سوڭعى 5 جىلدا ورمان كٶلەمٸن ارتتىرۋ ٷشٸن وبلىستىق بيۋدجەت ەسەبٸنەن ورمان مولىقتىرۋ جۇمىستارى جٷرگٸزٸلٸپ كەلەدٸ. بۇل تۋرالى ٷكٸمەت وتىرىسىندا قىزىلوردا وبلىسىنىڭ ەكٸمٸ گٷلشارا ەبدٸقالىقوۆا ايتتى, دەپ حابارلايدى "ۇلت اقپارات".
«وبلىس اۋماعىندا مەملەكەتتٸك ورمان قورىنىڭ كٶلەمٸ 6,5 ملن گەكتاردى قۇراسا, ونىڭ 3,1 ملن گەكتارى – ورماندى القاپتار. ورماندى القاپتىڭ 89%-ىن نەگٸزگٸ ورمان قۇراۋشى سەكسەۋٸل اعاشتارى الىپ جاتىر. سوڭعى 5 جىلدا ورمان كٶلەمٸن ارتتىرۋ ٷشٸن وبلىستىق بيۋدجەتتەن ورمان قورىنا 55 مىڭ گەكتەرعا ورمان مولىقتىرۋ جۇمىستارى جٷرگٸزٸلٸپ, ونىڭ 26,3 گەكتارى ارال تەڭٸزٸنٸڭ قۇرعاعان ۇلتانىنا ەگٸلدٸ», - دەيدٸ قىزىلوردا وبلىسىنىڭ ەكٸمٸ گٷلشارا ەبدٸقالىقوۆا.
ونىڭ ايتۋىنشا, بيۋدجەتتەن تىس قارجى كٶزدەرٸن تارتۋ ارقىلى ەكولوگييالىق جوبالار جٷزەگە اسىرىلۋدا.
«مىسالى, كورەيا رەسپۋبليكاسىنىڭ قايتارىمسىز 1,7 ملن اقش دوللارى قارجىسىنا ارال تەڭٸزٸنٸڭ قۇرعاعان بٶلٸگٸندەگٸ 13,3 گەكتار جەرگە 5 ملن سەكسەۋٸل وتىرعىزىلدى. سونىمەن قاتار, دٷنيەجٷزٸلٸك بانكتٸڭ قايتارىمسىز 4,3 ملن اقش دوللار قارجىسى ەسەبٸنەن جوسپارلانىپ وتىرعان «قازاقستان لاندشافتارىن قالپىنا كەلتٸرۋ» جوباسى اياسىندا ارال تەڭٸزٸنٸڭ قۇرعاعان ۇلتانىنا فيتو-ورمان مەليوراتسيياسى جوباسىن جالعاستىرۋ جٶنٸندە ەكولوگييا, گەولوگييا جەنە تابيعي رەسۋرستار مينيسترلٸگٸنە ۇسىنىس ەنگٸزدٸك», - دەيدٸ ول.
