Armeniiada tótenshe jaǵdai rejimi taǵy bir aiǵa sozyldy. Mundai sheshim beisenbi kúni Armeniia úkimetiniń otyrysynda qabyldandy, - dep habarlaidy "Ult aqparat".
Armeniia úkimetiniń sheshimi boiynsha, elde tótenshe jaǵdai rejimi taǵy bir aiǵa – 13 maýsymǵa deiin sozyldy. Sheshimge sáikes, koronavirýs infektsiiasyna bailanysty tótenshe jaǵdai turǵyndardyń ómiri men densaýlyǵyna qaýipti, TJ rejimin jariialaýǵa sebep bolǵan jaǵdailar áli qalypqa keltirilmegen.
Armeniia premer-ministri Nikol Pashiniannyń aitýynsha, úkimet buǵan deiin alyp tastaǵan shekteý sharalaryn qaita engizbeidi. Onyń sózinshe, úkimettiń strategiiasy – turǵyndardy qaýipsizdik erejelerin saqtaýǵa shaqyrý, kei jaǵdailarda tipti mindetteý.
«Armeniiada 1500 naýqasta aýrý belgileri baiqalsa, shekteý rejimine qaita oralýǵa májbúr bolamyz. Qazirgi ýaqytta 600 patsient meditsinalyq kómekke zárý», - dep atap ótti Nikol Pashinian.
