Qyzylorda oblysy Aral aýdanyndaǵy qýańshylyq jaǵdaiyna bailanysty jergilikti sharýalarǵa jem-shóp jetkizile bastady, dep habarlaidy "Ult aqparat".
Oblys ákimi Gúlshara Ábdiqalyqovanyń basshylyǵymen óńirde bul baǵytta tiisti is-sharalar atqarylyp keledi.
Aita keterligi, Aral aýdanynda qýańshylyqqa bailanysty tótenshe jaǵdai jariialandy.
Aýdanǵa qajetti shóptiń kólemi - 184640 tonna. Osy qajettilikke sáikes 2499 tonna shóp jáne 51,2 tonna jem jetkizilgen. Al aýdannyń shabyndyq jerlerinen shóptiń 36453 tonnasyn qamtamasyz etý josparlanyp otyr. Qalǵan 146000 tonna shóp syrttan tasymaldanady. Ol kezeń-kezeńimen júzege asyrylady.
Aita keterligi, qýańshylyq jaǵdaiyna bailanysty aýdandaǵy eldi mekender qyzyl, sary jáne jasyl aimaqqa bólingen. Máselen, «Qyzyl aimaq» boiynsha 1252 tonna shóp jáne 16,2 tonna jem qajet etilip otyr. Al «saryǵa» 788 tonna shóp jáne 30 tonna jem, «jasylǵa» 216 tonna shóp qajet. Sondai-aq, aýdan ortalyǵy Aral qalasy boiynsha 243 tonna shóp jáne 5 tonna jem jetkizilgen.
Budan bólek, Amanótkel, Jetes bi aýyldarynda qaiyrymdylyq kómek retinde turmysy tómen otbasylarǵa shópter tegin taratylyp berildi.
