فوتو: aussiedlerbote.de
امەريكانىڭ Apple كورپوراتسيياسى "موبيلدٸ قوسىمشا نارىعىنداعى ٷستەمدٸگٸن پايدالاندى" دەگەن ايىپپەن رەسەيگە 12,12 ميلليون دوللار ايىپپۇل تٶلەگەن.
"امەريكا داۋىسىنىڭ" حابارىنا قاراعاندا, بۇل "لابوراتورييا كاسپەرسكوگو" كومپانيياسىنىڭ 2019 جىلى تٷسٸرگەن شاعىمىنان كەيٸن باستالعان. بۇل كومپانييانىڭ اتا-انالارعا ارنالعان كaspersky Safe Kids باعدارلاماسىن AppStore قابىلداماعان ەدٸ.
بۇل – 2023 جىلى بولعان ەكٸنشٸ جاعداي. مۇنىڭ الدىندا دا Apple رەسەي بيلٸگٸنٸڭ ايىپپۇلىنا كەلٸسكەن. 17 قاڭتاردا رەسەي "جەرگٸلٸكتٸ مامانداردى AppStore قوسىمشاسىنىڭ دٷكەنٸندە Apple تٶلەم سەرۆيستەرٸن پايدالانۋعا مەجبٷرلەدٸ" دەگەن ايىپپەن امەريكالىق كومپانيياعا 17 ميلليون دوللار تٶلەتتٸرگەن ەدٸ.
ۋكرايناعا باسىپ كٸرگەنٸنە بايلانىستى رەسەيدە Apple 2022 جىلعى ناۋرىزدان باستاپ ٶز تاۋارلارىن رەسمي تٷردە ساتپايتىن بولعان. ApplePay تٶلەم سەرۆيسٸن دە توقتاتقان.
