قر بالالار قۇقىعى جٶنٸندەگٸ ۋەكٸلٸ ارۋجان ساين اتا-انالاردان بالالاردى ميتينگكە الىپ شىقپاۋدى سۇرادى, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندە تٸلشٸلەردٸڭ سۇراعىنا جاۋاپ بەرگەن ارۋجان ساين بالالار قۇقىعى جٶنٸندەگٸ بۇرىنعى ۋەكٸل سەۋلە ايتباەۆانىڭ سٶزٸنە قاتىستى پٸكٸر بٸلدٸردٸ. ايتا كەتەرلٸگٸ, سەۋلە ايتباەۆا اتا-انالاردىڭ بالالارىن سانكتسييالانباعان ميتينگتەرگە الىپ شىعۋىنا قاتىستى ناقتى زاڭنامالىق شارا قابىلداۋ مەسەلەسٸن كٶتەرگەن ەدٸ.
«ميتينگكە قاتىستى ايتارىم - ەۋەلٸ باسقا ەلدەردە مۇنداي مەسەلە قالاي قارالاتىنىن زەرتتەپ الۋىم كەرەك. ەكٸ ٶتٸنٸشٸم بار: بٸرٸنشٸسٸ اتا-انالارعا. بالالاردى ونداي اكتسييالارعا قاتىستىرماڭىزدار. اينالىپ كەلگەندە بالامەن «باراحولكاعا» بارۋدىڭ ٶزٸ قورقىنىشتى. سەبەبٸ, ادام كٶپ. ال كٶشەدە نە بولارىن بٸر قۇداي بٸلەدٸ. اتا-انالاردان بالالاردى ميتينگكە الىپ شىقپاۋدى سۇرايمىن», - دەدٸ ارۋجان ساين.
قر بالالار قۇقىعى جٶنٸندەگٸ ۋەكٸلٸ سونىمەن قاتار, پوليتسييا قىزمەتكەرلەرٸنە دە ٶتٸنٸشٸن بٸلدٸردٸ.
«ەكٸنشٸ ٶتٸنٸشٸم - پوليتسييا قىزمەتكەرلەرٸنە. ەگەر اتا-انانى بالامەن بٸرگە ٸٸب-گە اپارماي-اق, ايىپپۇلدى پوشتا ارقىلى جٸبەرە الاتىن بولساڭىزدار, ولارعا تيٸسپەي-اق قويىڭىزدار. ەگەر اتا-انا بالامەن كەلٸپ تۇرسا, ايتارىن ايتسىن. ال ەگەر ارى قاراي زاڭ بۇزىلسا, بۇل شارالاردى سٷيرەلەمەي-اق جٷرگٸزە الاسىزدار», - دەدٸ ول.
ەسكە سالا كەتسەك, بۇعان دەيٸن جەرگٸلٸكتٸ اتقارۋشى ورگاندار مەن ايماق باسشىلارىنا قارجىلىق ساياساتتتى قايتا قاراۋ جٶنٸندە ٷندەۋ تاستاپ, يميدجدٸك شارالاردىڭ بەرٸن قىسقارتىپ, ودان ٷنەمدەلگەن قاراجاتتى بالالارعا جۇمساۋدى سۇراعان ەدٸ.
