قىزىلوردا وبلىسىنىڭ ارال اۋدانىندا قۋاڭشىلىق سالدارىنان 481 باس مال شىعىنعا ۇشىرادى, دەپ حابارلايدى "ۇلت اقپارات".
ارال ٶڭٸرٸ تۇرعىندارىن جىل باسىنان بەرٸ تابيعي قۇبىلىستار ەبٸگەرگە سالدى. الدىمەن سىردارييادان كەلەتٸن سۋ تاپشىلىعىنىڭ ازابىن تارتتى. سالدارىنان ٶڭٸردەگٸ جايىلىم جۇتاڭ تارتىپ, قولداعى تٶرت تٷلٸك ازىق ەتەرلٸك شٶپ قالعان جوق. وعان قوسا قىس پەن كٶكتەم مەزگٸلدەرٸندە جاۋىن-شاشىن از تٷستٸ. وسىنداي كەلەڭسٸزدٸك مال شىعىنىنا الىپ كەلدٸ. اۋداندا بارلىعى 481 مال ٶلگەن. ونىڭ ٸشٸندە 321-ٸ جىلقى بولسا, 159-ى سيىر, بٸرەۋٸ تٷيە بولىپ وتىر. مۇنداي كەلەڭسٸز كٶرٸنٸس اۋدانداعى 8 ەلدٸ مەكەندە بايقالعان.
«ايتا كەتەيٸك, ٶلگەن مالداردا ەشقانداي جۇقپالى اۋرۋ بەلگٸسٸ بايقالعان جوق. ونى ۆەتەرينارييا ماماندارى انىقتاپ, تيٸستٸ حاتتاما جاسادى. الداعى ۋاقىتتا مۇنداي كەلەڭسٸزدٸككە جول بەرمەۋ قاداعالانادى. بۇل ورايدا كەزەكشٸلٸك ۇيىمداستىرۋ قولعا الىنىپ وتىر. وعان اۋىل تۇرعىندارى, ەرٸكتٸلەر, جەدەل قۇتقارۋ جاساعى جەنە اۋداندىق تٶتەنشە جاعدايلار بٶلٸمٸنٸڭ ماماندارى ەنگٸزٸلگەن. مالدارعا ارنايى باقتاشىلار بەكٸتۋگە نازار اۋدارىلدى», - دەدٸ اۋدان ەكٸمٸنٸڭ ورىنباسارى ەركٸن ەبٸشەۆ.
ونىڭ ايتۋىنشا, قازٸر جەم-شٶپ قورىن جاساقتاۋعا باسا نازار اۋدارىلۋدا. وسى ورايدا كٶرشٸلەس اقتٶبە وبلىسىنىڭ ىرعىز اۋدانى مەن ٶڭٸردەگٸ ارالمەن ٸرگەلەس جاتقان ٶزگە اۋدانداردان اتالعان مەسەلەگە بايلانىستى كەلٸسٸم جاسالۋدا. قازٸرگە دەيٸن اۋدانعا بارلىعى 116 توننا جوڭىشقا شٶبٸ جەتكٸزٸلدٸ. الداعى كٷندەردە بۇل باعىتتا 518 توننا جوڭىشقاعا تاپسىرىس بەرٸلگەن. سونداي-اق, اۋدانداعى بٸرقاتار شارۋاشىلىقتا بيىل جوڭىشقا كٶلەمٸن ارتتىرۋعا نازار اۋدارىلدى.
وسى ورايدا اۋدان ەكٸمدٸگٸ جانىنان جۇمىسشى توبى قۇرىلعان. ماماندار جايىلىمدى سۋلاندىرۋ ٷشٸن بۇرىنعى سۋ كٶزدەرٸنە تٷگەندەۋ جٷرگٸزگەن. العاشقى كەزەكتە باستى 49 سۋ ۇڭعىماسىنىڭ دەرەگٸ ناقتىلاندى. قۇجاتتاندىرۋمەن قۇزىرلى مەكەمەلەر تاراپىنان شارا قابىلدانۋدا. نەگٸزگٸ ماقسات – ەلدٸ مەكەندەردەگٸ سۋ ۇڭعىمالارىن قايتا قازىپ, سۋلاندىرۋ مەسەلەسٸن شەشۋ.
قۋاڭشىلىق سالدارىنان كەيبٸر شارۋالار تٶرت تٷلٸك باسىن ازايتۋدان ٶزگە امالى قالعان جوق. ولاردىڭ قاتارىندا قۇلاندى, بەلاران, مەرگەنساي اۋىلدارىنىڭ تۇرعىندارى بار. جەرگٸلٸكتٸ جۇرت جىلقى, سيىر جەنە قويىن نارىق باعاسىنان تٶمەن ساتۋعا مەجبٷر.
«2000 جىلى شىققان «ساقتاندىرۋ قىزمەتٸ تۋرالى» زاڭى بار. اتالعان زاڭعا سەيكەس بارلىق زاڭدى جەنە جەكە تۇلعالار ٶز مەنشٸگٸندەگٸ مٷلٸكتٸ ساقتاندىرۋعا قۇقىلى. ارال اۋدانىندا مالدارى شىعىن بولعان شارۋالار وسىنداي تالاپتارعا ساي جۇمىس جاساعان بولسا, ولار ساقتاندىرۋ كومپانيياسىنان ٶتەماقى تالاپ ەتە الادى. قازٸرگٸ تاڭدا اۋدان ەكٸمدٸگٸ تاراپىنان سول ٶڭٸردەگٸ قۋاڭشىلىققا قاتىستى تٶتەنشە جاعداي جارييالاۋ مەسەلەسٸ قارالۋدا», – دەدٸ وبلىستىق اۋىل شارۋاشىلىعى باسقارماسى باسشىسىنىڭ ورىنباسارى اينۇر تٸلەۋلەەۆا.
