ماڭعىستاۋ وبلىسىندا وقۋ-جاتتىعۋ كەزٸندە ەسكەري قىزمەتشٸلەردٸڭ قازا بولۋىنا بايلانىستى قىلمىستىق ٸس قوزعالدى, دەپ حابارلايدى ult.kz.
باس پروكۋراتۋرا مەلٸمەتٸنشە, وقيعانى تەرگەۋ ٷشٸن جەدەل تەرگەۋ توبى قۇرىلدى. وقيعا ورنىندا ٸشكٸ ٸستەر, تٶتەنشە جاعدايلار مينيسترلٸكتەرٸ مەن پروكۋراتۋرا قىزمەتكەرلەرٸ جۇمىس ٸستەپ جاتىر. قاجەتتٸ سوت ساراپتامالارى تاعايىندالىپ, تەرگەۋ بارىسى ەرەكشە باقىلاۋعا الىندى.
الدىن الا مەلٸمەت بويىنشا, 24 قىركٷيەكتە اۋا رايىنىڭ كٷرت ناشارلاپ, جەلدٸڭ كٷشەيۋٸ سالدارىنان كاسپيي تەڭٸزٸندە وقۋ-جاتتىعۋعا قاتىسقان 19 ەسكەري قىزمەتشٸنٸ تولقىن الىپ كەتكەن.
قازٸرگٸ ۋاقىتتا 9 ەسكەري قىزمەتشٸنٸڭ قازا بولعانى انىقتالدى. ٷش ەسكەري قىزمەتشٸ قۇتقارىلعان, ونىڭ بٸرٸ اۋرۋحاناعا جاتقىزىلدى. قالعاندارىن ٸزدەۋ جۇمىستارى جالعاسىپ جاتىر.
