قازاقستان گرۋزييادا وتانداسىمىزدىڭ ٶلٸمٸنە بايلانىستى جەدەل تەرگەۋ توبىن جٸبەرەدٸ. بۇل تۋرالى قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز مەلٸم ەتتٸ, دەپ حابارلايدى "ۇلت اقپارات".
«تاياۋ ۋاقىتتا حالىقارالىق كەلٸسٸمدەرگە سەيكەس, قر باس پروكۋراتۋراسى مەن سىرتقى ٸستەر مينيسترلٸگٸنٸڭ ٷيلەستٸرۋٸمەن ٸشكٸ ٸستەر مينيسترلٸگٸ گرۋزيياعا جەدەل تەرگەۋ توبىن جٸبەرەدٸ. ونىڭ مٸندەتٸ - ورىن العان قايعىلى جايتتىڭ بارلىق مەن-جايىن زەردەلەۋ جەنە گرۋزين تاراپىمەن سوتقا دەيٸنگٸ تەرگەۋ ماتەريالدارى بويىنشا اقپارات الماسۋ», - دەدٸ نۇردٸلدە وراز ٸشكٸ ٸستەر مينيسترلٸگٸندە ٶتكەن باسپاسٶز مەسليحاتى بارىسىندا.
ونىڭ اتاپ ٶتۋٸنشە, نۇر-سۇلتان قالالىق پوليتسييا دەپارتامەنتٸ گرۋزييادا قايتىس بولعان قازاقستان ازاماتشاسى ە.ايتپاەۆانىڭ اتا-اناسىنىڭ شاعىمىمەن ازمات م.مەيٸربەكوۆكە قاتىستى قر قىلمىستىق كودەكستٸڭ 128-بابىمەن سوتقا دەيٸنگٸ تەرگەۋ امالدارىن باستادى.
«كٷدٸكتٸ ۇستالىپ, نۇر-سۇلتان قالالىق پد ۋاقىتشا وقشاۋلاعىشىنا قامالدى. تەرگەۋ امالدارى جٷرگٸزٸلۋدە. سوتقا دەيٸنگٸ تەرگەۋ جالعاسىپ جاتىر», - دەدٸ ول.
ەسكە سالا كەتەيٸك, 26 جاستاعى ەسەل ايتپاەۆانىڭ دەنەسٸ 5 مامىر كٷنٸ تبيليسي قالاسىنداعى بٸر ٷيدٸڭ تەرەزەسٸنٸڭ استىنان تابىلعان ەدٸ. ول 9-قاباتتان قۇلاپ مەرت بولعان.
كەيٸننەن گرۋزييا پروكۋراتۋراسى قازاقستاندىق قىزدى زورلاۋ جەنە ٶز-ٶزٸنە قول جۇمساۋعا يتەرمەلەۋ ٸسٸ بويىنشا ايىپتاۋ شىعاردى.
16 مامىر كٷنٸ نۇر-سۇلتان قالاسىنىڭ پوليتسييا دەپارتامەنتٸنەن مەلٸم ەتكەندەي, بويجەتكەننٸڭ اتا-اناسىنىڭ ارىزى بويىنشا ونىڭ تۋىسى م.مەيٸربەكوۆ ۇستالىپ, وعان قاتىستى قىلمىستىق كودەكستٸڭ 128-بابىمەن (ادام ساۋداسى) سوتقا دەيٸنگٸ تەرگەۋ باستالدى.
