دەنساۋلىق ساقتاۋ مينيسترٸ ەلجان بٸرتانوۆ ارىستا زارداپ شەككەندەرگە قاتىستى سوڭعى مەلٸمەتتٸ جارييالادى, دەپ حابارلايدى Sputnik قازاقستان تٸلشٸسٸ.
"بارلىعى 165 ادام مەديتسينالىق كٶمەككە جٷگٸنگەن. ولاردىڭ ٸشٸندە 76 ادامعا امبۋلاتورييالىق كٶمەك كٶرسەتٸلدٸ. 89 پاتسيەنت ستاتسيونارلىق ەمگە جاتقىزىلدى. جانساقتاۋ بٶلٸمدەرٸندە 15 ناۋقاس "پوليتراۆما" دياگنوزىمەن ەم قابىلداۋدا", - دەدٸ بٸرتانوۆ ٷكٸمەتتٸڭ بٷگٸنگٸ وتىرىسىندا.
مينيستردٸڭ ايتۋىنشا, پاتسيەنتتەردٸڭ باسىم بٶلٸگٸ شىمكەنت قالاسىنداعى اۋرۋحانالاردا جاتىر. ال كەيبٸر ادامدار تٷركٸستان وبلىسىنىڭ اۋدان ورتالىقتارىندا ەمدەلۋدە.
"مەديتسينالىق كٶمەك كٶرسەتۋ ٷشٸن جالپى 22 جەدەل مەديتسينالىق بريگادا جۇمىلدىرىلعان. ولاردىڭ ٸشٸندە 4 بريگادا جامبىل وبلىسىنان جٸبەرٸلگەن. كٷندە 12 بريگادا دايىندىقتا وتىر. سونىمەن قاتار, ەكٸ سانيتارلىق تٸكۇشاق دايىن تۇر. جالپى, الماتى قالاسىنان كٶمەك كٶرسەتۋ ٷشٸن ەكٸ مۋلتيديستسيپلينارلىق كوماندا جٸبەرٸلدٸ. ولاردىڭ اراسىندا رەانيماتولوگتار, تراۆماتولوگتار, بالالار نەيروحيرۋرگتارى بار. ولار بٸر وپەراتسييا جاسادى. قازٸر رەانيماتسييادا ەكٸ بالا جاتىر. ولارعا قاجەتتٸ كٶمەك كٶرسەتٸلگەن", - دەپ مەلٸمەت بەردٸ بٸرتانوۆ.
ايتا كەتەيٸك, 24 ماۋسىم كٷنٸ ساعات 9.30 كەزٸندە تٷركٸستان وبلىسىنىڭ ارىس قالاسىنداعى ەسكەري بٶلٸم اۋماعىندا ٶرت شىعىپ, وق-دەرٸلەر جارىلدى. ەسكەري بٶلٸمدەگٸ جارىلىستان كەيٸن تٷركٸستان وبلىسىندا تٶتەنشە جاعداي جارييالاندى.
تٶتەنشە وقيعادان كەيٸن قارۋ, باسقالارعا قاۋٸپ تۋدىراتىن زاتتار مەن نەرسەلەردٸ ساقتاۋ ەرەجەسٸن بۇزۋ بابى بويىنشا قىلمىستىق ٸس قوزعالدى. ٸشكٸ ٸستەر ورگاندارى جاعدايدى ٶز باقىلاۋىنا الدى.
قازاقستان پرەزيدەنتٸ قاسىم-جومارت توقاەۆ ارىس قالاسىنا بارىپ, جارىلىستان قيراعان تۇرعىن ٷيلەر مەن ەكٸمشٸلٸك نىساندارىن ارالادى. سونىمەن بٸرگە پرەزيدەنت ەۆاكۋاتسييا بەكەتٸندە تۇرعىندارمەن كەزدەسٸپ, قالانى قالپىنا كەلتٸرۋگە قاجەتتٸ قاراجات بٶلۋگە, بارلىق تيٸستٸ كٶمەكتٸ كٶرسەتۋگە ۋەدە بەردٸ. مەملەكەت باسشىسى جارىلىسقا كٸنەلٸلەردٸڭ زاڭ جٷزٸندە قاتاڭ جازالاناتىنىن ايتتى.
