قىزىلوردا وبلىسى ارال اۋدانىندا قۋاڭشىلىققا بايلانىستى تٶتەنشە جاعداي جارييالاۋعا قاتىستى قۇجاتتار ەزٸرلەنۋدە. قازٸر تەك توپىراقتىڭ قۇرامىن انىقتاۋ قالدى, دەپ حابارلايدى "ۇلت اقپارات".
بٷگٸندە ۇلتتىق ساراپتاما ورتالىعى زەرتتەۋ جۇمىستارىن جٷرگٸزۋدە. قىس-كٶكتەم مەزگٸلدەرٸندە قار مەن جاۋىن-شاشىن مٶلشەرٸنٸڭ از بولۋىنا بايلانىستى ارال اۋدانىندا قۋاڭشىلىق جاعداي تٸركەلدٸ.
مال سانى مەن ازىعىنىڭ بالانسىن ۇستاپ تۇرۋ باعىتىندا جۇمىس ٸستەلٸپ جاتىر. اۋىل تۇرعىندارى, ەرٸكتٸلەر جەنە اۋداندىق تٶتەنشە جاعدايلار بٶلٸمٸنٸڭ قىزمەتكەرلەرٸ تاراپىنان كەزەكشٸلٸك ۇيىمداستىرىلعان. قازٸر مالدىڭ قىرىلۋى توقتادى.
ەسكە سالساق, بۇدان بۇرىن ارال اۋدانىندا قۋاڭشىلىقتان 481 مال قىرىلعانىن حابارلاعان ەدٸك.
«شٶپتٸڭ شىعىمدىلىعىنا قاتىستى اۋداندى ٷش ساناتقا بٶلدٸك. ياعني, قىزىل, جاسىل, سارى. قىزىل ايماققا 13 ەلدٸ مەكەندٸ جاتقىزدىق. ٶيتكەنٸ, جايىلىمدىق جەرلەرٸ 90 پايىزعا قۇرعاپ قالعان. ال سارى ايماقتاعى ەلدٸ مەكەندەردە 30-40 پايىزدى قۇرايتىن شٶپ بار. جاسىل تٷسپەن بەلگٸلەنگەن ەلدٸ مەكەندەردە شٶپتٸڭ شىعىمدىلىعى جاقسى. قازٸر ەر ايماقتان 500 گرامم توپىراق الىنىپ, ساراپتاماعا ٶتكٸزدٸك. شٶپتٸڭ شىعۋىنا ەسەر ەتەتٸن مينەرالداردىڭ توپىراقتىڭ قۇرامىندا بار-جوعى انىقتالادى. قورىتىندىسىن تٶتەنشە جاعدايلار دەپارتامەنتٸنە ٶتكٸزٸپ, كەلٸسٸم الامىز. سودان كەيٸن بارىپ تٶتەنشە جاعداي جارييالايمىز. بۇل مەسەلە كٷندەلٸكتٸ باقىلاۋدا», - دەدٸ ارال اۋدانى ەكٸمٸنٸڭ ورىنباسارى ەركٸن ەبٸشەۆ.
