اقش مونەتا سارايى ەل تەۋەلسٸزدٸگٸنٸڭ 250 جىلدىعىنا وراي پرەزيدەنت دونالد ترامپتىڭ پورترەتٸ بەينەلەنگەن نومينالى 1 دوللار بولاتىن جاڭا مونەتانى اينالىمعا شىعاردى, دەپ حابارلايدى ult.kz.
مونەتالاردى فيلادەلفيياداعى مونەتا سارايى سوققان. الدىڭعى بەتٸندە — دونالد ترامپتىڭ پورترەتٸ, ال سىرتقى بەتٸندە اقش پرەزيدەنتٸنٸڭ مٶرٸ بەينەلەنگەن. وندا تۇمسىعىندا زەيتٷن بۇتاعى, تىرناعىندا جەبەلەر شوعى بار قىران جەنە كەۋدەسٸندەگٸ قالقاندا «250» سانى كٶرسەتٸلگەن.
مونەتالار التىن تٷستەس. ولاردى جەكە ەمەس, ارنايى توپتامامەن ساتىپ الۋعا بولادى: 25 مونەتا — 61 دوللار, 100 مونەتا — 154,5 دوللار.
بۇل مونەتانىڭ شىعۋى اقش زاڭناماسىنا قاتىستى قىزىقتى پٸكٸرتالاس تۋعىزدى. بۇعان دەيٸن زاڭ بويىنشا قازٸرگٸ پرەزيدەنتتٸڭ نەمەسە بۇرىنعى پرەزيدەنتتەردٸڭ بەينەسٸن مونەتاعا ورنالاستىرۋعا تىيىم سالىنعان ەدٸ.
الايدا 2020 جىلى كوللەكتسييالىق مونەتالاردىڭ ديزاينىنا قاتىستى زاڭعا ٶزگەرٸس ەنگٸزٸلٸپ, بۇل شەكتەۋ مونەتانىڭ سىرتقى بەتٸنە (رەۆەرسٸنە) قويىلاتىن بەينەلەرگە عانا قاتىستى بولىپ قالدى.
وسىلايشا, ترامپتىڭ پورترەتٸن مونەتانىڭ الدىڭعى بەتٸنە ورنالاستىرۋعا زاڭ جٷزٸندە مٷمكٸندٸك پايدا بولعان.
