"ارسەلورميتتال تەمٸرتاۋ" كومپانيياسىنىڭ مەتاللۋرگييا كومبيناتىندا ەكٸ جۇمىسشى كٷيٸپ, اۋرۋحاناعا جاتقىزىلدى. زارداپ شەككەندەر رەانيماتسييادا جاتىر, - دەپ حابارلايدى "ۇلت اقپارات".
جازاتايىم وقيعا «ارسەلورميتتال تەمٸرتاۋ» اق مەتاللۋرگييالىق كومبيناتىنداعى كونۆەرتەرلٸك تسەحتىڭ ميكسەر بٶلٸمٸندە بولدى. كراندى كٶتەرۋ كەزٸندە شويىن شەلەك ەكٸ جۇمىسشىعا قۇلاپ كەتٸپ, 27 جەنە 37 جاستاعى جۇمىسشىلاردىڭ ٷستٸنە بالقىتىلعان مەتالل تٶگٸلٸپ, ولاردى قاتتى كٷيٸك شالدى. ولار قازٸر جانساقتاۋ بٶلٸمٸندە. دەرٸگەرلەر زارداپ شەككەندەردٸڭ جاعدايى اۋىر دەپ مەلٸمدەدٸ.
«1984 جىلى تۋعان كران ماشينيسٸ 2-3 دەرەجەلٸ كٷيٸك الدى. ونىڭ دەنەسٸنٸڭ 20 پايىزى كٷيگەن. ەكٸنشٸ كران ماشينيسٸ 1994 جىلى تۋعان. وعان 3-شٸ, 4-شٸ دەرەجەلٸ كٷيٸك شالۋ دياگنوزى قويىلدى, دەنەسٸنٸڭ شامامەن 70 پايىزى كٷيٸپ قالعان. زارداپ شەككەندەردٸڭ جاعدايى اۋىر دەپ باعالانادى. جٷرگٸزٸلگەن رەانيماتسييالىق شارالاردان كەيٸن ولار قاراعاندى وبلىستىق مەديتسينالىق ورتالىعىنىڭ كٷيٸك ورتالىعىنا جەتكٸزٸلدٸ», - دەپ حابارلادى «ارسەلورميتتال تەمٸرتاۋ» اق باسپاسٶز قىزمەتٸ.
وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ زارداپ شەككەندەردٸڭ ەكەۋٸنٸڭ دە جاعدايى اۋىر دەپ باعالانعانىن ايتتى. ولار رەانيماتسييادا ەم قابىلداپ جاتىر.
