«ازاماتتارعا ارنالعان ٷكٸمەت» مەملەكەتتٸك كورپوراتسيياسى ٷيلەرٸ تٶتەنشە جاعداي كەزٸندە جارىلىستان زارداپ شەككەن ارىس تۇرعىندارىنىڭ قۇجاتتارىن تەگٸن رەسٸمدەپ جاتىر, دەپ حابارلادى مەملەكەتتٸك كورپوراتسييانىڭ باسپاسٶز قىزمەتٸ.
ماۋسىم ايىنىڭ سوڭىندا ورىن العان جارىلىس سالدارىنان بۇزىلعان جەنە زاقىم كەلگەن عيماراتتاردى جاپپاي قالپىنا كەلتٸرۋ جەنە جٶندەۋ جۇمىستارىنىڭ جٷرگٸزٸلۋٸنە بايلانىستى ارىس قالاسىندا جەر كاداسترى جەنە جىلجىمايتىن مٷلٸك سالاسى بويىنشا قىزمەتتەر كٶلەمٸ كٷرت ٶسكەن. قازٸرگٸ ۋاقىتتا جوعارى سۇرانىسقا يە بولىپ وتىرعان وسى قىزمەتتەر مەملەكەتتٸك كورپوراتسييامەن تەگٸن كٶرسەتٸلۋدە.
«ازاماتتارعا ارنالعان ٷكٸمەت» مەملەكەتتٸك قىزمەتتەردٸڭ ۋاقىتىلى كٶرسەتٸلۋٸن قامتاماسىز ەتۋ ماقساتىندا ارىس قالالىق بٶلٸمشەسٸنە شىمكەنت قالاسى, قىزىلوردا, جامبىل وبلىستارىنان جەنە تٷركٸستان وبلىسىنىڭ اۋداندىق بٶلٸمدەرٸنەن 25 قىزمەتكەردٸ كٶمەككە جۇمىلدىردى. شٸلدە ايىنىڭ باسىنان كورپوراتسييا ٶز ەسەبٸنەن اقىسىز نەگٸزدە 858 تەحنيكالىق تٶلقۇجات, 3328 مەنشٸك يەسٸ تۋرالى مەلٸمەت, 476 جىلجىمايتىن مٷلٸكتٸڭ تەحنيكالىق تٶلقۇجاتتارىن جەنە قۇقىق بەلگٸلەيتٸن قۇجاتتىڭ مۇراعاتتىق كٶشٸرمەسٸن بەرٸپ, جىلجىمايتىن مٷلٸك دەرەكقورىنداعى قاتەلەردٸ تٷزەتۋ جۇمىسى بويىنشا 799 تۇرعىنعا قىزمەت كٶرسەتتٸ. ال جالپى ەسەپتٸ مەرزٸمدە (24 ماۋسىم – 12 تامىز) ارىس قالالىق بٶلٸمٸمەن كٶرسەتٸلگەن مەملەكەتتٸك قىزمەتتەر سانى 17 مىڭعا جەتتٸ», - دەلٸنگەن تاراتىلعان اقپاراتتا.
ەستەرٸڭٸزگە سالا كەتەيٸك, ازاماتتارعا ارنالعان ٷكٸمەتتٸڭ ارىس قالاسى بويىنشا بٶلٸمٸ ورىن العان تٶتەنشە جاعدايدان كەيٸن ازاماتتارعا قىزمەت كٶرسەتۋٸن توقتاتپاي, دالالىق جاعدايدا, ارنايى قۇرىلعان شتاب قۇرامىندا جۇمىس ٸستەدٸ. تۇرعىندارعا مەملەكەتتٸك قىزمەتتەر بويىنشا كەڭەس بەرٸلٸپ, اقپاراتتىق انىقتامالار مەن باستاپقى قۇجاتتار پاكەتٸ ۇسىنىلدى. قاجەت بولعان جاعدايدا ماماندار ازاماتتاردى قۇجاتتاندىرۋ ٷشٸن كٶشٸ-قون قىزمەتٸ باسقارمالارىمەن جەدەل ٶزارا ٸس-قيمىل جاساپ, تيٸستٸ جۇمىستار اتقاردى.
سونداي-اق, ارىس قالالىق حقو قالانىڭ ەلەۋمەتتٸك نىساندارىنىڭ اراسىندا العاشقىلاردىڭ بٸرٸ بولىپ از ۋاقىت ٸشٸندە عيماراتىن جٶندەۋدەن ٶتكٸزٸپ, ٶز جۇمىسىن قالىپتى جاعدايدا قايتا جٷرگٸزگەن بولاتىن.
