ارال اۋدانى شارۋالارىنا جەم-شٶپ جەتكٸزٸلە باستادى

قىزىلوردا وبلىسى ارال اۋدانىنداعى قۋاڭشىلىق جاعدايىنا بايلانىستى جەرگٸلٸكتٸ شارۋالارعا جەم-شٶپ جەتكٸزٸلە باستادى, دەپ حابارلايدى "ۇلت اقپارات".

وبلىس ەكٸمٸ گٷلشارا ەبدٸقالىقوۆانىڭ باسشىلىعىمەن ٶڭٸردە بۇل باعىتتا تيٸستٸ ٸس-شارالار اتقارىلىپ كەلەدٸ. 

ايتا كەتەرلٸگٸ, ارال اۋدانىندا قۋاڭشىلىققا بايلانىستى تٶتەنشە جاعداي جارييالاندى.

اۋدانعا قاجەتتٸ شٶپتٸڭ كٶلەمٸ - 184640 توننا. وسى قاجەتتٸلٸككە سەيكەس 2499 توننا شٶپ جەنە 51,2 توننا جەم جەتكٸزٸلگەن. ال اۋداننىڭ شابىندىق جەرلەرٸنەن شٶپتٸڭ 36453 تونناسىن قامتاماسىز ەتۋ جوسپارلانىپ وتىر. قالعان 146000 توننا شٶپ سىرتتان تاسىمالدانادى. ول كەزەڭ-كەزەڭٸمەن جٷزەگە اسىرىلادى. 

ايتا كەتەرلٸگٸ, قۋاڭشىلىق جاعدايىنا بايلانىستى اۋدانداعى ەلدٸ مەكەندەر قىزىل, سارى جەنە جاسىل ايماققا بٶلٸنگەن. مەسەلەن, «قىزىل ايماق» بويىنشا 1252 توننا شٶپ جەنە 16,2 توننا جەم قاجەت ەتٸلٸپ وتىر. ال «سارىعا» 788 توننا شٶپ جەنە 30 توننا جەم, «جاسىلعا» 216 توننا شٶپ قاجەت. سونداي-اق, اۋدان ورتالىعى ارال قالاسى بويىنشا 243 توننا شٶپ جەنە 5 توننا جەم جەتكٸزٸلگەن. 

بۇدان بٶلەك, امانٶتكەل, جەتەس بي اۋىلدارىندا قايىرىمدىلىق كٶمەك رەتٸندە تۇرمىسى تٶمەن وتباسىلارعا شٶپتەر تەگٸن تاراتىلىپ بەرٸلدٸ.