ارىس قالاسىندا «قازاق ەلٸنە العىس» مەموريالدى تاقتاسىنىڭ اشىلۋ سالتاناتى ٶتتٸ.
ول 2019 جىلعى 24 ماۋسىمدا بولعان جارىلىستىڭ زاردابىن جويۋعا قاتىسقان بارشا ازاماتتار مەن ٶڭٸرلەرگە العىس رەتٸندە ورناتىلىپ وتىر, دەپ حابارلايدى "ۇلت اقپارات" تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
جيىنعا ارىس قالاسىنىڭ ەكٸمٸ گٷلجان قۇرمانبەكوۆا, قالالىق مەسليحاتتىڭ حاتشىسى ا.بايتاناەۆ, ەڭبەك ارداگەرلەرٸ, مەن زييالى قاۋىم ٶكٸلدەرٸ قاتىستى. شارادا العاش سٶز العان شاھار باسشىسى مەموريالدى تاقتانىڭ مەن-ماڭىزىنا توقتالدى.
«ارىس قالاسىن قايتا قالپىنا كەلتٸرۋ جۇمىستارى ەلباسى ن.نازارباەۆتىڭ, مەملەكەت باسشىسى ق.توقاەۆتىڭ, قر پرەمەر مينيسترٸ ا.ماميننٸڭ, وبلىس ەكٸمٸ ٶ.شٶكەەۆتٸڭ تٸكەلەي باقىلاۋىندا بولدى. ٷكٸمەت باسشىسىنىڭ تاپسىرماسىنا سەيكەس, ارىس قالاسىنىڭ اۋماعى 17 سەكتورعا بٶلٸنٸپ, نۇر-سۇلتان, الماتى, شىمكەنت قالالارى مەن وبلىستارعا بەكٸتٸلٸپ بەرٸلدٸ. وبلىس ەكٸمٸنٸڭ باسشىلىعىمەن تۇرعىنداردى ازىق-تٷلٸكپەن قامتاماسىز ەتۋ, قوعامدىق تەرتٸپتٸ ساقتاۋ, قالانى قايتا قالپىنا كەلتٸرۋ ماقساتىندا 17 شتاب قۇرىلدى. از عانا ۋاقىتتىڭ ٸشٸندە قالا تٷگەلدەي جاڭعىردى, جاڭادان ٷيلەر سالىنىپ, زاقىمدانعان عيماراتتار قايتا قالپىنا كەلتٸرٸلٸپ, جولدار جاڭاردى. جاڭا نىساندار بوي كٶتەردٸ. ارىس قالاسى جاڭا كەيٸپكە ەندٸ. بۇل بٷكٸل ەلدٸڭ جۇمىلا كٸرٸسٸپ, بٸرلٸكپەن اتقارعان ٸسٸنٸڭ نەتيجەسٸ. سوندىقتان ارىس قالاسى تۇرعىندارى قالانى قالپىنا كەلتٸرۋگە اتسالىسقان بارشا وتانداستارىمىزعا, قازاق ەلٸنە العىس ايتادى», - دەدٸ گٷلجان مامىتقىزى.
جيىن سوڭى مەدەنيەت ٷيٸ قىزمەتكەرلەرٸنٸڭ كونتسەرتتٸك باعدارلاماسىنا ۇلاستى. مەموريالدى تاقتانى جاساعان جەرگٸلٸكتٸ مٷسٸنشٸ مٷتەلٸپ كٷزدەۋباەۆ, ال تاقتاداعى مەتٸن اۆتورى جەرگٸلٸكتٸ اقىن مىڭجاسار دەرمەنوۆ.
