ارىستا تاعى بٸر ەلەۋمەتتٸك نىسان اشىلىپ, ەل يگٸلٸگٸنە پايدالانۋعا بەرٸلدٸ. سىردارييا ەلدٸ مەكەنٸندە سادىقبەك ادامبەكوۆ اتىنداعى ساياباق اشىلدى. ونىڭ اشىلۋ سالتاناتىنا قالا ەكٸمٸ گٷلجان قۇرمانبەكوۆا مەن بەلگٸلٸ قوعام قايراتكەرٸ, ەدەبيەت جاناشىرى, جازۋشى-سىنشى قۇلبەك ەرگٶبەك, س.ادامبەكوۆتٸڭ تۋىستارى جەنە جەرگٸلٸكتٸ تۇرعىندار قاتىستى.
5 مىڭ شارشى مەتر اۋماقتى الىپ جاتقان ساياباق جەرگٸلٸكتٸ كەسٸپكەرلەردٸڭ دەمەۋشٸلٸگٸمەن قايتا قۇرىلىمداۋدان ٶتٸپ, زاماناۋي تالاپقا ساي حالىق سەرۋەندەيتٸن ورتالىققا اينالدى.
«مۇنداي نىساننىڭ اشىلۋى بٸزدٸڭ قوعامنىڭ مەدەنيەتٸن كٶتەرٸپ, تانىم-تٷسٸنٸگٸن تەرەڭدەتەدٸ. ادامبەكوۆ اتىنداعى ساياباققا كەلگەن ازاماتتارىمىز ونىڭ كٸم بولعانىن بٸلۋمەن قاتار, سالاماتتى ٶمٸر سالتىن ۇستانسا, جاستارىمىز سادىقبەك اتامىزدىڭ تۋىندىلارىنان تەلٸم الادى دەپ سەنەمٸن. بٸز وسىلايشا, ارىس توپىراعىنان شىققان تاۋ تۇلعالارىمىزدى ۇرپاققا ٷلگٸ, ٶنەگە ەتٸپ كەلەمٸز. وسى جولدا ەڭبەك ەتٸپ, تەر تٶگٸپ جٷرگەن جانداردىڭ بارلىعىنا دا شەكسٸز ريزاشىلىعىمدى بٸلدٸرەمٸن», - دەدٸ گٷلجان مامىتقىزى.
سالتاناتتى شارا اياسىندا ساياباقتا سادىقبەك ادامبەكوۆتٸڭ ەڭسەلٸ ەسكەرتكٸش-بيۋستٸ اشىلدى. جەرگٸلٸكتٸ مٷسٸنشٸ ەبۋتەلٸپ كٷزدەۋباەۆ قولىنان شىققان تۋىندىنىڭ تۇعىرى 3, ال مٷسٸن بيٸكتٸگٸ 1,5 مەتر. جيىنعا ارنايى كەلگەن زييالى قاۋىم ٶكٸلدەرٸ مەن قوناقتار ساتيريك جازۋشىنىڭ ٶنەگەلٸ ٶمٸرٸن ەسكە الىپ, ەڭبەگٸنەن ناسيحات ايتتى.
«سادىقبەك ادامبەكوۆتٸڭ 100 جىلدىعىن اتاپ ٶتۋ شاراسى ونىڭ تۋعان توپىراعىنان باستاۋ الدى. سەتٸن سالسا, مۇنداي شارالار لەگٸ وبلىستىق, رەسپۋبليكالىق, تٸپتٸ حالىقارالىق اۋقىمدا اتالىپ ٶتۋٸ تيٸس. سەبەبٸ, ادامبەكوۆ قازاققا عانا ەمەس, تۇتاس تٷركٸ ەلەمٸنە ورتاق تۇلعا. مەن جەرلەستەرٸمدٸ وسىنداي دەۋٸر جاڭعىراتىن سەتتٸڭ باستالۋىمەن شىن جٷرەكتەن قۇتتىقتايمىن», - دەدٸ بەلگٸلٸ ەدەبيەتتانۋشى قۇلبەك ەرگٶبەك.
اۋماعى اتشاپتىرىم دەمالىس ورنىندا جەرگٸلٸكتٸ كليماتقا بەيٸمدەلگەن ٷيەڭكٸ مەن تالشىن, شاعان مەن الما سىندى اعاشتار وتىرعىزىلدى.
سونداي-اق, مۇندا جايلى ورىندىقتار قويىلىپ, كەلۋشٸلەردٸڭ دەمالۋىنا مەيلٸنشە قولايلى جاعداي جاسالعان. ەسٸرەسە, جاۋىن مەن ىستىق كٷننەن قورعان بولاتىن زاماناۋي باستىرما استىنا ٷش جۇپ شاحمات تاقتاسىنىڭ قويىلۋى مۇندا ۋاقىت ٶتكٸزۋدٸڭ مەن-مازمۇنىن اشا تٷسەتٸندەي.
ال جاسىل جەلەكپەن كٶمكەرٸلٸپ, جارىقشامداردىڭ ورناتىلۋى ساياباقتىڭ اجارىن ارتتىرىپ, كٶز سٷيسٸندٸرەدٸ.
ايتا كەتەيٸك, ەسٸمٸ ەل ەسٸندە قالىپ, قۇرمەتتەلۋٸ تيٸس تۇلعالاردىڭ بٸرٸ ساتيرا ساردارى – سادىقبەك ادامبەكوۆ. 1922 جىلى 15 قاراشادا ارىس اتىرابىندا دٷنيەگە كەلگەن ول ورالىمدى ساتيراسىمەن وقىرمان قاۋىمدى ٶزٸنە قاراتتى.
سانالى عۇمىرىن قازاق ساتيراسىنىڭ دامۋىنا جۇمساعان سادىقبەك ادامبەكوۆتٸڭ ەسٸمٸ ەسٸمٸ ەل ٸشٸندە ۇلىقتالىپ, وسىلايشا جەرلەستەرٸنٸڭ ماقتانىشىنا اينالدى.
