قازاقستاندىق ارالاس جەكپە-جەك شەبەرٸ ارمان "سۇڭقار" وسپانوۆ الماتىدا ٶتكەن اسا 105 تۋرنيرٸندە رەسەيلٸك راسۋل ميرزاەۆتى بٸرٸنشٸ راۋندتا نوكاۋتپەن ۇتتى, دەپ حابارلايدى "ۇلت اقپارات".
رەسەيلٸك سپورتشى جەكپە-جەكتٸ شيراق باستاعان. دەگەنمەن قورعانا جٷرٸپ ايقاسقان ارمان قارسىلاسىنىڭ وسال تۇسىن تابا بٸلدٸ.
قازاقتىڭ «سۇڭقارى» مەن قاپ تاۋىنىڭ «قارا جولبارىسىنىڭ» ايقاسى كٶپكە سوزىلعان جوق. ارمان راسۋلدى العاشقى راۋندتا-اق نوكاۋتقا جٸبەرٸپ, جەڭٸستٸ جۇلىپ الدى.
- برازيلييالىقتان جەڭٸلگەننەن كەيٸن قازاقستاندا جەكپە-جەك ٶتكٸزبەيمٸن دەپ ويلاعانمىن. قولداۋشىلارىم باردا, كوماندام باردا قايتا ورالدىم, - دەدٸ جەكپە-جەك سوڭىنان وتانداسىمىز.
30 جاستاعى ارمان وسپانوۆ (9-3) پەن 33 جاستاعى راسۋل ميرزاەۆتىڭ (18-2) ايقاسى بۇعان دەيٸن بٸرنەشە مەرتە جوسپارلانعانىمەن, ەرتٷرلٸ سەبەپپەن ٶتپەي قالعان ەدٸ.
تۋرنين شەڭبەرٸندە قازاقستاندىق اسىلجان باقىتجانۇلى دا جارقىن جەڭٸسكە جەتتٸ. يسپان سپورتشىسى دانيەل تولەدونى بٸرٸنشٸ راۋندتا نوكاۋتپەن ۇتتى. قارسىلاسى جاعىنا تيگەن جويقىن سوققىدان كەيٸن جەر قۇشتى.
اسىلجان جەكپە-جەكتٸ شيراق باستادى. قارسىلاسىن ەر سەت باقىلاۋدا ۇستاپ, كەزدەسۋدٸ ەرتە اياقتاۋعا ۇمتىلدى. ونىڭ قاتەلٸگٸن كٷتٸپ, ٶز مٷمكٸندٸگٸن مٷلت جٸبەرمەۋگە تىرىستى. قازاقستاندىق سپورتشىنىڭ جاعىنان ۇرعان بٸرنەشە سوققىسى دەل تيٸپ, قارسىلاسى نوكاۋتقا تٷستٸ.
الماتىداعى جەكپە-جەكتەردە ٶزگە دە قازاقستاندىق سپورتشىلار جينالعان جۇرتقا جارقىن جەڭٸس سىيلادى. نۇرسۇلتان قاسىمحانوۆ (10-2) بەلارۋس سپورتشىسى يۆان جۆيربلييانى (7-5), ەۆگەنيي ەگەمبەرديەۆ (11-2) پولياك كارول سەلينسكيدٸ (17-9) بٸرٸنشٸ راۋندتا جەڭٸپ شىقتى. ارتەم رەزنيكوۆ رەسەيلٸك حامزات اۋشەۆتٸ قىلقىندىرۋ ەدٸسٸمەن ۇتتى.
ال جاراقات الىپ قالعان ەرمەك تلاۋوۆ رەسەيلٸك اليحان سۋلەيمانوۆقا جول بەردٸ.
