گرۋزييانىڭ ارنايى پەنيتەنتسيارلىق قىزمەتٸنٸڭ مەلٸمەتٸنشە, قازاقستان ازاماتشاسىن زورلادى دەپ ايىپتالعان توردۋانىڭ ٶلٸمٸنٸڭ بولجامدى سەبەبٸ - مي ينفاركتٸسٸ.
قىزمەتتٸڭ حابارىنا سەنسەك, ايىپتالۋشى 28 مامىردا پەنيتەنتسيارلىق مەكەمەگە تٷسكەن كەزدە مەديتسينالىق تەكسەرۋ جٷرگٸزٸلٸپ, ارتەرييالىق گيپەرتەنزييا دياگنوزى قويىلعان. وسىعان بايلانىستى ول مەديتسينا قىزمەتكەرلەرٸنٸڭ باقىلاۋىندا بولدى.
گرۋزيياداعى قازاقستاندىق قىزدىڭ ٶلٸمٸنە قاتىستى ٸس بويىنشا تەرگەۋگە قازاقستاننان ماماندار تارتىلىپ جاتىر.
30 ماۋسىمدا توردۋا دەرٸگەرگە باسى قاتتى اۋىرىپ جاتقانىن ايتقان. ايىپتالۋشىنىڭ سٶيلەۋ قابٸلەتٸ بۇزىلىپ جەنە قان قىسىمى جوعارىلاي باستاعان. توردۋا ميدىڭ قان اعىمى بۇزىلۋىنا بايلانىستى جەدەل جەردەممەن كلينيكاعا جەتكٸزٸلدٸ.
كلينيكادا جٷرگٸزٸلگەن ميدىڭ كومپيۋتەرلٸك توموگرافيياسىنىڭ نەتيجەلەرٸ جەنە نەۆروپاتولوگتىڭ كەڭەسٸ بويىنشا: مي ينفاركتٸسٸ دياگنوزى قويىلدى.
"جاعدايى اۋىر بولۋىنا بايلانىستى ايىپتالۋشى رەانيماتسييا بٶلٸمٸنە جاتقىزىلدى, ەم قابىلداپ, قارقىندى باقىلاۋدا بولدى. نەيروحيرۋرگتٸڭ باقىلاۋ كەڭەسٸ نەتيجەسٸندە شۇعىل حيرۋرگييا قاجەت بولدى. وپەراتسييادان كەيٸن ناۋقاستىڭ جالپى جاعدايى اۋىر بولىپ قالدى, گەموديناميكا كٶرسەتكٸشتەرٸ تۇراقسىز", - دەلٸنگەن پەنيتەنتسيارلىق قىزمەتتٸڭ حابارلاماسىندا.
ەم-دومعا قاراماستان, ناۋقاستىڭ جاعدايى ناشارلاپ, 14 شٸلدەدە جٷرەك سوعىسى بۇزىلىپ (برادياريتمييا), ول كٶپ ۇزاماي اسيستوليياعا اينالىپ - جٷرەك جۇمىسى توقتادى.
"جٷرەك-ٶكپە رەانيماتسيياسى حاتتاماعا تولىق سەيكەس باستالدى, بٸراق جٷرەكتٸڭ مەحانيكالىق فۋنكتسيياسىن قالپىنا كەلتٸرۋ مٷمكٸن بولمادى. بيولوگييالىق ٶلٸم تٸركەلدٸ", - دەلٸنگەن حابارلامادا.
ەسكە سالايىق, بۇعان دەيٸن گرۋزييادا 26 جاستاعى قازاقستاندىق ەسەل ايتباەۆانىڭ جۇمباق جاعدايدا قايتىس بولعانى حابارلانعان ەدٸ. مارقۇمنىڭ ەپكەسٸنٸڭ سٶزٸنشە, ەسەل وقيعا قارساڭىندا قۇربىسىنا اۋديوحابارلاما جٸبەرٸپ ٷلگەرگەن. اۋديودا بەلگٸسٸز ەر ادام وعان قوقان-لوقى كٶرسەتٸپ جاتقانى ەستٸلەدٸ.
ال كەشە, 15 شٸلدەدە ەسەل ايتباەۆانى زورلادى دەپ ايىپتالعان بەسيك توردۋا كلينيكادا قايتىس بولعانى انىقتالدى. ونىڭ ادۆوكاتى لاشا شۋكاكيدزە بۇل اقپاراتتى راستادى جەنە ونىڭ كليەنتٸ بٸر اپتا بۇرىن پەنيتەنتسيارلىق مەكەمەدەن اۋرۋحاناعا جاتقىزىلعانىن ايتتى.
