قىزىلوردا وبلىسى, ارال اۋدانىنىڭ ٷش اۋىلىندا بيىلعى جىلدىڭ ماۋسىم ايىنىڭ سوڭعى ون كٷندٸگٸندە تٷيەلەر تابانىنىڭ تٷسۋٸنە ۇشىراتقان اۋرۋ كەزدەستٸ, دەپ حابارلايدى "ۇلت اقپارات".
قازٸرگٸ تاڭدا جەرگٸلٸكتٸ ۆەتەرينارييا سالاسىنىڭ ماماندارى اۋرۋ بەلگٸلەرٸن انىقتاپ, وعان قاتىستى بيلٸك تاراپىنان جەدەل شارالار قابىلداندى.
اۋدانعا قاراستى اققۇم, قاراقۇم اۋىلدىق وكرۋگتەرٸ جەنە جاقسىقىلىش كەنتٸندە 24 تٷيەنٸڭ اتالعان اۋرۋمەن سىرقاتتاعان جاعدايى تٸركەلدٸ. ۆەتەرينار ماماندار تٷيەلەرگە كلينيكالىق تەكسەرۋ جٷرگٸزٸپ, «نەكروباكتەريوز» بولجامدى دياگنوزىن قويىپ وتىر. ول اسا قاۋٸپتٸ اۋرۋ تٷرلەرٸنە جاتپايدى.
«اتالعان اۋرۋعا جانۋارلاردىڭ بارلىق تٷرٸ ۇشىراۋى مٷمكٸن. ول قاجەتتٸ جەم-شٶپ قورەگٸنٸڭ ازدىعىنان, قۋاڭشىلىقتىڭ بولۋىنان تۋىندايدى. مەسەلەن, ول قىستان ارىق, كٶتەرەم بولىپ شىققان, يممۋنيتەتٸ تٶمەن مالداردا جيٸ كەزدەسەدٸ. ول اۋىرعان تٷيەلەردٸڭ تابانىن زاقىمداپ, مازولدٸ قاباتىن بۇزىپ تٷسٸرەدٸ. سونداي-اق, لايلى-شالشىق جەرلەردە, كٶكتەمدە قورا-جايلارعا مەحانيكالىق انتيسانيتارلىق جۇمىستاردىڭ جٷرگٸزٸلمەۋٸنەن دە پايدا بولادى.
ۆەتەرينار دەرٸگەرلەر اۋىرعان تٷيەلەردٸ ەمدەۋ ٷشٸن تٷرلٸ انتيبيوتيكتەردٸ قولدانۋدا», - دەدٸ وبلىستىق ۆەتەرينارييا باسقارماسى باسشىسىنىڭ ورىنباسارى ەنۋاربەك دارماعانبەتوۆ.
ونىڭ ايتۋىنشا, بۇل ماقساتتا «بيتسيللين-3», «اسد فراكتسييا-3» ەرٸتٸندٸسٸ, «اشوكسي», «نيتوكس-200» ۆەتەرينارييالىق پرەپاراتتارىن مالدارعا ەگۋ جٷرگٸزٸلۋدە. پرەپاراتتار مال يەسٸنٸڭ ٶز قاراجاتى ەسەبٸنەن ەگٸلۋدە. وعان شامامان 8-10 مىڭ تەڭگەگە دەيٸن قاراجات جۇمسالادى.
قازٸرگٸ كٷنٸ اۋىرعان تٷيە مالدارىنىڭ جاعدايى قالىپتى دەڭگەيدە. اۋىرعان 24 باس تٷيەنٸڭ بٷگٸندە 14-ٸ ساۋىققان. ال, قالعان 10 باس تٷيەگە ەمدٸك شارالارى جٷرگٸزٸلۋدە.
بٷگٸنگٸ كٷنٸ ۆەتەرينار ماماندار مال يەلەرٸنە ەمدەۋ پروتسەسٸن تەگٸن جٷرگٸزٸپ جاتىر. مال اۋرۋلارى تۇراقتى باقىلاۋعا الىنعان.
ايتا كەتەيٸك, اۋرۋ بەلگٸلەرٸ انىقتالعان تٷيەلەردەن قوسىمشا سىناما الىنۋدا. سىنامالار رەسپۋبليكالىق ۆەتەرينارلىق زەرتحانانىڭ قىزىلوردا وبلىسىنداعى فيليالىنا تاپسىرىلادى.
