استانادا پوليتسەيلەر قۇرىلىس ماتەريالدارىن جەتكٸزٸپ بەرەمٸن دەگەن سىلتاۋمەن تۇرعىننان 1,3 ملن تەڭگە العان كٷدٸكتٸنٸ انىقتادى, دەپ حابارلايدى ult.kz.
تەرگەۋ مەلٸمەتٸنشە, 44 جاستاعى ەلوردا تۇرعىنى جەبٸرلەنۋشٸگە قۇرىلىسقا قاجەتتٸ كٸرپٸشتٸ ارزان ەرٸ قىسقا مەرزٸمدە جەتكٸزٸپ بەرۋگە ۋەدە بەرگەن. ونىڭ سٶزٸنە سەنگەن ازامات الدىن الا تٶلەم رەتٸندە 1,3 ملن تەڭگەنٸ كٷدٸكتٸنٸڭ جەكە ەسەپشوتىنا اۋدارعان.
الايدا اقشانى العاننان كەيٸن ەر ادام ۋەدەسٸندە تۇرماعان. الدىمەن تاپسىرىستى تٷرلٸ سىلتاۋمەن كەيٸنگە قالدىرىپ جٷرگەن. كەيٸن جەبٸرلەنۋشٸمەن بايلانىسىن مٷلدەم ٷزگەن.
جەبٸرلەنۋشٸ پوليتسيياعا ارىزدانعاننان كەيٸن جٷرگٸزٸلگەن جەدەل-ٸزدەستٸرۋ شارالارى بارىسىندا كٷدٸكتٸنٸڭ كٸم ەكەنٸ انىقتالدى. ول ٶز كٸنەسٸن مويىنداعان.
قازٸر اتالعان فاكتٸ بويىنشا سوتقا دەيٸنگٸ تەرگەپ-تەكسەرۋ جٷرگٸزٸلٸپ جاتىر.
پوليتسييا ازاماتتاردى قۇرىلىس ماتەريالدارى مەن باسقا دا قىمبات تاۋارلاردى ساتىپ العاندا ساتۋشىنىڭ جەكە باسىن, قىزمەتٸنٸڭ زاڭدىلىعىن جەنە ٸسكەرلٸك بەدەلٸن مۇقييات تەكسەرۋگە شاقىردى.
