سەنات سپيكەرٸ مەۋلەن ەشٸمباەۆ كوروناۆيرۋستان جازىلىپ, كٷندەلٸكتٸ جۇمىسىنا ورالدى, دەپ حابارلايدى "ۇلت اقپارات".
بۇل جايىندا سەنات تٶراعاسى رەسمي Facebook پاراقشاسىندا حابارلادى.
«قۇرمەتتٸ دوستار! سوڭعى تاپسىرعان ەكٸ پتر سىناماسىنىڭ نەتيجەسٸ ويداعىداي بولىپ, ٸندەتتەن جازىلىپ شىقتىم. سوعان بايلانىستى ەكٸ اپتاعا جالعاسقان كارانتيننەن كەيٸن بٷگٸن قايتادان قالىپتى جۇمىس فورماتىنا كٶشكەنٸمدٸ حابارلايمىن» دەپ جازدى مەۋلەن ەشٸمباەۆ.
ونىڭ ايتۋىنشا, وسى ۋاقىتتىڭ ٸشٸندە بويىنان اۋرۋدىڭ ەشقانداي بەلگٸلەرٸ بايقالماعان.
«سوندىقتان جۇمىسىمدى توقتاتپاي, قاشىقتان اتقارىپ وتىردىم. وسى رەتتە جىلى لەبٸزدەرٸڭٸزبەن قولداۋ كٶرسەتٸپ, تەزٸرەك ساۋىعىپ كەتۋٸمە تٸلەكتەستٸك بٸلدٸرگەن بارشاڭىزعا العىسىمدى جەتكٸزگٸم كەلەدٸ. مەن ٷشٸن مۇنىڭ ماڭىزى زور. الدىمىزدا ەلدٸك مٷددە جولىندا اتقاراتىن ەلٸ تالاي اۋقىمدى مٸندەتتەر تۇر. سولاردى ٸسكە اسىرۋ كەزٸندە دە ٶزدەرٸڭٸزبەن ٷنەمٸ بايلانىستى بولامىز دەپ سەنەمٸن. ٶكٸنٸشكە قاراي پاندەمييا قاۋپٸ ەلٸ سەيٸلگەن جوق. سوندىقتان ساقتىق شارالارىن ۇستانىپ, مەديتسينا قىزمەتكەرلەرٸ مەن مامانداردىڭ ۇسىنىمدارىن بارىنشا ورىنداۋىمىز كەرەك. بۇل – ٶزٸمٸزبەن بٸرگە تۋعان-تۋىستارىمىز ٷشٸن دە اسا ماڭىزدى. بارشاڭىزعا زور دەنساۋلىق تٸلەيمٸن! امان بولىڭىزدار» دەپ تٷيٸندەدٸ سٶزٸن سەنات سپيكەرٸ.
