"ArselorMittal Temirtaý" kompaniiasynyń metallýrgiia kombinatynda eki jumysshy kúiip, aýrýhanaǵa jatqyzyldy. Zardap shekkender reanimatsiiada jatyr, - dep habarlaidy "Ult aqparat".
Jazataiym oqiǵa «ArselorMittal Temirtaý» AQ metallýrgiialyq kombinatyndaǵy konverterlik tsehtyń mikser bóliminde boldy. Krandy kóterý kezinde shoiyn shelek eki jumysshyǵa qulap ketip, 27 jáne 37 jastaǵy jumysshylardyń ústine balqytylǵan metall tógilip, olardy qatty kúiik shaldy. Olar qazir jansaqtaý bóliminde. Dárigerler zardap shekkenderdiń jaǵdaiy aýyr dep málimdedi.
«1984 jyly týǵan kran mashinisi 2-3 dárejeli kúiik aldy. Onyń denesiniń 20 paiyzy kúigen. Ekinshi kran mashinisi 1994 jyly týǵan. Oǵan 3-shi, 4-shi dárejeli kúiik shalý diagnozy qoiyldy, denesiniń shamamen 70 paiyzy kúiip qalǵan. Zardap shekkenderdiń jaǵdaiy aýyr dep baǵalanady. Júrgizilgen reanimatsiialyq sharalardan keiin olar Qaraǵandy oblystyq meditsinalyq ortalyǵynyń kúiik ortalyǵyna jetkizildi», - dep habarlady «ArselorMittal Temirtaý» AQ baspasóz qyzmeti.
Oblystyq densaýlyq saqtaý basqarmasynyń baspasóz qyzmeti zardap shekkenderdiń ekeýiniń de jaǵdaiy aýyr dep baǵalanǵanyn aitty. Olar reanimatsiiada em qabyldap jatyr.
