كەزٸندە بٸرەگەي سۋ قويماسى بولعان ارال قازٸرگٸ تاڭدا ٶڭٸردەگٸ ەلدەر ٷشٸن وراسان زور ەكولوگييالىق پروبلەماعا اينالىپ وتىر. بۇل تۋرالى قازاقستان پارلامەنتٸ سەناتىنىڭ تٶراعاسى مەۋلەن ەشٸمباەۆ ايتتى, دەپ حابارلايدى قازاقپارات.
قىزىلوردا وبلىسىنىڭ ارال اۋدانىندا قازاقستان رەسپۋبليكاسىنىڭ پارلامەنتٸ سەناتى مەن ٶزبەكستان رەسپۋبليكاسىنىڭ وليي ماجليسٸ سەناتى اراسىنداعى ىنتىماقتاستىق جٶنٸندەگٸ كوميسسييانىڭ ەكٸنشٸ وتىرىسى ٶتتٸ. جيىندا ارالدى قالپىنا كەلتٸرۋ جەنە ونىڭ ەكوجٷيەسٸن قورعاۋ مەسەلەلەرٸندە قازاقستان مەن ٶزبەكستاننىڭ ىنتىماقتاستىعىن ودان ەرٸ نىعايتۋ مەسەلەسٸ سٶز بولدى.
«بٸزدٸڭ ەلدەرٸمٸزدٸڭ مەملەكەت باسشىلارى ارال پروبلەماسىن شەشۋ جەنە ترانسشەكارالىق سۋ رەسۋرستارىن تيٸمدٸ پايدالانۋ ماڭىزدى ەرٸ كەزەك كٷتتٸرمەيتٸن مەسەلە ەكەنٸنە ٷنەمٸ باسا مەن بەرٸپ كەلەدٸ. بٸر كەزدەرٸ بٸرەگەي سۋ قويماسى بولعان ارال قازٸر ٶڭٸردەگٸ ەلدەر ٷشٸن وراسان زور ەكولوگييالىق پروبلەماعا اينالىپ وتىر. بۇل ىنتىماقتاستىقتى نىعايتۋ جەنە ارالدى قايتا جانداندىرۋ ٷشٸن وزىق تەجٸريبە مەن تەحنولوگييالاردى كەڭٸنەن قولدانۋعا مٷمكٸندٸك بەرەتٸنٸ سٶزسٸز», – دەدٸ مەۋلەن ەشٸمباەۆ.
سەنات تٶراعاسى دٷنيەجٷزٸلٸك بانك پەن قازاقستان ٷكٸمەتٸ قارجىلاندىرعان «سىردارييا ٶزەنٸنٸڭ ارناسىن رەتتەۋ جەنە ارال تەڭٸزٸنٸڭ سولتٷستٸك بٶلٸگٸن ساقتاۋ» جوباسىنىڭ قولعا الىنۋى مەن ونىڭ بٸرٸنشٸ كەزەڭٸنٸڭ ٸسكە اسىرىلۋى ماڭىزدى قادام ەكەنٸن ايتتى. سونداي-اق پالاتا سپيكەرٸ قازٸرگٸ تاڭدا تەڭٸز دەڭگەيٸن ۇستاپ تۇرۋ ٷشٸن جاڭا مٸندەتتەردٸڭ اۋقىمدى كەشەنٸن قامتيتىن وسى جوبانىڭ ەكٸنشٸ كەزەڭٸن جٷزەگە اسىرۋ قاجەتتٸگٸنە نازار اۋداردى.
مەۋلەن ەشٸمباەۆ ارال ايماعىن قالپىنا كەلتٸرۋ بويىنشا بٸرلەسكەن جۇمىستى قولداي وتىرىپ, حالىقارالىق ارالدى قۇتقارۋ قورىنىڭ پلاتفورماسىن بارىنشا پايدالانۋ ماڭىزدى ەكەنٸن جەتكٸزدٸ. بۇدان باسقا, ٶڭٸردٸڭ ەكوجٷيەسٸن قالىپتاستىراتىن ترانسشەكارالىق ٶزەندەردٸڭ سۋ رەسۋرستارىن بٸرلەسٸپ باسقارۋدىڭ ٶزارا تيٸمدٸ جەنە وڭتايلى تەرتٸبٸن ٸزدەستٸرۋ كەرەكتٸگٸن دە تٸلگە تيەك ەتتٸ.
«بٸرٸنشٸ كەزەكتە, ارال مەسەلەسٸ بويىنشا قازٸرگٸ پروبلەمالاردى شەشۋگە بايلانىستى مەملەكەتتٸك ورگاندارمەن تىعىز بايلانىس ورناتۋدىڭ ماڭىزى زور. قازٸر بۇل باعىتتا جۇمىس جٷرگٸزٸلٸپ جاتىر. ودان بٶلەك, بەلگٸلەنگەن جوسپارلاردىڭ ٸسكە اسىرىلۋ بارىسىنا پارلامەنتتٸك باقىلاۋ جٷرگٸزۋدٸ تيٸمدٸ پايدالانعان جٶن. دەپۋتاتتىق كورپۋس ارال مەسەلەسٸ بويىنشا جەنە ٶڭٸردٸ دامىتۋ جٶنٸندەگٸ باستامالارعا قاجەتتٸ زاڭنامالىق قولداۋ كٶرسەتە الادى. بٸرلەسٸپ, بۇل مەسەلەلەردٸ حالىقارالىق الاڭداردا دا بەلسەندٸ تٷردە ٸلگەرٸلەتۋدٸڭ دە بەرەرٸ مول دەپ ەسەپتەيمٸز. جالپى بٸزدە تيٸمدٸ بٸرلەسكەن جۇمىس ٷشٸن قاجەتتٸ مٷمكٸندٸكتەر مەن رەسۋرستار بار», – دەدٸ مەۋلەن ەشٸمباەۆ.
