Foto: ashyq derekkóz
Tanymal ánshi Tóreǵali Tóreáli áleýmettik jelidegi paraqshasynda kútpegen jańalyǵyn bólisti, dep habarlaidy Ult.kz.
Óner iesi otbasymen birge Túrkistan qalasyna qonys aýdarǵanyn aitty. Ánshiniń sózinshe, mundai sheshim qabyldaýǵa qalanyń tarihi ári rýhani mańyzy sebep bolǵan.
Sonymen qatar Tóreǵali balalarynyń da osy qasietti jerde ósip, tamyryn tereń jaiǵanyn qalaitynyn jetkizdi.
"Biz Túrkistanǵa kóship keldik. Bul – jai ǵana meken aýystyrý emes. Bul – júrekpen qabyldanǵan sheshim. Túrkistan – tarihtyń únin saqtaǵan, ýaqyttyń tynysyn sezdirgen, rýhtyń tamyry tereńge ketken qasietti shahar. Bul qalada únsizdik te maǵynaly. Bul jerde árbir kóshe, árbir tas – shejire. Ótken men bolashaq bir-birine qarsy turmaidy, kerisinshe, birin-biri tolyqtyryp, jalǵastyryp turady. Biz bul qalany sanaly túrde tańdadyq. Túrki áleminiń rýhani astanasy atanǵan osy mekenniń bolashaǵyna senemiz. Túrkistan tek kieli ortalyq qana emes, ol – jańǵyrýdyń, jańarýdyń, jasampazdyqtyń keńistigi. Otbasymyzben osynda qonystandyq. Balalarymyz tamyryn sezinip óssin dep. Jasaǵan isimizdiń maǵynasy tereń bolsyn dep. Tek jobalar emes, iz qaldyratyn ister atqarý úshin. Túrkistan, saǵan sálem. Qadirli Túrkistandyqtar, sizderge qurmet. Biz bul qalaǵa qonaq bolyp kelgen joqpyz. Biz – birge eńbek etýge, birge órkendeýge, birge tarih jazýǵa keldik. Kieli mekenniń keleshegi – onyń búgingi qadamyna bailanysty. Al biz sol qadamnyń nyq, sanaly, batyl bolǵanyn qalaimyz. Túrkistan – tek ótkenniń murasy emes. Ol – bolashaqtyń ýádesi", - dep jazdy óner iesi.
