برازيلييانىڭ ميناس-جەرايس شتاتىندا ارالاردان قاشىپ سۋعا سەكٸرگەن 30 جاستاعى ەر ادامدى پيرانيالار جەپ قويدى. بۇل تۋرالى قازاقپارات ۆۆس-گە سٸلتەمە جاساپ حابارلادى.
وقيعا برازيلاندييا-دي-ميناس مۋنيتسيپاليتەتٸندە فەرماعا جاقىن ماڭداعى كٶلدە بولعان. ٷش دوس كٶلدە بالىق اۋلاپ جٷرگەندە كەنەتتەن ارالار پايدا بولادى. قاتتى قورىققان ولار كٶلگە سەكٸرەدٸ. ەكەۋٸ امان-ەسەن جٷزٸپ ٶتەدٸ, ال ٷشٸنشٸسٸ سۋعا باتا باستايدى. ٶكٸنٸشكە قاراي, دوستارى وعان كٶمەكتەسە المايدى. جاعاعا امان-ەسەن شىققان ەكەۋٸ بولعان وقيعانى ٶرت سٶندٸرۋشٸلەرگە ايتىپ بەرەدٸ. ولار جاعالاۋدان تٶرت مەتر جەردەن سۋعا باتقان جاننىڭ مەيٸتٸن تابادى. سۋدان شىعارعاندا بالىقتار ونىڭ وڭ جاق بەتٸن جەنە باسقا دا دەنە مٷشەلەرٸن جەپ قويعانى انىقتالدى. تەرگەۋ ەر ادامنىڭ نەدەن قايتىس بولعانىن – پيرانيالاردان نەمەسە سۋعا باتقاننان مەرت بولعانىن انىقتايدى. ونىڭ دەنەسٸ جەرلەۋ ٷشٸن تۋىستارىنا بەرٸلدٸ.
پيرانيا – اۋزى ٷلكەن جەنە كٶپتەگەن تٸستەرٸ بار كٸشكەنتاي ەتقورەكتٸ بالىق. بۇلار توپتاسىپ جٷرەدٸ. نەگٸزٸنەن وڭتٷستٸك جارتى شاردى مەكەندەيدٸ, الايدا 2009 جىلى پيرانيالار انگلييانىڭ وڭتٷستٸك-باتىسىندا دەۆون ٶزەنٸنەن دە تابىلدى.
