اۋىل شارۋاشىلىعى بويىنشا ورتالىقتا قابىلداناتىن شەشٸمدەر حالىقتىڭ قاجەتتٸلٸگٸنە ەمەس, جۇمىس كٶرسەتكٸشٸنە باعىتتالعان. سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى مارات احمەتجانوۆ ۆەدومستۆونىڭ القا مەجٸلٸسٸندە وسىنداي پٸكٸر بٸلدٸردٸ, دەپ حابارلايدى قازاقپارات.
ٶز بايانداماسىندا مارات احمەتجانوۆ اگەنتتٸك سىبايلاس جەمقورلىق تەۋەكەلدەرٸنە تالداۋ جٷرگٸزۋ فورماتىن ٶزگەرتەتٸنٸن اتادى.
«بٸز كەشەندٸ مونيتورينگكە كٶشەمٸز. ياعني, بٸز جەكە ورگاندى ەمەس, تۇتاس ستراتەگييالىق سالانى تاڭداپ, ەگجەي–تەگجەيلٸ, تەرەڭ تالداۋ جٷرگٸزەمٸز», - دەدٸ ول.
ايتۋىنشا, مەملەكەت باسشىسىنىڭ تاپسىرماسىمەن پيلوتتىق جوبا رەتٸندە اگروٶنەركەسٸپتٸك كەشەندەگٸ سۋبسيدييالاۋ سالاسىنا ەگجەي-تەگجەيلٸ تەكسەرۋ باستالىپ كەتكەن كٶرٸنەدٸ. اۋىل شارۋاشىلىعىن قولداۋعا سوڭعى 5 جىلدا 1 ترلن تەڭگە بٶلٸنگەن.
«جىل سايىن مەملەكەت اۋىل شارۋاشىلىعىن دامىتۋعا, جاڭا جۇمىس ورىندارىن قۇرۋعا جەنە اۋىل حالقىنىڭ ەل-اۋقاتىن جاقسارتۋعا ايتارلىقتاي قاراجات بٶلەدٸ. دەگەنمەن, جازدا كٶكٶنٸس باعاسىنىڭ ٶسۋٸ حالىقتىڭ نارازىلىعىن تۋدىردى. ورتالىقتا قابىلداناتىن شەشٸمدەر حالىقتىڭ قاجەتتٸلٸگٸنە ەمەس, جۇمىس كٶرسەتكٸشٸنە باعىتتالعان», - دەدٸ اگەنتتٸك تٶراعاسى.
مارات احمەتجانوۆ سۋبسيدييا سالاسىندا حالىقتى تولعاندىراتىن مەسەلە كٶپ ەكەنٸن ايتادى.
«بۇل كەشەندٸ تالداۋدىڭ باستى ماقساتى – سۋبسيدييالار سالاسىنداعى پروبلەمالاردى انىقتاۋ. دوتاتسييالار حالىققا قانشالىقتى جەتٸپ جاتىر? ولاردى الۋ اشىق پا? اشىق بولماسا, وعان نە كەدەرگٸ? قانداي سىبايلاس جەمقورلىق تەۋەكەلدەرٸ بار? كەمشٸلٸكتەر انىقتالعاننان كەيٸن ساراپشىلار مەن تيٸستٸ مينيسترلٸكتەردٸ تارتا وتىرىپ, ولاردى شەشۋ جولدارى ەزٸرلەنەدٸ», – دەدٸ سىبايلاس جەمقورلىققا قارسى ٸس-قيمىل اگەنتتٸگٸنٸڭ باسشىسى.
مارات احمەتجانوۆ اگروٶنەركەسٸپ كەشەنٸنەن كەيٸن كەزەك اۆتوجول جەنە كٶلٸكتٸك باقىلاۋ سالاسىنا تيەتٸنٸن ەسكەرتتٸ.
