اقتٶبەدە قوقىس ماڭىنان تابىلعان باتىر ەسٸمدٸ سەبي جاڭا وتباسىن تاپتى. «ٷمٸت» بالالار ٷيٸندە نەبەرٸ بٸرنەشە اپتا بولعان نەرەستەنٸ اسىراپ الۋعا ٶتٸنٸش قۇجاتتارى پورتالعا ورنالاستىرىلعاننان كەيٸن بٸردەن تٷسكەن, دەپ حابارلايدى ult.kz.
بالالار ٷيٸنٸڭ باس دەرٸگەرٸ سەرٸك ايتۋكيننٸڭ ايتۋىنشا, سەبي 10 ماۋسىم كٷنٸ مەكەمەگە قابىلدانعان. وسىدان كەيٸن ونىڭ تۋۋ تۋرالى كۋەلٸگٸ رەسٸمدەلٸپ, بالا اسىراپ الۋ پورتالىنا ەنگٸزٸلگەن.
– ٶتٸنٸش بٸلدٸرگەن ازامات كەلٸپ, بالامەن تانىستى. زاڭدا كٶزدەلگەن رەسٸمدەر تولىق اياقتالعان سوڭ ونىڭ ٶتٸنٸشٸ قاناعاتتاندىرىلىپ, سەبي ٶتكەن اپتادا جاڭا وتباسىنا بەرٸلدٸ, – دەدٸ ول.
اقتٶبە وبلىستىق پوليتسييا دەپارتامەنتٸنٸڭ مەلٸمەتٸنشە, سەبيدٸڭ تۋعان اناسى ەلٸ انىقتالعان جوق. قازٸرگٸ ۋاقىتتا ونى ٸزدەستٸرۋ جۇمىستارى جالعاسىپ جاتىر.
ەسكە سالايىق, بيىل مامىر ايىندا اقتٶبەنٸڭ تۇرعىندار قالاشىعى اۋدانىنداعى قوقىس ماڭىنان جاڭا تۋعان نەرەستە تابىلعان ەدٸ. سالماعى 2 كەلٸ 900 گرامم بولعان سەبي جەدەل جەردەم قىزمەتكەرلەرٸنٸڭ كٶمەگٸمەن اۋرۋحاناعا جەتكٸزٸلٸپ, دەرٸگەرلەردٸڭ باقىلاۋىنا الىنعان بولاتىن.
