ مٷمكٸندٸگٸ قاراستىرىلادى. پرەزيدەنت جەم-شٶپتٸڭ ٸشكٸ نارىقتا جەتكٸلٸكتٸ بولۋى ٷشٸن ونى شەتكە شىعارۋدى ۋاقىتشا توقتاتا تۇرۋدى دا تاپسىردى. بۇل جاعدايدى وڭالتۋ جولىنداعى ماڭىزدى شەشٸم ەكەنٸ سٶزسٸز. قۋاڭشىلىق - تابيعي جەنە قايتالانىپ وتىراتىن قۇبىلىس. سوندىقتان جەدەل شارالارمەن قوسا كەشەندٸ ٸس-قيمىل الگوريتمٸن ەزٸرلەۋ دە ماڭىزدى. جيىندا مەملەكەت باسشىسى وسىنداي ناقتى مٸندەتتەردٸ جٷكتەدٸ. بٷگٸنگٸ ساپار بارىسىندا وسى مەسەلەلەرگە باسا مەن بەرٸپ, پرەزيدەنتٸمٸزدٸڭ تاپسىرمالارىن ٶڭٸردە ٸسكە اسىرۋ بارىسىنا نازار اۋداردىق», - دەپ جازدى مەۋلەن ەشٸمباەۆ.
سونىمەن قاتار, ول ساپار بارىسىندا «كاسپيي» سۋ تۇششىتۋ زاۋىتىنىڭ جۇمىسىمەن تانىستى. «ماڭعىستاۋدا تازا اۋىز سۋ مەسەلەسٸ ٶتە ٶزەكتٸ ەكەنٸ كٶپشٸلٸككە مەلٸم. ونى شەشۋ ٷشٸن وسىنداي نىسانداردىڭ ماڭىزى زور. ساپار اياسىندا بالىق جەنە نان زاۋىتتارىنىڭ قىزمەتكەرلەرٸمەن دە كەزدەسٸپ, مەملەكەت باسشىسىنىڭ جاڭعىرۋ باعدارى مەن قابىلدانعان زاڭداردىڭ ماڭىزىنا توقتالدىق.
سونداي-اق, بٷگٸن ەبٸش كەكٸلبايۇلى اتىنداعى مەدەني ورتالىققا ارنايى ات باسىن بۇردىم. قابىرعالى قالامگەر ەرٸ قايراتكەر ەبٸش اعامىزدىڭ ۇلت تاريحىنداعى ورنى ەرەكشە. سوندىقتان, ول كٸسٸنٸڭ ەسٸمٸن ۇلىقتاۋ, باي ەدەبي مۇراسىن دەرٸپتەۋ - بارشامىز ٷشٸن ابىرويلى مٸندەت», - دەپ تولىقتىردى ەشٸمباەۆ.
