ارمەنييا پرەزيدەنتٸ ارمەن ساركيسيان ٶكٸلەتٸ اياقتالماي جاتىپ قىزمەتٸنەن كەتتٸ. بۇل تۋرالى اقپارات 23 قاڭتاردا ونىڭ رەسمي سايتىندا جارييالاندى. ساركيسيان ەل ساياساتىنا, سوعىس پەن بەيبٸتشٸلٸك مەسەلەسٸنە ىقپال ەتەتٸندەي ٶكٸلەتٸ بولماعاندىقتان, وسىنداي شەشٸم قابىلداعانىن مەلٸمدەگەن.
68 جاستاعى ساياساتكەر ارمەنييانى 2018 جىلدىڭ كٶكتەمٸنەن بەرٸ باسقاردى. 1996-1997 جىلدارى ول تٶرت اي پرەمەر-مينيستر قىزمەتٸن اتقارعان.
ارمەنييا - پارلامەنتتٸك رەسپۋبليكا, كەڭ ٶكٸلەتٸ جوق پرەزيدەنت لاۋازىمى تەك رەسمي ماڭىزعا يە. بۇل قىزمەتكە ٷمٸتكەر جەتٸ جىلدىق مەرزٸمگە بٸر-اق رەت سايلانا الادى.
ارمەن ساركيسيان ارمەنييا ەلدەگٸ جٷيەلٸ مەسەلەلەردٸ شەشۋدە پرەزيدەنت "ٶز ەلەۋەتٸن تولىمدى پايدالانا المايتىن ەل ەكەنٸن" جازعان. قازٸرگٸ جاعدايدا "پرەزيدەنتتٸڭ قولىندا ەلٸنە كٶمەكتەسە الاتىن تەتٸكتەر جوق" دەيدٸ ول.
ٶز بيلٸگٸ تۇسىندا كونستيتۋتسييالىق ٶزگەرٸس ەنگٸزۋ تۋرالى كوميسسييا قۇرىلعانىن اتاپ ٶتكەن ساركيسيان, كونستيتۋتسيياعا ٶزگەرٸس ەنگٸزۋ ارقىلى كەلەسٸ پرەزيدەنت "تەڭەستٸرٸلگەن ورتادا" جۇمىس ٸستەۋگە مٷمكٸندٸك الاتىنىنا سەنٸمدٸ.
زاڭ بويىنشا, پرەزيدەنت قىزمەتتەن كەتۋ جٶنٸندە ٶتٸنٸش جاساي الادى. ول اشىق جارييا ەتٸلگەندە ٶتٸنٸشٸ قابىلدانعان بولىپ ەسەپتەلەدٸ. جاڭا پرەزيدەنت سايلانعانشا, ونىڭ قىزمەت مٸندەتٸن پارلامەنت تٶراعاسى اتقارادى. پرەزيدەنتتٸ پارلامەنت دەپۋتاتتارى سايلايدى.
كەزەكتەن تىس سايلاۋ پرەزيدەنت قىزمەتٸ بوس دەپ جارييالانعان سەتتەن باستاپ كەمٸندە 25 كٷن ٶتكەننەن كەيٸن, بٸراق 35 كٷننەن كەشٸكپەي ٶتۋٸ تيٸس.
2018 جىلدىڭ كٶكتەمٸندە ارمەنييا پارلامەنتٸ ارمەن ساركيسياندى پرەزيدەنت ەتٸپ سايلاعان. كٶپ ۇزاماي ەلدە جاپپاي نارازىلىق بولىپ, نەتيجەسٸندە پرەمەر-مينيستر قىزمەتٸنە سوعان دەيٸن وپپوزيتسيياعا جەتەكشٸلٸك ەتكەن نيكول پاشينيان سايلاندى.
