فوتو: championat.com
2028 جىلعى لوس-اندجەلەس وليمپياداسىنا دايىندىق اياسىندا قازاقستاندىق سپورتشىلارعا حالىقارالىق وليمپيادا كوميتەتٸنٸڭ ستيپەندييالىق باعدارلاماسى بويىنشا العاشقى تٶلەمدەر اۋدارىلدى. باعدارلاما شەڭبەرٸندە ەربٸر اتلەتكە 2500 اقش دوللارى, ياعني شامامەن 1,2 ميلليون تەڭگە كٶلەمٸندە قارجىلاي قولداۋ بەرٸلدٸ, دەپ حابارلايدى Ult.kz.
بۇل ستيپەندييا سپورتشىلاردىڭ وليمپياداعا ٸرٸكتەۋ كەزەڭٸ مەن دايىندىق پروتسەسٸن تيٸمدٸ ۇيىمداستىرۋعا باعىتتالعان. قازاقستاندىق اتلەتتەردٸڭ باعدارلاماعا قاتىسۋىنا قازاقستان ۇلتتىق وليمپيادالىق كوميتەتٸ باستاماشى بولدى. ۇوك ۇلتتىق فەدەراتسييالارمەن جەنە حالىقارالىق وليمپيادا كوميتەتٸمەن بٸرلەسٸپ, ٶتٸنٸم بەرۋ پروتسەسٸن تولىق ٷيلەستٸرگەن.
ستيپەندييا 2028 جىلعى وليمپيادا ويىندارىنىڭ باعدارلاماسىنا ەنگەن جەكە سپورت تٷرلەرٸ بويىنشا سىنعا تٷسەتٸن سپورتشىلارعا بەرٸلەدٸ. ٸرٸكتەۋ بارىسىندا ٷمٸتكەرلەردٸڭ سپورتتىق نەتيجەلەرٸ, وليمپيادا جولداماسىن جەڭٸپ الۋ مٷمكٸندٸگٸ جەنە جوعارى جەتٸستٸك كٶرسەتۋ ەلەۋەتٸ نەگٸزگٸ كريتەرييلەر رەتٸندە قاراستىرىلدى. سونىمەن قاتار, دوپينگكە قاتىستى تەرتٸپ بۇزۋشىلىقتاردىڭ بولماۋى جەنە وليمپيادالىق حارتييا تالاپتارىن ساقتاۋ دا ماڭىزدى تالاپتاردىڭ بٸرٸ بولدى.
بٶلٸنگەن قاراجات وقۋ-جاتتىعۋ جيىندارىن ٶتكٸزۋگە, جەكە دايىندىقتى جەتٸلدٸرۋگە, جاتتىقتىرۋشىلار مەن مامانداردىڭ ەڭبەكاقىسىن تٶلەۋگە, مەديتسينالىق جەنە عىلىمي قىزمەتتەرگە, ساقتاندىرۋعا, سونداي-اق تۇرۋ جەنە تاماقتانۋ شىعىندارىن ٶتەۋگە جۇمسالۋى مٷمكٸن. قاراجاتتىڭ جۇمسالۋى بەلگٸلەنگەن تەرتٸپكە سەيكەس تۇراقتى تٷردە باقىلاۋعا الىنادى.
ۇلتتىق وليمپيادالىق كوميتەتتٸڭ مەلٸمەتٸنشە, بۇل ستيپەندييا سپورتشىلارعا دايىندىق جوسپارىن جٷيەلٸ تٷردە قۇرىپ, ٸرٸكتەۋ جارىستارىنا ساپالى دايىندالۋعا مٷمكٸندٸك بەرەدٸ. نەتيجەسٸندە ولار ٶز ماقساتتارىنا جەتٸپ, جوعارى كٶرسەتكٸش كٶرسەتۋگە مٷمكٸندٸك الادى.
ستيپەندييا يەگەرلەرٸ قاتارىندا كەلەسٸ قازاقستاندىق سپورتشىلار بار:
ايدا ەبٸكەەۆا (بوكس), ساعىندىق توعامباي (بوكس), عۇسمان قىرعىزباەۆ (دزيۋدو), ەبيبا ەبۋجاقىنوۆا (دزيۋدو), ميلاد كاريمي (سپورتتىق گيمناستيكا), رۋسلان كۋربانوۆ (سەمسەرلەسۋ), يسحار كۋرباەۆ (گرەك-ريم كٷرەسٸ), ريزابەك ايتمۇحان (ەركٸن كٷرەس), زەينەپ بايانوۆا (ەيەلدەر كٷرەسٸ), مارييا بروۆكوۆا (بايداركا جەنە كانوەدە ەسكەك ەسۋ), الەكساندرا لە (نىسانا كٶزدەۋ), يسلام سەتپاەۆ (نىسانا كٶزدەۋ), ەمٸر مايمۇراتوۆ (سپورتتىق قۇزعا ٶرمەلەۋ), باتىرحان تٶلەۋعالي (تاەكۆوندو), الان قۇرمانعاليەۆ (ٷستەل تەننيسٸ), ەليزاۆەتا ماتۆەەۆا (جەڭٸل اتلەتيكا), ەسەم ورىنباي (ستەند اتۋ), سەرگەي پەتروۆيچ (اۋىر اتلەتيكا), اراي نۇرلىبەكوۆا (اۋىر اتلەتيكا), دانيل مۋساباەۆ (باتۋتتاعى گيمناستيكا).
اتالعان ستيپەندييالىق باعدارلاما سپورتشىلارعا قوسىمشا مٷمكٸندٸك بەرٸپ, ولاردىڭ وليمپياداعا ٸرٸكتەۋدەن سەتتٸ ٶتٸپ, جوعارى نەتيجەلەرگە قول جەتكٸزۋٸنە جاعداي جاسايدى.
