ارىستاعى جارىلىستان كەيٸن زاقىم كەلگەن 7635 ٷيدٸڭ كٶبٸ جٶندەلٸپ, كەيبٸرٸ قايتا سالىنىپ, حالىقتىڭ يگٸلٸگٸنە بەرٸلدٸ, دەپ حابارلايدى قازاقپارات.
«ارىستا جالپى 8626 ٷي بار. جارىلىس سالدارىنان 7635 ٷي زارداپ شەككەن بولاتىن. ونىڭ ٸشٸندە 480 جارامسىز دەپ تانىلىپ, قايتادان سالىنىپ, پايدالانۋعا بەرٸلدٸ. جٶندەۋدٸ قاجەت ەتەتٸن 7255 ٷيگە جٶندەۋ جۇمىستارى جٷرگٸزٸلٸپ, حالىق يگٸلٸگٸنە بەرٸلدٸ», - دەدٸ وكق-داعى باسپاسٶز مەسليحاتىنا ونلاين رەجيمدە قاتىسقان ارىس قالاسىنىڭ ەكٸمٸ مۇرات قادىربەك.
ونىڭ ايتۋىنشا, مەتسەنات بولات ٶتەمۇراتوۆتىڭ قورى قالا تۇرعىندارىنا قوسپەتەرلٸ 50 ٷيدٸڭ قۇرىلىسىن سالىپ, 100 وتباسى باسپانامەن قامتاماسىز ەتٸلگەن.
«تٶتەنشە جاعدايدان زارداپ شەككەن ارىس قالاسى مەن اقدالا, دەرمەنە, قوجاتوعاي اۋىلدىق وكرۋگتەرٸنە قاراستى 8 ەلدٸمەكەندە تۇراتىن 62 610 ازاماتقا 6 ملرد 661 ملن تەڭگە ٶتەماقى تٶلەندٸ. ارىس قالاسى بويىنشا تٶتەنشە جاعدايدان زارداپ شەككەن كەسٸپكەرلٸك نىسانداردىڭ سانى — 467. ونىڭ ٸشٸندە 404 نىساننىڭ يەسٸنە «مەنٸڭ اتامەكەنٸم» قوعامدىق قورى ارقىلى 3 ملرد 69 ملن تەڭگە كٶلەمٸندە كەسٸپكەرلٸك نىساندارىن قالپىنا كەلتٸرۋ ٷشٸن ٶتەماقى تٶلەندٸ. 63 كەسٸپكەرلٸك نىسان يەسٸنە قوردا قاراجاتتىڭ جەتٸسپەۋٸنە بايلانىستى تٶلەمدٸ الداعى ۋاقىتتا بەرۋدٸ جوسپارلاپ وتىرمىز», - دەدٸ ول.
سونىمەن قاتار, ارىستا جالپى 66 ەلەۋمەتتٸك نىسان زارداپ شەكتٸ. سونىڭ ٸشٸندە بالاباقشا, مەكتەپ پەن سپورت كەشەنٸ بار. جارىلىستان كەيٸن 4 نىسان جاڭادان سالىنعان.
