فوتو اشىق دەرەككٶزدەن الىندى
سوڭعى ۋاقىتتا Tiktok ەلەۋمەتتٸك جەلٸسٸ ارقىلى كٶپشٸلٸكتٸڭ ىقىلاسىنا بٶلەنٸپ جٷرگەن نۇرلان قاجى بايجٸگٸتۇلى ٶزٸ ٷشٸن بۇل جەلٸ جاڭالىق ەمەس ەكەنٸن ايتادى. جالپى, ونىڭ ەل الدىندا جٷرگەنٸنە 30 جىلعا تاياعان.
وسى ورايدا نۇرلان يمام اتىمەن تانىمال بولعان قاجى Ult.kz تٸلشٸسٸنٸڭ بٸرنەشە سۇراعىنا جاۋاپ بەردٸ. ول مەشٸتتەگٸ دٸن ۋاعىزى مەن ەلەۋمەتتٸك جەلٸدەگٸ ناسيحاتتىڭ ايىرماشىلىعى تۋرالى ايتتى.
«مەن ٷشٸن Tiktok جەلٸسٸ جاڭالىق ەمەس. سەبەبٸ كٶپشٸلٸك الدىندا جٷرگەنٸمە وتىز جىلعا تايادى. بۇعان دەيٸن قازاقستاننىڭ ٷش-تٶرت وبلىسىندا دٸن ٶكٸلٸ بولسام, ٷش-تٶرت مٷفتيمەن قاتار قىزمەت اتقارىپ كەلەمٸن. ەلەۋمەتتٸك جەلٸگە ەرتەرەك كٶڭٸل بٶلگەنٸمدە, بٷگٸنگٸدەن دە باسقالاي بولار ما ەدٸ, كٸم بٸلسٸن. دەگەنمەن, قاي وبلىسقا قادام باسسام دا, الدىمداعى جاماعاتىم كٷن سايىن كٶبەيمەسە, ەش ازايعان ەمەس. ايىرماشىلىعى سول, اللانىڭ ٷيٸندەگٸ دٸن ۋاعىزى تەرەڭٸنەن, ال جەلٸدەگٸ دٸن ناسيحاتى قىسقا-نۇسقا كٷيدە ٶتەدٸ. سوندىقتان قاي جەلٸ بولماسىن, مەيلٸ ول Instagram, مەيلٸ YouTube, مەيلٸ ول Tiktok بولسىن - دٸن ادامى ٷشٸن بٷگٸنگٸ كٷننٸڭ مٸنبەرٸ, ناسيحات قۇرالى. ال, Tiktok جەلٸسٸن تاڭداۋىما سەبەپكەر - قازاق جاستارى. مەنٸ بۇل قاتتى الاڭداتادى. ٶيتكەنٸ ولار دٸنٸمٸز بەن دەستٷرٸمٸزدٸ جالعاستىرۋشىلار, جاڭعىرتۋشىلار بولىپ قالۋى تيٸس», – دەيدٸ نۇرلان قاجى بايجٸگٸتۇلى.
دەگەنمەن نۇرلان يمامدى وقىرماندارى بٸردەن قابىلداماعان. جەلٸدەگٸ قازٸرگٸ تانىمالدىلىعى مەن وقىرماندار سانىنا وڭايلىقپەن جەتپەگەنٸن, ارادا كٶپتەگەن تٷسٸنٸسپەۋشٸلٸكتەر بولعانىن دا جاسىرمادى.
«يە, بٸردەن قابىلدادى دەمەيمٸن. ارادا تٷسٸنٸسپەۋشٸلٸكتەر بولدى, كەيبٸرەۋلەر تٸكەلەي ەفيرلەردە «نەعىپ وتىرسىڭ?», «شال كەت», «ۇيالمايسىڭ با?», «نۇريمام» دەگەن سىقىلدى قارسى پٸكٸرلەر, تٸپتٸ بوقاۋىز سٶزدەردٸڭ تٷرلەرٸن جازدى. مۇنداي نەگاتيۆتەرگە كٶڭٸل بٶلمەدٸم دەمەيمٸن, كەرٸسٸنشە ەسكەرتۋ بەردٸم. بٸراق ەرٸنبەي سكرينشوتتاپ, سول پاراقشالاردى كەيٸننەن اقتارعانىمدا, بٸرٸ - ەرەسەك, بٸرٸ - جاس, بٸرٸ مەكتەپ وقۋشىسى بولىپ شىقتى. ولارمەن سٶيلەستٸم دەسەم دە بولادى», – دەيدٸ يمام.
ونىڭ ايتۋىنشا, ەلەۋمەتتٸك جەلٸدەگٸ وقىرمان عانا ەمەس, ەرٸپتەستەرٸ دە دۇرىس قابىلداي الماعان, اراسىندا تٸپتٸ كەلەمەجدەگەندەر دە تابىلعان.
«بۇل ەشتەڭە ەمەس, ەرٸپتەستەرٸمنٸڭ ٶزٸ تۋ سىرتىمنان «ەرتٸس يمام كەلە جاتىر», «تيك-توكەر يمام» دەگەن مىسقىلدى مازاقتارىن ەل اراسىنا تاراتا باستادى. الايدا, مەن ٷشٸن جاستار جوعارى تۇردى. «جاستاردىڭ ساناسىن جاقسى جاققا بۇرۋىم كەرەك!» دەگەن ماقساتىم بٸر ەلٸ ارتقا شەگٸندٸرمەدٸ, جولىمنان تايدىرمادى. تەك, سول ۋاقىتتا جەلٸنٸ جاۋلاعان مەكتەپ وقۋشىلارىنا قايران قالدىم. ولار نە ٸستەپ وتىر, ساباقتارى قايدا, اتا-انالارى قايدا, تەربيە قايدا دەگەن سۇراقتار مازالادى. دەسە دە, سۇرانىستىڭ بارىن ەۋ باستان سەزدٸم. ٶيتكەنٸ ەفيرلەرٸمە زەرتتەۋ جٷرگٸزە باستادىم. سۇراقتاردىڭ لەگٸنەن حالىقتىڭ كٶمەيٸ كٶرٸنە باستادى», – دەيدٸ نۇرلان قاجى.
ايتۋىنشا, ول جاستاردى ٶزٸنە تارتۋ ٷشٸن ەدٸس-تەسٸلدەر قولدانۋ كەرەگٸن تٷسٸنەدٸ. باستاپقىدا ٷش كٷندە بٸر ەفير, بٸر جارىم ايدان سوڭ, كٷن ارا ەفيرگە شىعۋدى ەدەتكە اينالدىرادى. وسىدان كەيٸن جاستاردىڭ كٶڭٸلٸنەن ورىن الادى. جاستار قىزىعا, ال حالىق قولداي باستايدى. يمامنىڭ ايتۋىنشا, ونىڭ جەكەسٸنە جازىلاتىن سۇراقتار لەگٸ ەسەپسٸز. تٸپتٸ, ەلٸ كٷنگە دەيٸن جاۋاپ بەرٸلمەگەندەرٸ بار. ٶيتكەنٸ, فيزيكالىق تۇرعىدا جاۋاپ بەرۋگە ۋاقىت بٶلە الماي جاتقان كٶرٸنەدٸ. وقىرماندارىنىڭ سانى دا اي سايىن بٸر تەمپپەن ٶسٸپ وتىر.
«ۋاقىتىم بولسا, كٷنٸنە ەكٸ-ٷش ساعاتىمدى جەلٸلەردەگٸ جەكەمە كەلگەن حاتتارعا جاۋاپ بەرۋگە بٶلەمٸن. شامام جەتٸپ جاتسا, كەيدە بەس-التى ساعاتىم بٶلٸنەدٸ. بۇل - ەفيرلەردٸڭ سىرتىندا بٶلٸنەتٸن ساعاتتار. ال, كٷن ارا ەكٸ ساعاتتان كەم ەمەس جٷرگٸزٸلەتٸن ەفيرلەر - ولار ٶز الدىنا بٸر بٶلەك. كەيٸنگٸ ۋاقىتتا ازايتۋىما تۋرا كەلدٸ. سەبەبٸ ۋاقىتىم بۇرىنعىدان دا تىعىز بولا باستادى. سودان سوڭ جاستاردىڭ ەفيرلەرٸمە قىزىققانى سونشا, بٸردە-بٸرەۋٸن قالدىرماستان تىڭداپ, كەرەگٸن دە, كەرەك ەمەسٸن دە ۇيالى تەلەفوندارىنا جازىپ الىپ, تاراتا بەرەتٸنگە كٶشتٸ. تٸپتٸ, ٶز پاراقشامنىڭ قارالىمىنان اسىپ تٷسەتٸن حەلگە جەتكٸزدٸ. بۇل ٷشٸن ولاردى سٶكپەيمٸن, رەنجٸمەيمٸن.
قاي جەلٸنٸ بولماسىن, ادام قانداي نيەتپەن قولدانسا, سولاي قابىلدانادى. ياعني Tiktok-تىڭ ەلەمدٸك برەندكە ٶتۋٸنە سەبەپكەر ادامدار, قىسقا-نۇسقا دٷنيەلەرمەن سانانى تەز جاۋلاپ الدى. ال, وسى قىسقا-نۇسقانى دٷنيەنٸ قالاي قولدانسام دەگەن وي مەندە ەۋ باستا بولدى. "شەشٸنگەن ادام سۋدان تايىنباس" دەمەكشٸ, ادامعا الىنبايتىن قامال بار ما?! "تەۋەكەل تٷبٸ – جەل قايىق" دەگەندەي, بٸزدەر ياعني قازاق حالقى استارسىز قۇراق قۇراماعان ەلمٸز, سول سيياقتى قىسقا ويدى دٸنمەن ساباقتاپ, دەستٷرمەن ويلادىم. Tiktok-تىڭ پايداسى – جەڭٸل, زييانى – ۋاقىت جەيدٸ, كٶزدٸ جەيدٸ», – دەدٸ نۇرلان قاجى بايجٸگٸتۇلى.
