اقمولا وبلىسىنىڭ اتباسار قالاسىندا كٶپپەتەرلٸ تۇرعىن ٷيدەن شىققان ٶرت سالدارىنان 1 ادام قازا تاۋىپ, 3 ادام قۇتقارىلدى. بۇل تۋرالى تٶتەنشە جاعدايلار مينيسترلٸگٸنٸڭ رەسمي ٶكٸلٸ تالعات ۋەلي مەلٸم ەتتٸ, دەپ حابارلايدى "ۇلت اقپارات".
«كەشە تٷندە اتباسار قالاسىندا بەس قاباتتى تۇرعىن ٷيدٸڭ پەتەرلەرٸنٸڭ بٸرٸنەن ٶرت شىقتى. ٶرت سٶندٸرۋ بارىسىندا ٷش ادام قۇتقارىلدى. تاعى 6 ادام قاۋٸپسٸز جەرگە شىعارىلدى. ونىڭ ٸشٸندە 3 بالا بار. ٶكٸنٸشكە وراي, ٶرت بولعان پەتەردە 1966 جىلى تۋعان ەر ادامنىڭ مٷردەسٸ تابىلدى», - دەدٸ ول.
رەسمي ٶكٸلدٸڭ اتاپ ٶتۋٸنشە, ٶرتتٸڭ شىعۋ سەبەبٸ انىقتالىپ جاتىر.
ٶرتتٸ سٶندٸرۋگە تٶتەنشە جاعدايلار دەپارتامەنتٸنٸڭ 7 مامانى مەن 2 تەحنيكاسى جۇمىلدىرىلدى. وقيعا ورنىندا اۋداندىق پوليتسييا بٶلٸمٸنٸڭ كەزەكشٸ جەدەل-تەرگەۋ توبى جۇمىس ٸستەدٸ.
«26 مينۋت ٸشٸندە ٶرت تولىعىمەن سٶندٸرٸلدٸ. ٶرت ٷشٸنشٸ قاباتتاعى پەتەرلەردٸڭ بٸرٸنەن شىققان. ٷي زاتتارى مەن جيھازدار ٶرتەنگەن. ٶرت كەزٸندە تٶمەنگٸ قاباتتا تۇراتىن تۇرعىندار ٷيلەرٸنەن ٶزدٸگٸمەن شىعىپ كەتكەن. جوعارى قاباتتارداعى تۇرعىندار قالىڭ تٷتٸننٸڭ سالدارىنان تٶمەن تٷسە المادى. ٶرت سٶندٸرۋشٸلەر ەر پەتەردٸ تەكسەرٸپ, وندا ادامدار بولعان كەزدە وتتەگٸ ماسكاسىن كيٸپ, تازا اۋاعا شىعاردى», - دەدٸ تالعات ۋەلي.
