فوتو: اشىق دەرەككٶز
تانىمال ەنشٸ تٶرەعالي تٶرەەلٸ ەلەۋمەتتٸك جەلٸدەگٸ پاراقشاسىندا كٷتپەگەن جاڭالىعىن بٶلٸستٸ, دەپ حابارلايدى Ult.kz.
ٶنەر يەسٸ وتباسىمەن بٸرگە تٷركٸستان قالاسىنا قونىس اۋدارعانىن ايتتى. ەنشٸنٸڭ سٶزٸنشە, مۇنداي شەشٸم قابىلداۋعا قالانىڭ تاريحي ەرٸ رۋحاني ماڭىزى سەبەپ بولعان.
سونىمەن قاتار تٶرەعالي بالالارىنىڭ دا وسى قاسيەتتٸ جەردە ٶسٸپ, تامىرىن تەرەڭ جايعانىن قالايتىنىن جەتكٸزدٸ.
"بٸز تٷركٸستانعا كٶشٸپ كەلدٸك. بۇل – جاي عانا مەكەن اۋىستىرۋ ەمەس. بۇل – جٷرەكپەن قابىلدانعان شەشٸم. تٷركٸستان – تاريحتىڭ ٷنٸن ساقتاعان, ۋاقىتتىڭ تىنىسىن سەزدٸرگەن, رۋحتىڭ تامىرى تەرەڭگە كەتكەن قاسيەتتٸ شاھار. بۇل قالادا ٷنسٸزدٸك تە ماعىنالى. بۇل جەردە ەربٸر كٶشە, ەربٸر تاس – شەجٸرە. ٶتكەن مەن بولاشاق بٸر-بٸرٸنە قارسى تۇرمايدى, كەرٸسٸنشە, بٸرٸن-بٸرٸ تولىقتىرىپ, جالعاستىرىپ تۇرادى. بٸز بۇل قالانى سانالى تٷردە تاڭدادىق. تٷركٸ ەلەمٸنٸڭ رۋحاني استاناسى اتانعان وسى مەكەننٸڭ بولاشاعىنا سەنەمٸز. تٷركٸستان تەك كيەلٸ ورتالىق قانا ەمەس, ول – جاڭعىرۋدىڭ, جاڭارۋدىڭ, جاسامپازدىقتىڭ كەڭٸستٸگٸ. وتباسىمىزبەن وسىندا قونىستاندىق. بالالارىمىز تامىرىن سەزٸنٸپ ٶسسٸن دەپ. جاساعان ٸسٸمٸزدٸڭ ماعىناسى تەرەڭ بولسىن دەپ. تەك جوبالار ەمەس, ٸز قالدىراتىن ٸستەر اتقارۋ ٷشٸن. تٷركٸستان, ساعان سەلەم. قادٸرلٸ تٷركٸستاندىقتار, سٸزدەرگە قۇرمەت. بٸز بۇل قالاعا قوناق بولىپ كەلگەن جوقپىز. بٸز – بٸرگە ەڭبەك ەتۋگە, بٸرگە ٶركەندەۋگە, بٸرگە تاريح جازۋعا كەلدٸك. كيەلٸ مەكەننٸڭ كەلەشەگٸ – ونىڭ بٷگٸنگٸ قادامىنا بايلانىستى. ال بٸز سول قادامنىڭ نىق, سانالى, باتىل بولعانىن قالايمىز. تٷركٸستان – تەك ٶتكەننٸڭ مۇراسى ەمەس. ول – بولاشاقتىڭ ۋەدەسٸ", - دەپ جازدى ٶنەر يەسٸ.
