لوندوندىق «ارسەنال» كلۋبى 2025/26 جىلعى ماۋسىمدا انگلييا پرەمەر-ليگاسىن جەڭٸپ, رەكوردتىق تابىسقا قول جەتكٸزدٸ. The Athletic مەلٸمەتٸنشە, كلۋبتىڭ جالپى كٸرٸسٸ 198,7 ميلليون فۋنت ستەرلينگكە جەتكەن. بۇل — پرەمەر-ليگا تاريحىنداعى ەڭ جوعارى كٶرسەتكٸشتەردٸڭ بٸرٸ, دەپ حابارلايدى ult.kz.
بيىل انگلييا چەمپيوناتى كلۋبتارعا بٶلٸنەتٸن جالپى قارجى كٶلەمٸ العاش رەت 3 ميلليارد فۋنت ستەرلينگتەن استى. چەمپيون اتانعان «ارسەنال» تۋرنيرلٸك كەستەدەگٸ بٸرٸنشٸ ورىن ٷشٸن 75,2 ميلليون فۋنت بونۋس العان.
سونىمەن قاتار, تەلەترانسلياتسييادان تٷسكەن تابىس تا ايتارلىقتاي ٶسكەن. «مانچەستەر يۋنايتەد» 34 ماتچتىڭ ەفيرگە شىعۋى ارقاسىندا 191,5 ميلليون فۋنت تابىس تاپقان.
الايدا پرەمەر-ليگا مەن تٶمەنگٸ ديۆيزيون كلۋبتارى اراسىنداعى قارجىلىق ايىرماشىلىق ەلٸ دە ٷلكەن مەسەلە بولىپ قالىپ وتىر. ساراپشىلار اعىلشىن فۋتبولىنداعى تابىس تەڭسٸزدٸگٸ جىلدان-جىلعا ارتىپ كەلە جاتقانىن ايتادى.
