ارمەنييادا تٶتەنشە جاعداي رەجيمٸ تاعى بٸر ايعا سوزىلدى. مۇنداي شەشٸم بەيسەنبٸ كٷنٸ ارمەنييا ٷكٸمەتٸنٸڭ وتىرىسىندا قابىلداندى, - دەپ حابارلايدى "ۇلت اقپارات".
ارمەنييا ٷكٸمەتٸنٸڭ شەشٸمٸ بويىنشا, ەلدە تٶتەنشە جاعداي رەجيمٸ تاعى بٸر ايعا – 13 ماۋسىمعا دەيٸن سوزىلدى. شەشٸمگە سەيكەس, كوروناۆيرۋس ينفەكتسيياسىنا بايلانىستى تٶتەنشە جاعداي تۇرعىنداردىڭ ٶمٸرٸ مەن دەنساۋلىعىنا قاۋٸپتٸ, تج رەجيمٸن جارييالاۋعا سەبەپ بولعان جاعدايلار ەلٸ قالىپقا كەلتٸرٸلمەگەن.
ارمەنييا پرەمەر-مينيسترٸ نيكول پاشينياننىڭ ايتۋىنشا, ٷكٸمەت بۇعان دەيٸن الىپ تاستاعان شەكتەۋ شارالارىن قايتا ەنگٸزبەيدٸ. ونىڭ سٶزٸنشە, ٷكٸمەتتٸڭ ستراتەگيياسى – تۇرعىنداردى قاۋٸپسٸزدٸك ەرەجەلەرٸن ساقتاۋعا شاقىرۋ, كەي جاعدايلاردا تٸپتٸ مٸندەتتەۋ.
«ارمەنييادا 1500 ناۋقاستا اۋرۋ بەلگٸلەرٸ بايقالسا, شەكتەۋ رەجيمٸنە قايتا ورالۋعا مەجبٷر بولامىز. قازٸرگٸ ۋاقىتتا 600 پاتسيەنت مەديتسينالىق كٶمەككە زەرۋ», - دەپ اتاپ ٶتتٸ نيكول پاشينيان.
