تٷركٸستاندا «ارداگەرلەر ۇيىمى» رەسپۋبليكالىق قوعامدىق بٸرلەستٸگٸنٸڭ 35 جىلدىعىنا ارنالعان مەرەكەلٸك ٸس-شارا ٶتتٸ, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
الدىمەن قوعام قايراتكەرٸ اسانباي اسقاروۆتىڭ ٶمٸرٸنەن سىر شەرتەتٸن «الاش رۋحتى ازامات» اتتى كٸتاپتىڭ تانىستىرىلىمى ٶتتٸ. كٸتاپتا ۇلتىن سٷيگەن پەرزەنتتٸڭ بولمىسىن اشاتىن دٷنيەلەر, ەستەلٸكتەر ەنگٸزٸلگەن. ٸس-شارا اياسىندا قوعام قايراتكەرٸ مەن ارداگەرلەرگە ارنالعان كٶرمە ۇيىمداستىرىلدى. ٶڭٸر ارداگەرلەرٸن قۇتتىقتاۋعا وبلىس ەكٸمٸنٸڭ مٸندەتٸن اتقارۋشى دارحان ساتىبالدى ارنايى كەلٸپ, قۇرمەتٸن كٶرسەتتٸ.
«مەملەكەت باسشىسى قاسىم-جومارت توقاەۆ ٶز جولداۋلارىندا اعا بۋىنعا قولداۋ كٶرسەتۋ مەسەلەسٸن ٷنەمٸ نازاردا ۇستاپ كەلەدٸ. تٷركٸستان وبلىسىندا 180 مىڭعا جۋىق زەينەت جاسىنداعى قارتتارىمىز بار. ولار قوعامدى دامىتۋ جولىندا ٷلەس قوسا بٸلدٸ. ٶزدەرٸڭٸز بٸلەتٸندەي, تٷركٸستان وبلىسىن قۇرۋ جٶنٸندەگٸ جارلىقتىڭ شىققانىنا 4 جىلدان اسا ۋاقىت بولدى. وسى ۋاقىت كٶلەمٸندە ٶڭٸرٸمٸزدە اۋقىمدى جوبالار قولعا الىندى. قۇرىلىس جۇمىستارى قارقىندى جٷرٸپ جاتىر. بٸراق جىلدار بويى كەزەڭ-كەزەڭٸمەن جالعاساتىن ەڭ ماڭىزدى جۇمىس بار. ول – رۋحانييات. بٷگٸنگٸ تاڭدا وبلىستىق ارداگەرلەر ۇيىمى وسى ماقساتتا جەمٸستٸ ەڭبەك ەتٸپ جٷر. بٸز ەرقاشان قارتتارىمىزدى قۇرمەتتەپ, ارداگەرلەرٸمٸزدٸ ارداقتاۋ ارقىلى جارقىن بولاشاققا بەت الامىز. بٷگٸنگٸ مەرەكەلٸك جيىندى پايدالانىپ, ەلٸمٸزدٸڭ دامۋىنا قوسقان ٷلەستەرٸڭٸز بەن ٷلگٸ-ٶنەگەلەرٸڭٸز ٷشٸن العىسىمدى بٸلدٸرەمٸن. وبلىس رۋحانيياتىنىڭ جاندانۋى جولىنداعى بارلىق باستامالارىڭىزعا سەتتٸلٸك, دەندەرٸڭٸزگە ساۋلىق تٸلەيمٸن», – دەگەن وبلىس ەكٸمٸنٸڭ مٸندەتٸن اتقارۋشى ٶڭٸردٸڭ دامۋىنا ٷلەس قوسىپ جٷرگەن ارداگەرلەردٸڭ بٸرقاتارىن ماراپاتتادى.
مەرەكەلٸك جيىندا ەڭبەگٸمەن دارالانعان اقساقالدار مەن ەل انالارىنا وبلىستىق مەسليحات حاتشىسى قايرات بالابيەۆ پەن «ارداگەرلەر ۇيىمى» رەسپۋبليكالىق قوعامدىق بٸرلەستٸگٸنٸڭ تٷركٸستان وبلىستىق فيليالىنىڭ تٶراعاسى جەڭٸسبەك مەۋلەنقۇلوۆتىڭ دا العىس حاتتارى تاپسىرىلدى. جەڭٸسبەك مەۋلەنقۇلوۆ ارداگەرلەر كەڭەسٸنٸڭ اتقارعان جۇمىستارىنا توقتالىپ, ەلدٸ بٸرلٸككە, جاستاردى وتانسٷيگٸشتٸككە شاقىرۋ باعىتىنداعى تٸرلٸكتەردٸ باياندادى.
يگٸ ٸس-شارا مەرەكەلٸك كونتسەرتپەن جالعاسىن تاپتى.
1987 جىلى الماتىداعى قۇرىلتاي اياسىندا قازاقستاننىڭ ارداگەرلەر ۇيىمى قۇرىلعان بولاتىن. بيىل ەلٸمٸزدەگٸ ەڭ ٷلكەن ەرٸ اسا ماڭىزدى قوعامدىق بٸرلەستٸكتٸڭ قۇرىلعانىنا 35 جىل تولىپ وتىر. ۇيىمنىڭ نەگٸزگٸ ماقساتى – ارداگەرلەردٸڭ قۇقىقتارىن قورعاۋ, لايىقتى ەلەۋمەتتٸك-تۇرمىستىق جاعدايىن قامتاماسىز ەتۋگە ىقپال جاساۋ, ولارعا مەدەني, مەديتسينالىق جەنە باسقا دا كٶمەك تٷرلەرٸن جاقسارتۋعا جەردەمدەسۋ, جاستاردى وتانشىلدىققا تەربيەلەۋ.
