تٷركٸستان وبلىسىنىڭ ارىس قالاسىندا ەگٸستٸك القاپتارىن تەكسەرٸپ قاراۋ بارىسىندا 200-دەن استام وق-دەرٸ قالدىعى تابىلدى. بۇل تۋرالى بٷگٸن قر قورعانىس مينيسترٸنٸڭ ورىنباسارى باقىت قۇرمانباەۆ ايتتى, دەپ حابارلايدى قازاقپارات.
«قۇلاعان وق-دەرٸ ٸزٸ تابىلعان جاعدايدا, شۇڭقىردا وق-دەرٸ قالدىقتارىنىڭ بار-جوعى تەكسەرٸلەدٸ. مۇندايدا 5 مەترگە دەيٸنگٸ تەرەڭدٸكتٸ قامتي الاتىن بومبا ٸزدەۋ قۇرالى قولدانىلادى. ولار ٶزٸنٸڭ تيٸمدٸلٸگٸن كٶرسەتتٸ. ەگٸستٸك القاپتارىن تەكسەرۋ بارىسىندا 1,5 مەتردەن 3 مەترگە دەيٸن جەرگە كٸرٸپ كەتكەن 200-دەن استام وق-دەرٸ قالدىعى تابىلىپ, الىندى», - دەدٸ قورعانىس مينيسترٸنٸڭ ورىنباسارى.
ونىڭ اتاپ ٶتۋٸنشە, قاۋٸپسٸزدٸك شارالارىن ساقتاۋ جەنە جارىلۋ قاۋپٸ بار قالدىقتاردى جويۋ بارىسىندا وق-دەرٸنٸ ارنايى شۇڭقىرعا قويۋ جۇمىستارى ايرىقشا ساقتىقپەن جٷرگٸزٸلەدٸ. بۇل, ولاردىڭ جان-جاققا ۇشۋىنا جول بەرمەۋ ماقساتىندا جاسالادى. بۇعان قوسا, جارۋ جۇمىستارىن جٷرگٸزەتٸن توپتىڭ كومانديرٸ جارىلعىش زاتتاردىڭ زارياد قۋاتىن ناقتى ەسەپتەپ, ولاردى دۇرىس ورناتۋى قاجەت.
«جارىلۋ قاۋپٸ بار قالدىقتارمەن جۇمىستار كەزٸندە ساپەرلەر قورعانىس كوستيۋمىنىڭ «سوكول» جەنە «ساقتاۋ» سىندى جەڭٸل ٷلگٸلەرٸن, سونىمەن قاتار «ساۋىت» سىندى اۋىر ٷلگٸلەرٸن كيەدٸ. وق-دەرٸلەردٸڭ جارىلۋ قاۋپٸ بار قالدىقتارى جول تالعامايتىن ٷشٶستٸك بورتتى اۆتوموبيلدەرمەن تاسىمالدانادى. ولار جٷرگٸزۋشٸنٸ توسىن جارىلىستان قورعاي الادى», - دەدٸ باقىت قۇرمانباەۆ.
