«ارسەلورميتتال تەمٸرتاۋ» اق جەنە كەسٸپورىننىڭ بٸرقاتار لاۋازىمدى تۇلعاسى ٶندٸرٸس وشاعىندا بولعان اپاتقا جٷز پايىز كٸنەلٸ. بۇل تۋرالى قر يندۋسترييا جەنە ينفراقۇرىلىمدىق دامۋ مينيسترلٸگٸنەن مەلٸم ەتتٸ, دەپ حابارلايدى "ۇلت اقپارات".
ۆەدومستۆو مەلٸمەتٸنشە, 2018 جىلدىڭ 10 قاراشاسى كٷنٸ ساعات 19-38-دە «ارسەلورميتتال تەمٸرتاۋ» اق-دا اپات سالدارىنان توپتىق جازاتايىم وقيعا بولدى. اپات سالدارىنان وتتەگٸ تسەحىنىڭ اۋا بٶلۋ ٶنٸمدەرٸنٸڭ تەحنولوگييالىق قۇبىرلارى بۇزىلدى. تٶرت ادام زارداپ شەكتٸ. بولعان اپاتتى تەرگەپ, تەكسەرۋ جەنە جازاتايىم وقيعانىڭ سەبەپتەرٸن انىقتاۋ ٷشٸن قاراعاندى وبلىستىق ەڭبەك ينسپەكتسيياسىنىڭ 2018 جىلعى 12 قاراشاداعى № 205 بۇيرىعىمەن ٶنەركەسٸپتٸك قاۋٸپسٸزدٸك سالاسىنداعى ۋەكٸلەتتٸ ورگان ٶكٸلٸنٸڭ تٶراعالىعىمەن كوميسسييا قۇرىلدى.
كوميسسييا قر ەڭبەك كودەكسٸنٸڭ 189-بابىنىڭ 1-تارماعىنا جەنە 190-بابىنىڭ 10-تارماعىنا سەيكەس ارنايى تەكسەرۋ جٷرگٸزدٸ جەنە ۇسىنىلعان ماتەريالدار, كۋەگەرلەر مەن قاتىسى بار ادامداردان سۇراق-جاۋاپ نەگٸزٸندە ساراپتامالىق كٸشٸ كوميسسييانىڭ قورىتىندىلارىمەن تانىسىپ, تٶمەندەگٸلەردٸ انىقتادى. اتاپ ايتقاندا, تەحنولوگييالىق قۇبىرلاردىڭ بۇزىلۋىنا مىناداي سەبەپتەر بولدى:
بٸرٸنشٸ, 2018 جىلدىڭ 6 قاراشاسىنان باستاپ اپاتقا دەيٸن جوعارى قىسىمدى وتتەگٸ جەنە جوعارى قىسىمدى ازوت قۇبىر جولدارىنداعى شىعىس پەن قىسىم شامالارىنىڭ ٷلكەن دەڭگەيدە اۋىتقۋىنا بايلانىستى قۇبىر جولدارىنا ەدەۋٸر ديناميكالىق سالماق تٷسكەن. سونىڭ سالدارىنان 09گ2س بولاتتىڭ ورنىنا 20 مس 1050-84 بولاتتان جاسالعان 126ك جەنە 127ك تٸرەۋٸشتەرٸنٸڭ اراسىندا 2003 جىلى ورناتىلعان ديامەترٸ 720 مم جوعارى قىسىمدى وتتەگٸ قۇبىر جولدارىنىڭ تٸك سىزىقتى ۋچاسكەسٸمەن 90º بۇرىشى تارماقتىڭ دەنەكەرلەنگەن جەرٸ ٷزٸلدٸ.
ەكٸنشٸ, «ليندە قازاقستان» جشس بلوكتارىنان اۋانى بٶلۋ ٶنٸمدەرٸن بەرۋدٸ دەر كەزٸندە سٶندٸرمەۋ بۇل اپاتتىڭ تارالۋىنا جەنە بۇزىلۋ كٶلەمٸنٸڭ ٷلكەيۋٸنە ەسەر ەتتٸ.
«كوميسسييا «ارسەلورميتتال تەمٸرتاۋ» اق جەنە كەسٸپورىننىڭ بٸرقاتار لاۋازىمدى تۇلعاسى ورىن العان اپاتقا جٷز پايىز كٸنەلٸ دەگەن قورىتىندىعا كەلدٸ. جۇمىس نەتيجەلەرٸ بويىنشا كوميسسييا بولعان اپاتتىڭ سەبەپتەرٸن جويۋ جەنە بولاشاقتا وسىنداي جاعدايلاردىڭ قايتالانۋىن بولدىرماۋ ٷشٸن 15 ٸس-شارا ەزٸرلەدٸ. بۇل ٸس-شارالاردىڭ ورىندالۋىن باقىلاۋدى ٶنەركەسٸپتٸك قاۋٸپسٸزدٸك سالاسىنداعى ۋەكٸلەتتٸ ورگان جٷزەگە اسىراتىن بولادى», - دەپ اتاپ ٶتەدٸ مينيسترلٸكتەن.
