ەلوردادا «اڭساعان سەبي» باعدارلاماسى اياسىندا بيىل بٶلٸنگەن 486 كۆوتانىڭ 276-سى بويىنشا پاتسيەنتتەر انا بولۋعا دايىندالۋدا. بۇل تۋرالى «ەلەۋمەتتٸك مەديتسينالالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ باسپاسٶز قىزمەتٸنەن مەلٸم بولدى, دەپ حابارلايدى قازاقپارات.
«ەلەۋمەتتٸك مەديتسينالىق ساقتاندىرۋ قورى ەكۇ باعدارلاماسىن 2018 جىلدان قارجىلاندىرىپ كەلەدٸ, 2018 جىلى تمككك اياسىندا 902 تسيكل, 2019 جىلى دا وسى كٶلەمدە قارجىلاندىرىلدى. ٶتكەن جىلى 1105 ەكۇ قىزمەتٸ كٶرسەتٸلدٸ. بيىل جاساندى ۇرىقتاندىرۋ شارالارىن جاساۋعا بٶلٸنەتٸن كۆوتا سانى 2020 جىلمەن سالىستىرعاندا 7 ەسە ٶستٸ. 2021 جىلى مەديتسينالىق ساقتاندىرۋ قورى الدىن الا 6,2 ملرد تەڭگە سوماسىنا 7000 ەكستراكورپورالدى ۇرىقتاندىرۋ (ەكۇ) تسيكلىن قارجىلاندىرۋدى جوسپارلاعان بولاتىن. بيىل ەلورداعا 486 كۆوتا بٶلٸندٸ», – دەلٸنگەن حابارلامادا.
ددسۇ مەلٸمەتتەرٸ بويىنشا, رەپرودۋكتيۆتٸ تەحنولوگييانى قولدانۋ ارقىلى جٷرگٸزٸلگەن شارالار نەتيجەسٸندە 45-60 پايىز جاعدايدا ەيەلدەر بالا كٶتەرەدٸ. بٸزدٸڭ ەلٸمٸزدە ەكۇ جٷرگٸزۋ تيٸمدٸلٸگٸ ورتا ەسەپپەن 15%-دان 42% -عا دەيٸن ٶستٸ. بالا تۋۋ (take baby home) فاكتٸسٸ بويىنشا ەمدەۋ تيٸمدٸلٸگٸنٸڭ كٶرسەتكٸشٸ 30% دەڭگەيٸندە, بۇل ەۋروپالىق ەڭ جاقسى دەگەن كلينيكالاردىڭ كٶرسەتكٸشٸنە سەيكەس كەلەدٸ.
قازاقستاندا ەكۇ باعدارلاماسىنا 2021 جىلى بٶلٸنگەن كۆوتا سانى 7000-عا دەيٸن كٶبەيدٸ. بۇل كۆوتا بەرۋ كٶرسەتكٸشتەرٸن كەڭەيتۋگە, ولاردى الۋ كەزەگٸنٸڭ ازايۋىنا مٷمكٸندٸك بەرەدٸ. بٷگٸندە ەلٸمٸزدە 11030 ەيەل بەدەۋلٸكپەن ەسەپتە تۇر.
«نۇر-سۇلتان قالاسىندا بەدەۋلٸك بويىنشا ەسەپتە تۇرعاندار سانى – 1331. بٸزدٸڭ ەيەل دەنساۋلىعى بٶلٸمشەسٸ نۇر-سۇلتان قالاسى بويىنشا قرت كٶرسەتۋ – ەكۇ-عا دايىنداۋ جٶنٸندەگٸ ٷيلەستٸرۋ ورتالىعى بولىپ سانالادى. بيىلعا ەلورداعا 486 كۆوتا بٶلٸندٸ. قازٸرگٸ ۋاقىتتا 276 كۆوتا بەرٸلٸپ, پاتسيەنتتەر دايىندالۋدا. وسى جىلى باستاپقى مەديتسينالىق-سانيتارلىق كٶمەك كٶرسەتۋ ۇيىمدارى بۇرىن ەسەپكە تۇرماعان جەنە جەكە مەديتسينا ورتالىقتارىنا قارالعان بەدەۋلٸك كٶرسەتكٸشتەرٸ بار پاتسيەنتتەردٸ انىقتاپ, بەلسەندٸ جۇمىس جٷرگٸزۋدە» - دەيدٸ نۇر-سۇلتان قالاسىنداعى №2 قالالىق كٶپبەيٸندٸ اۋرۋحانا ديرەكتورىنىڭ امبۋلاتورييالىق قىزمەت جٶنٸندەگٸ ورىنباسارى سەۋلە يبراەۆا.
ەكۇ ٷشٸن كٸمدەر ٶتٸنٸش بەرە الادى?
بۇل ەمشارا تەراپييالىق جولمەن ەمدەۋ نەتيجە بەرمەيتٸن بەدەۋلٸك دياگنوزى قويىلعان پاتسيەنتتەرگە ارنالعان. ەكۇ-عا وتباسىلىق جۇپتار دا, جەكە ادام دا قاتىسا الادى. مٸندەتتٸ تٷردە ٷمٸتكەردٸڭ ەرٸكتٸ جازباشا كەلٸسٸمٸ بولۋى كەرەك. سونداي-اق, قازاقستان ازاماتى بولۋى جەنە دەنساۋلىق ساقتاۋ مينيسترلٸگٸ بەلگٸلەگەن مەديتسينالىق پارامەترلەرگە رەپرودۋكتيۆتٸ جاسى (18-دەن 42 جاسقا دەيٸن), قالىپتى سوماتيكالىق جەنە ەندوكريندٸك مەرتەبەلەرٸ, جەتكٸلٸكتٸ وۆاريالدى رەزەرۆٸ سەيكەس كەلۋٸ قاجەت.
جاتىردىڭ تۋا بٸتكەن نەمەسە جٷرە بٸتكەن اۋىتقۋلارى, سوماتيكالىق جەنە پسيحيكالىق اۋىتقۋلار, انالىق بەز ٸسٸكتەرٸ, جەدەل قابىنۋ جەنە كەز-كەلگەن لوكاليزاتسييا ونكولوگيياسى بولعان جاعدايلاردا عانا ماماندار ناۋقاستى ەكستراكورپورالدى ۇرىقتاندىرۋدان باس تارتۋى مٷمكٸن.
ەكۇ-عا جولداما الۋ ٷشٸن نە ٸستەۋ كەرەك?
ەكۇ-عا جولداما الۋ ٷشٸن الدىمەن تٸركەلگەن جەرٸ بويىنشا ەمحاناعا بارۋ قاجەت. ۇيىم ماماندارى پاتسيەنتتٸ بەدەۋلٸگٸ بار ديسپانسەرلٸك پاتسيەنتتەردٸڭ ەلەكتروندىق تٸركەلٸمٸنە قوسادى جەنە بٸرقاتار تەكسەرۋلەر تاعايىندايدى. 12 اي ٸشٸندە باستاپقى مەديتسينالىق-سانيتارلىق كٶمەك كٶرسەتۋ ۇيىمى, ياعني ەمحانا بەيٸندٸ ماماننىڭ قورىتىندىسى نەگٸزٸندە پاتسيەنتتٸڭ قۇجاتتارىن جوعارى تەحنولوگييالىق مەديتسينالىق قىزمەتتەر جٶنٸندەگٸ جەرگٸلٸكتٸ كوميسسيياعا جٸبەرەدٸ. وڭ شەشٸم قابىلدانعان جاعدايدا, ەيەلدٸ «ەمدەۋگە جاتقىزۋ بيۋروسى» پورتالىنا تٸركەپ, ەمشاراعا دايىنداي باستايدى. پاتسيەنت ەكستراكورپورالدى ۇرىقتاندىرۋ ٷشٸن كلينيكانى ٶز بەتٸنشە تاڭداۋعا قۇقىلى.
مەمس بويىنشا ەكۇ پروتسەدۋراسىنان جىلىنا بٸر رەت تەگٸن ٶتۋگە بولادى. مەمس جٷيەسٸندە ەكۇ ەمشاراسىن جاسار الدىندا ەرلٸ-زايىپتىلاردى تەكسەرۋ تٸزبەگە سەيكەس جٷزەگە اسىرىلادى. مەمس جٷيەسٸندە ەكۇ – تسيكلدٸڭ بازالىق باعدارلاماسى قاراستىرىلعان.
