اقمولا وبلىسىنىڭ ارشالى كەنتٸندە مەكتەپ قازاندىعىنىڭ جارىلۋى سالدارىنان زارداپ شەككەن ٷش ادامنىڭ بٸرٸ قازا بولدى, دەپ حابارلايدى قازاقپارات اگەنتتٸگٸ.
اقمولا وبلىستىق دەنساۋلىق ساقتاۋ باسقارماسى باسپاسٶز قىزمەتٸنٸڭ مەلٸمەتٸنشە, 55 جاستاعى ەر ادامنىڭ ٶمٸرٸن ساقتاپ قالۋ ٷشٸن دەرٸگەرلەر بارىن سالدى. الايدا, تٷرلٸ دەڭگەيدەگٸ دەنە كٷيٸگٸ مەن جاراقاتتاردان ناۋقاس رەانيماتسييا شارالارى كەزٸندە كٶز جۇمعان.
«ساعات 23.00-دەگٸ دياگنوزى: «قوسارلانعان پوليتراۆما. باسى, دەنەسٸ جەنە وڭ جاق قولىنىڭ, اياعىنىڭ 2-3ا دەرەجەلٸ تەرمييالىق كٷيٸگٸ. تىنىس الۋ جولدارىنىڭ كٷيٸگٸ. سول جاق اياق تاباننىڭ 3-4-5 سٷيەكتەرٸنٸڭ اشىق سىنىعى. سول جاق جٸلٸنشٸكتٸڭ اسىق جٸلٸگٸنٸڭ پروكسيمالدى مەتاەپيفيزٸنٸڭ ورنىنان اۋىتقۋسىز جابىق سىنىعى. سول اياقتىڭ قىسىلۋ سيندرومى. باس-سٷيەك ميىنىڭ جابىق جاراقاتى. ميدىڭ سوققى الۋى. تٶبە سٷيەگٸنٸڭ سول جاق بٶلٸگٸنٸڭ جاراقاتى. 3-دەرەجەلٸ تراۆمالىق شوك. جاعدايى اسا اۋىر.
ساعات 23.25-تە جٷرەك سوعىسى توقتادى. 30 مينۋت بويعى رەانيماتسييا شارالارى نەتيجە بەرمەدٸ. 23.55-تە بيولوگييالىق ٶلٸم تٸركەلدٸ», - دەدٸ ۆەدومستۆودان تٸلشٸ ساۋالىنا.
دەرٸگەرلەردٸڭ ايتۋىنشا, قازاندىقتىڭ جارىلۋى سالدارىنان زارداپ شەككەن تاعى ەكٸ ادامنىڭ جاعدايى باقىلاۋدا.
بۇدان بۇرىن حابارلاعانىمىزداي, اقمولا وبلىسىنىڭ ارشالى كەنتٸندە مەكتەپتٸڭ جىلۋ قازاندىعى جارىلىپ, ٷش ادام زارداپ شەككەن بولاتىن.
قازٸرگٸ كەزدە, وبلىس ەكٸمٸنٸڭ بٸرٸنشٸ ورىنباسارى مەلعاجدار تەتكەەۆتٸڭ تٶراعالىعىمەن جەدەل شتاب قۇرىلىپ, شۇعىل جۇمىستار اتقارىلىپ جاتىر.
