قازاقستاننىڭ دەنساۋلىق ساقتاۋ مينيسترٸ اجار عينييات قر پرەمەر-مينيسترٸ ەليحان سمايىلوۆتىڭ تٶراعالىعىمەن ٶتكەن ٷكٸمەت وتىرىسىندا «دەنٸ ساۋ ۇلت» ەربٸر ازامات ٷشٸن ساپالى جەنە قولجەتٸمدٸ دەنساۋلىق ساقتاۋ» ۇلتتىق جوباسى بويىنشا بايانداما جاسادى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
دسم باسشىسى ۇلتتىق جوبانىڭ نەگٸزگٸ ماقساتى كٷتٸلەتٸن ٶمٸر سٷرۋ ۇزاقتىعىن ارتتىرۋ بولىپ تابىلاتىنىن اتاپ ٶتتٸ. جوبا 4 باعىتتان تۇرادى. ەربٸر باعىت بويىنشا مٸندەتتەر, نەتيجەلەردٸڭ كٶرسەتكٸشتەرٸ جەنە ٸسكە اسىرۋ ٸس-شارالارى بەلگٸلەنگەن.
2021 جىلى 26 ٸس-شارا ٸسكە اسىرىلىپ, 17 كٶرسەتكٸشكە قول جەتكٸزۋ قامتاماسىز ەتٸلدٸ. 2022 جىلى ۇلتتىق جوبانى ٸسكە اسىرۋ شەڭبەرٸندە 34 ٸس-شارانى ورىنداۋ جەنە 17 كٶرسەتكٸشكە قول جەتكٸزۋ جوسپارلانعان.
عينييات ٶز بايانداماسىندا وسى جىلدىڭ بٸرٸنشٸ جارتىجىلدىعىندا ٸس-شارالاردى جٷزەگە اسىرۋ قورىتىندىلارى بويىنشا اقپارات ۇسىندى.
ۇلتتىق جوبانىڭ بٸرٸنشٸ باعىتى بويىنشا قولجەتٸمدٸ مەديتسينالىق كٶمەكتٸ قامتاماسىز ەتۋ شەڭبەرٸندە ٶتكەن كەزەڭدە مەديتسينالىق-سانيتارلىق العاشقى كٶمەك ۇيىمدارىنا قارالۋ سانى 51 ملن قابىلداۋدى قۇرادى. جەدەل جەردەم قىزمەتٸ 4 ملن-عا جۋىق شاقىرتۋعا قىزمەت كٶرسەتتٸ, مەديتسينالىق اۆياتسييا 1 مىڭنان استام ۇشۋدى جٷزەگە اسىردى. ستاتسيونارلاردا شامامەن 1,5 ملن ناۋقاس ەمدەلدٸ, 350 مىڭنان استام وپەراتسييا جاسالدى, 200 مىڭعا جۋىق ەيەلدٸ بوساندىرۋ جٷرگٸزٸلدٸ.
سونداي-اق دەنساۋلىق ساقتاۋ ۇيىمدارى جەلٸسٸنٸڭ مەملەكەتتٸك نورماتيۆٸ جەتٸلدٸرٸلدٸ. نەتيجەسٸندە اۋىلداردا 50 ادامعا دەيٸن مەديتسينالىق كٶمەك كٶرسەتۋدٸ مەيٸرگەر ٷي-جايسىز جٷزەگە اسىرادى, ال 500 ادام تۇراتىن اۋىلداردا مەديتسينا قىزمەتكەرلەرٸنٸڭ سانى بٸردەن ٷشكە دەيٸن ۇلعايتىلدى. ارنايى ماماندارعا كەزەكتٸلٸكتٸ ازايتۋ ماقساتىندا جالپى پراكتيكا دەرٸگەرٸنٸڭ جولداماسىنسىز كونسۋلتاتسييالىق-دياگنوستيكالىق قىزمەتتەر كٶرسەتۋ جٶنٸندەگٸ قاعيدالار بەكٸتٸلدٸ.
ٶتكەن كەزەڭدە كٷردەلٸ جەنە جوعارى تەحنولوگييالىق مەديتسينالىق قىزمەتتەردٸڭ 80 تٷرٸ بويىنشا 18 مىڭنان استام قىزمەت كٶرسەتٸلدٸ.
«ونكولوگييالىق كٶمەكتٸڭ ساپاسىن ارتتىرۋ ٷشٸن گامما-پىشاق جەنە يادرولىق مەديتسينا ورتالىقتارى جۇمىس ٸستەيدٸ, وندا 300-دەن استام وپەراتسييا جاسالدى جەنە 400-گە جۋىق پاتسيەنت ەمدەلدٸ. سەمەي قالاسىنىڭ يادرولىق مەديتسينا ورتالىعىنىڭ بٸرەگەيلٸگٸن اتاپ ٶتكٸم كەلەدٸ, وندا ٶندٸرٸستەن دياگنوستيكا مەن ەمدەۋگە دەيٸن وتاندىق راديوفارمپرەپاراتتار تولىق تسيكلدە قولدانىلادى», — دەدٸ اجار عينييات.
شالعايداعى اۋىلداردىڭ 1 ملن-نان استام تۇرعىنى ٷشٸن 149 جىلجىمالى مەديتسينالىق كەشەن كونسۋلتاتسييالىق-دياگنوستيكالىق قىزمەتتەر, سكرينينگ, دەرٸ-دەرمەك ۇسىنا وتىرىپ, مەديتسينالىق كٶمەك كٶرسەتٸلدٸ. بيىل 10 ٶڭٸردە 38 مىڭ تۇرعىنعا مەديتسينالىق كٶمەك كٶرسەتكەن 2 «جەردەم» جەنە «سالاماتتى قازاقستان» مەديتسينالىق پويىزدارىنىڭ جۇمىسى قايتا جانداندى.
اۋىلدىق ەلدٸ مەكەندەردە 6 فەلدشەرلٸك-اكۋشەرلٸك, مەديتسينالىق پۋنكتتەر مەن دەرٸگەرلٸك امبۋلاتورييالاردىڭ قۇرىلىسى اياقتالدى, 17 وبەكتٸ سالىنۋدا, عيماراتتاردى جالداۋ ارقىلى 8 وبەكتٸنٸ اشۋ جوسپارلانعان. سونىمەن قاتار اۋداندىق اۋرۋحانالاردى زاماناۋي كومپيۋتەرلٸك توموگرافتارمەن, رەنتگەن اپپاراتتارىمەن جابدىقتاۋ 84%-عا دەيٸن جەتكٸزٸلدٸ.
دٷنيەجٷزٸلٸك دەنساۋلىق ساقتاۋ ۇيىمى ماقۇلداعان «ادامعا باعدارلانعان تەسٸل» مەديتسينالىق-سانيتارييالىق العاشقى كٶمەكتٸڭ وزىق پراكتيكالارىنىڭ جوبالارى ەنگٸزٸلۋدە.
بيىل الماتى وبلىسىنىڭ ەڭبەكشٸقازاق اۋدانىندا وزىق پراكتيكالار كٶرسەتۋ بويىنشا دٷنيەجٷزٸلٸك دەنساۋلىق ساقتاۋ ۇيىمىنىڭ ەۋروپالىق ٶڭٸرٸنٸڭ 53 مٷشە-مەملەكەتٸ ٷشٸن مەديتسينالىق-سانيتارييالىق العاشقى كٶمەك بويىنشا ەلەمدەگٸ العاشقى دەمونستراتسييالىق الاڭ اشىلدى.
«التىن ساعات» پرينتسيپٸن شۇعىل پاتسيەنتتەرگە قامتاماسىز ەتۋ ٷشٸن كٶپبەيٸندٸ اۋداندىق ورتالىق اۋرۋحانالاردىڭ دەڭگەيٸندە جامبىل وبلىسىنىڭ شۋ قالاسىندا جۇمىس ٸستەپ تۇرعان 12 اۋرۋحاناعا اۋدانارالىق اۋرۋحانا ۇيىمداستىرىلدى. استانا جەنە الماتى قالالارىندا ەكٸ عىلىمي-يننوۆاتسييالىق كٶپبەيٸندٸ كلينيكا سالىنىپ جاتىر.
مٸندەتتٸ ەلەۋمەتتٸك مەديتسينالىق ساقتاندىرۋ شەڭبەرٸندە حالىققا قىمبات تۇراتىن مەديتسينالىق قىزمەتتەردٸڭ قولجەتٸمدٸلٸگٸ ارتتى. قازٸرگٸ ۋاقىتتا 886 مىڭعا جۋىق قىمبات مەديتسينالىق قىزمەت كٶرسەتٸلدٸ.
«مەديتسينا قىزمەتكەرلەرٸن ىنتالاندىرۋ ٷشٸن مەملەكەت باسشىسىنىڭ تاپسىرماسى بويىنشا 2020 جىلدان باستاپ مەديتسينا قىزمەتكەرلەرٸنٸڭ جالاقىسىن 2023 جىلعا قاراي ەكونوميكاداعى ورتاشا جالاقىدان 2 ەسە جوعارى دەڭگەيگە دەيٸن جەتكٸزۋ ماقساتىندا جىل سايىن ارتتىرۋ بويىنشا شارالار قابىلدانۋدا. 2022 جىلى دەرٸگەرلەردٸڭ ورتاشا جالاقىسى 421 مىڭ تەڭگەگە دەيٸن جەتكٸزٸلدٸ. بۇل رەتتە ورتا مەديتسينا قىزمەتكەرٸنٸڭ جالاقىسى شامامەن 235 مىڭ تەڭگەنٸ قۇرادى. جوعارىدا كٶرسەتٸلگەن ٸس-شارالاردى ٸسكە اسىرۋدىڭ ارقاسىندا اۋىلدىق ەلدٸ مەكەندەردٸ مەديتسينالىق-سانيتارييالىق العاشقى كٶمەكپەن جەنە كونسۋلتاتسييالىق-دياگنوستيكالىق قىزمەتتەرمەن قامتۋ جوسپار بويىنشا 47% بولعاندا, 49%-عا دەيٸن جەتكٸزٸلدٸ. تەگٸن مەديتسينالىق كٶمەكتٸڭ كەپٸلدٸك بەرٸلگەن كٶلەمٸ شەڭبەرٸندە جەنە مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸندە امبۋلاتورييالىق دەڭگەيدەگٸ مەديتسينالىق كٶمەكتٸڭ كٶلەمٸ 56%- عا دەيٸن جەتكٸزٸلدٸ», — دەدٸ دەنساۋلىق ساقتاۋ مينيسترٸ.
جٷكتٸ ەيەلدەردٸڭ دەنساۋلىعىن ساقتاۋ جەنە بالالاردىڭ دەنساۋلىعىن نىعايتۋ ٷشٸن جٷكتٸ ەيەلدەردٸ جەكە جەنە پەنارالىق بوسانۋعا دەيٸنگٸ باقىلاۋمەن قامتۋ 2%-عا ۇلعايدى جەنە 82% قۇرادى, جٷكتٸلٸكتٸ ەرتە انىقتاۋ كوەففيتسيەنتٸ 10 اپتاعا دەيٸن 11%-عا ٶسٸپ, 40%-عا جەتتٸ, بۇل جٷكتٸلٸكتٸ ۋاقىتىلى انىقتاۋعا جەنە جٷكتٸلٸكتٸڭ مٷمكٸن اسقىنۋلارىن بولجاۋعا مٷمكٸندٸك بەردٸ.
مەملەكەت باسشىسىنىڭ تاپسىرماسىن ٸسكە اسىرۋ ماقساتىندا 2021 جىلدان باستاپ 2026 جىلعا دەيٸن ەكستراكورپورالدىق ۇرىقتاندىرۋعا جىل سايىن 7000 كۆوتا بٶلۋدٸ كٶزدەيتٸن «اڭساعان سەبي» ارنايى باعدارلاماسى ٸسكە قوسىلدى. باعدارلامانى ٸسكە اسىرۋ كەزٸندە 3 مىڭنان استام ەيەلدە جٷكتٸلٸك باستالدى, كٶپتەن كٷتكەن 2 300 بالا دٷنيەگە كەلدٸ.
بالالار مەن جٷكتٸ ەيەلدەردٸ, ونىڭ ٸشٸندە قاۋٸپ توپتارى بار بالالاردى زەرتتەپ-قاراۋ جەنە كونسۋلتاتسييا بەرۋ ٷشٸن پرەناتالدىق ۋلترادىبىستىق زەرتتەۋ سكرينينگٸن جٷرگٸزۋدٸ ۇيىمداستىرۋدىڭ جاڭا ستاندارتى بەكٸتٸلدٸ, 18 ۇرىقتى ساقتاۋ ورتالىعى ۇيىمداستىرىلدى. نەتيجەسٸندە جٷكتٸ ەيەلدەردٸ پرەناتالدىق سكرينينگپەن قامتۋ 6%-عا ارتىپ, 79%-دى قۇرادى. سونىمەن قاتار زات الماسۋدىڭ تۇقىم قۋالايتىن 49 اۋرۋىنا جاڭا تۋعان نەرەستەلەرگە سكرينينگ جٷرگٸزۋ بويىنشا پيلوتتىق جوبا ٸسكە قوسىلدى, قاۋٸپ توبىنداعى بارلىق بالالار زەرتتەلٸپ-قارالدى. 1 جاسقا دەيٸنگٸ بالالاردى پرواكتيۆتٸ باقىلاۋمەن جەنە سكرينينگپەن قامتۋ 81%-عا دەيٸن ارتتى.
بيىل جىلىنا 5 مىڭعا جۋىق بالانى قامتيتىن 8 بالالاردى وڭالتۋ ورتالىعى, سونداي-اق, 3 جاسقا دەيٸنگٸ دامۋىندا اۋىتقۋشىلىقتارى بار جەنە ولاردىڭ تۋىنداۋ قاۋپٸ بار بالالارعا ارنالعان 2 ەرتە ارالاسۋ ورتالىعى اشىلدى جەنە 2023 جىلدىڭ سوڭىنا دەيٸن 10 مىڭنان استام بالانى قامتيتىن 13 ورتالىق اشۋ جوسپارلانعان.
مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸن ەنگٸزۋگە بايلانىستى مەديتسينالىق وڭالتۋدى قارجىلاندىرۋ 2019 جىلمەن سالىستىرعاندا 7 ەسەگە, ونىڭ ٸشٸندە بالالار ٷشٸن 27%-عا ۇلعايدى. 2022 جىلى بالالاردى وڭالتۋعا 15 ملرد تەڭگە بٶلٸندٸ. دەرٸلٸك زاتتاردىڭ تٸزبەسٸنە بالالاردىڭ ورفاندىق جەنە اۋىر اۋرۋلارىن ەمدەۋگە ارنالعان 17 پرەپارات ەنگٸزٸلدٸ, 16 ملرد تەڭگە بٶلٸندٸ. وسى جىلدىڭ 6 ايىندا انا ٶلٸم-جٸتٸمٸنٸڭ كٶرسەتكٸشٸن 2,4 ەسەگە تٶمەندەتۋگە قول جەتكٸزٸلدٸ. سونىمەن قاتار انا ٶلٸمٸنٸڭ ەڭ جوعارى كٶرسەتكٸشتەرٸ پاۆلودار, قاراعاندى, قىزىلوردا جەنە باتىس قازاقستان وبلىستارىندا بايقالادى. سەبەپتەر قۇرىلىمىندا-اكۋشەرلٸك اسقىنۋلار 70%, سوماتيكالىق اۋرۋلار – 30% قۇرادى.
نەرەستەلەر ٶلٸم-جٸتٸمٸنٸڭ كٶرسەتكٸشٸ 1000 تٸرٸ تۋعاندارعا شاققاندا 8,3-تٸ قۇرادى. نەرەستەلەر ٶلٸمٸنٸڭ ەڭ جوعارى كٶرسەتكٸشتەرٸ شىمكەنت قالاسى, قوستاناي, باتىس قازاقستان, سولتٷستٸك قازاقستان جەنە قىزىلوردا وبلىستارىندا بايقالادى.
«مەديتسينالىق ۇيىمداردىڭ كادرلىق ەلەۋەتٸن نىعايتۋ ٷشٸن رەزيدەنتۋرادا مەديتسينا كادرلارىن, ونىڭ ٸشٸندە اكۋشەر-گينەكولوگتار, نەوناتولوگتار جەنە انەستەزيولوگ-رەانيماتولوگتار سيياقتى ارنايى جەنە تاپشى ماماندىقتاردى دايارلاۋعا ارنالعان گرانتتاردىڭ سانى بٸر جارىم مىڭعا دەيٸن ۇلعايتىلدى», — دەدٸ اجار عينييات.
«دەنٸ ساۋ ۇلت» ۇلتتىق جوباسىنىڭ ەكٸنشٸ باعىتى بويىنشا حالىقتىڭ سانيتارييالىق-ەپيدەميولوگييالىق سالاماتتىلىعىن قامتاماسىز ەتۋ بويىنشا ٸس-شارالار ٸسكە اسىرىلىپ جاتىر.
«جالپى رەسپۋبليكادا ينفەكتسييالىق اۋرۋلار بويىنشا ەپيدەميولوگييالىق جاعداي تۇراقتى. 2022 جىلدىڭ ٶتكەن كەزەڭٸندە 25 ينفەكتسييالىق اۋرۋ جاعدايلارى, ونىڭ ٸشٸندە تىرىسقاق, وبا, تۋليارەمييا, پاراتيف, ٸش سٷزەگٸ, سٸرەسپە, ديفتەرييا, پوليوميەليت, قىزامىق بويىنشا تٸركەلگەن جوق», — دەدٸ ول.
2021 جىلدىڭ ۇقساس كەزەڭٸمەن سالىستىرعاندا 12 نوزولوگييا بويىنشا سىرقاتتانۋشىلىقتىڭ تٶمەندەۋٸنە قول جەتكٸزٸلدٸ. بيىلعى 21 مامىردا مەملەكەت باسشىسى بيولوگييالىق قاتەرلەردٸ ەرتە انىقتاۋعا, ۋاقتىلى دەن قويۋعا جەنە ونىڭ الدىن الۋعا باعىتتالعان «قازاقستان رەسپۋبليكاسىنىڭ بيولوگييالىق قاۋٸپسٸزدٸگٸ تۋرالى» زاڭعا قول قويدى.
«2021 جىلدان باستاپ بٸز ينفەكتسييالىق اۋرۋلاردى ەپيدەميولوگييالىق قاداعالاۋدىڭ زاماناۋي مودەلٸنە كٶشتٸك, كوروناۆيرۋس ينفەكتسيياسىن بولجاۋ جەنە وعان دەن قويۋ جٷيەسٸ قۇرىلدى, بۇل ينفەكتسييانىڭ دەن قويۋ جەنە الدىن الۋ شارالارىن جەدەل تٷزەتۋگە مٷمكٸندٸك بەردٸ. وسى جىلى ۆاكتسينامەن باسقارىلاتىن ينفەكتسييالاردى ٷلگٸلەۋگە, بولجاۋعا جەنە دەن قويۋعا كٸرٸستٸك», — دەدٸ دەنساۋلىق ساقتاۋ مينيسترٸ.
ۇلتتىق جوبا شەڭبەرٸندە تٷرلٸ ٶنٸمدەردٸڭ – تاماق ٶنٸمدەرٸنٸڭ, ويىنشىقتاردىڭ, بالالارعا ارنالعان ٶنٸمدەردٸڭ, قۇرىلىس ماتەريالدارىنىڭ جەنە باسقا دا ٶنٸم تٷرلەرٸنٸڭ قاۋٸپسٸزدٸگٸن قامتاماسىز ەتۋگە باعىتتالعان ٸس-شارالار ٸسكە اسىرىلادى. مەسەلەن, تاۋارلار قاۋٸپسٸزدٸگٸن مونيتورينگتەۋ شەڭبەرٸندە اعىمداعى جىلى تاماق ٶنٸمدەرٸنٸڭ 23 مىڭعا جۋىق ٷلگٸسٸ زەرتتەلدٸ, ونىڭ ٸشٸندە 3 مىڭنان استام سىناما نەمەسە 13,2%-ى تەحنيكالىق رەگلامەنتتەردٸڭ تالاپتارىنا سەيكەس كەلمەدٸ.
ٶنٸمنٸڭ قاۋٸپسٸزدٸگٸن باقىلاۋدىڭ تيٸمدٸلٸگٸن ارتتىرۋ ماقساتىندا زەرتحانالاردىڭ ماتەريالدىق-تەحنيكالىق بازاسىن نىعايتۋ جٷرگٸزٸلۋدە. وسى جىلى بٸرقاتار ٶڭٸرلەردەن دەلدٸگٸ جوعارى جابدىقتار ساتىپ الىندى. تٷرلٸ ٶنٸمدەردەگٸ بوياعىشتاردى, حوش يٸستەردٸ, دەرۋمەندەردٸ, اۋىر مەتالداردىڭ تۇزدارىن انىقتاۋ بويىنشا جاڭا زەرتتەۋ ەدٸستەمەلەرٸ ەنگٸزٸلۋدە, سونداي-اق مامانداردى وقىتۋ جٷرگٸزٸلٸپ جاتىر. بۇل شارالار اعىمداعى جىلدىڭ ٶزٸندە تەحنيكالىق رەگلامەنتتەردە بەلگٸلەنگەن ايقىندالاتىن كٶرسەتكٸشتەر تٸزبەسٸن 84%-عا دەيٸن ۇلعايتۋعا مٷمكٸندٸك بەرەدٸ.
«وتاندىق ٶندٸرٸستٸڭ قولجەتٸمدٸ دەرٸلٸك زاتتارى مەن مەديتسينالىق بۇيىمدارى» ٷشٸنشٸ باعىت بويىنشا 2021 جىلى فارماتسەۆتيكالىق نارىقتىڭ جالپى كٶلەمٸ 820,2 ملرد.تەڭگەنٸ قۇراعانىن اتاپ ٶتكەن جٶن, مۇندا جەرگٸلٸكتٸ فارماتسەۆتيكالىق نارىقتاعى وتاندىق ٶندٸرٸستٸڭ دەرٸلٸك زاتتارى مەن مەديتسينالىق بۇيىمدارىنىڭ ٷلەسٸنە 198,8 ملرد تەڭگە كەلەدٸ, بۇل 24%-دى قۇرايدى.
بٷگٸنگٸ تاڭدا ەلٸمٸزدە دەرٸلٸك زاتتار مەن مەديتسينالىق بۇيىمداردىڭ 89 ٶندٸرۋشٸسٸ جۇمىس ٸستەيدٸ. وتاندىق ٶندٸرۋشٸلەردٸ قولداۋدىڭ نەگٸزگٸ تەتٸگٸ 10 جىلعا دەيٸنگٸ مەرزٸمگە دەرٸلٸك زاتتار مەن مەديتسينالىق بۇيىمداردى جەتكٸزۋدٸڭ ۇزاق مەرزٸمدٸ شارتتارىن جاساسۋ بولىپ تابىلادى. بٸرىڭعاي ديستريبيۋتور 92 ۇزاق مەرزٸمدٸ شارت جاسادى.
دەرٸلٸك زاتتاردىڭ 33 ٶندٸرٸسٸنٸڭ 27 ٶندٸرۋشٸسٸ GMP ستاندارتىنا سەيكەس كەلەدٸ (85%), بۇل رەتتە وتاندىق 2 ٸرٸ ٶندٸرۋشٸ ٶندٸرٸلگەن دەرٸلٸك پرەپاراتتاردى شەتەلگە ەكسپورتتاي الادى.
ەلٸمٸزدە دەرٸلٸك زاتتار بويىنشا 3 سىناق زەرتحاناسى جۇمىس ٸستەيدٸ.
دەنساۋلىق ساقتاۋ مينيسترلٸگٸ قىمبات باعالى يننوۆاتسييالىق ٶنٸمدەر ٶندٸرٸسٸن دامىتۋعا, سالانى تەحنولوگييالار ترانسفەرٸ, ونى تسيفرلاندىرۋ باعىتىندا ٸلگەرٸلەتۋگە, سونداي-اق كلاستەرلٸك باستامانى دامىتۋعا نەگٸزگٸ مەن بەرەدٸ. قازٸرگٸ ۋاقىتتا مينيسترلٸك اقتٶبە, استانا جەنە شىمكەنت قالالارىندا وسى اۋماقتاردا ٶندٸرٸستٸك الاڭدار مەن وزىق مەديتسينالىق جوعارى وقۋ ورىندارىنىڭ بولۋىنا, سونداي-اق ەركٸن ەكونوميكالىق جەنە يندۋسترييالىق ايماقتاردىڭ بولۋىنا بايلانىستى 3 كلاستەرلٸك ايماق قۇرۋدا.
ايتا كەتەيٸك, 7 جەتەكشٸ فارماتسەۆتيكالىق كومپانييامەن كەلٸسٸمشارت ٶندٸرٸسٸنٸڭ 13 ينۆەستيتسييالىق جوباسى بويىنشا كەلٸسسٶزدەر جٷرگٸزٸلٸپ جاتقانىن اتاپ كەتكەن جٶن. بۇل رەتتە تەگٸن مەديتسينالىق كٶمەكتٸڭ كەپٸلدٸك بەرٸلگەن كٶلەمٸ شەڭبەرٸندە مەن مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸندە جەرگٸلٸكتٸ مازمۇنداعى دەرٸلٸك زاتتار مەن مەديتسينالىق بۇيىمداردى ساتىپ الۋ ٷلەسٸ جوسپار بويىنشا 37% بولعاندا 33%-عا جەتتٸ.
تٶرتٸنشٸ باعىتتى ٸسكە اسىرۋ شەڭبەرٸندە سالاماتتى ٶمٸر سالتىن قالىپتاستىرۋ ماقساتىندا قانت ديابەتٸ, جٷرەك-قان تامىرلارى اۋرۋلارى, ونكولوگييا, سوزىلمالى رەسپيراتورلىق اۋرۋلار سيياقتى ينفەكتسييالىق ەمەس اۋرۋلاردىڭ پروفيلاكتيكاسى جەنە ازايتۋ جٶنٸندەگٸ شارالار, سونداي-اق الكوگول مەن تەمەكٸ بۇيىمدارىن تۇتىنۋدى قىسقارتۋ جٶنٸندەگٸ شارالار ٸسكە اسىرىلىپ جاتىر.
پسيحيكالىق جەنە رەپرودۋكتيۆتٸ دەنساۋلىقتى ساقتاۋ مەسەلەلەرٸ بويىنشا جاستار ورتالىقتارىنىڭ قىزمەتتەرٸمەن 315 مىڭعا جۋىق جاسٶسپٸرٸمدەر مەن جاستار قامتىلعان. سونىمەن قاتار پروفيلاكتيكالىق شارالاردى ودان ەرٸ دامىتۋ ٷشٸن 13-15 جاس ارالىعىنداعى جاسٶسپٸرٸمدەردٸڭ اراسىندا بالالاردىڭ سەمٸزدٸگٸ مەن تەمەكٸ ٶنٸمدەرٸن تۇتىنۋ بويىنشا زەرتتەۋلەر اياقتالۋدا.
2022 جىلدىڭ بٸرٸنشٸ جارتىجىلدىعىندا ۇلتتىق جوبانىڭ ٸس-شارالارىن ٸسكە اسىرۋ حالىق دەنساۋلىعىنىڭ نەگٸزگٸ كٶرسەتكٸشتەرٸن جاقسارتۋعا مٷمكٸندٸك بەرگەنٸن اتاپ ٶتكەن جٶن.
قان اينالىم جٷيەسٸ اۋرۋلارىنان بولاتىن ٶلٸم-جٸتٸمنٸڭ 21,4%-عا, قاتەرلٸ ٸسٸكتەردەن 8,7%-عا, تىنىس الۋ اعزالارىنىڭ اۋرۋلارىنان 23,8%-عا جەنە تۋبەركۋلەزدەن 11,8%-عا تٶمەندەۋٸ حالىقتىڭ جالپى ٶلٸم-جٸتٸمٸنٸڭ 15,4%-عا تٶمەندەدٸ.
الايدا, سەبي ٶلٸمٸ جوعارى دەڭگەيدە قالىپ وتىر. 2021 جىلدىڭ بٸرٸنشٸ جارتىجىلدىعىمەن سالىستىرعاندا بۇل كٶرسەتكٸشتٸڭ 6,5%-عا ٶسۋٸ بايقالادى. كٶرسەتكٸشتەردٸڭ ەڭ ناشار مەندەرٸ قوستاناي وبلىسىندا جەنە شىمكەنت قالاسىندا بايقالادى.
«2021 جىلدىڭ قورىتىندىسى بويىنشا بٸز ۇلتتىق جوبانىڭ بارلىق ٸس-شارالارىن ورىنداۋدى, سونداي-اق كٶرسەتكٸشتەردٸڭ جوسپارلى مەندەرٸنە قول جەتكٸزۋدٸ قامتاماسىز ەتتٸك. جامبىل, پاۆلودار, الماتى وبلىستارى مەن استانا قالاسىندا ٸس-شارالاردىڭ ەڭ كٶپ ورىندالۋى جەنە كٶرسەتكٸشتەرگە قول جەتكٸزۋٸ بايقالادى», — دەدٸ دەنساۋلىق ساقتاۋ مينيسترلٸگٸنٸڭ باسشىسى.
اجار عينييات ۇلتتىق جوبا ٶتكەن جىلدىڭ كٷزٸندە بەكٸتٸلگەنٸن جەنە 2021 جىلى ٸسكە اسىرۋ قىسقا مەرزٸمدە جٷزەگە اسىرىلعانىن اتاپ ٶتتٸ. سوندىقتان بٸرقاتار ٶڭٸرلەر جوسپارلى كٶرسەتكٸشتەرگە قول جەتكٸزە المادى.
سونىمەن قاتار ٶڭٸردە ۇلتتىق جوبانى ٸسكە اسىرۋ بارىسى جايلى جامبىل وبلىسىنىڭ ەكٸمٸ نۇرجان نۇرجٸگٸتوۆ باياندادى.
جالپى وبلىستا 388 دەنساۋلىق ساقتاۋ نىسانى قىزمەت كٶرسەتەدٸ. بيىل 9,3 ملرد تەڭگەگە 26 دەنساۋلىق ساقتاۋ نىسانىنىڭ قۇرىلىسى, 496 ملن تەڭگەگە 8 نىسانعا جٶندەۋ جۇمىستارى جٷرگٸزٸلٸپ جاتىر. نەتيجەسٸندە, دەنساۋلىق ساقتاۋ ۇيىمدارىنىڭ توزۋى 52,4-تەن 38,8%-عا دەيٸن تٶمەندەيدٸ دەپ كٷتٸلۋدە.
دەنساۋلىق ساقتاۋ مەكەمەلەرٸنٸڭ ماتەريالدىق-تەحنيكالىق بازاسىن نىعايتۋعا بيۋدجەتتەن 4,2 ملرد تەڭگە قارجى بٶلٸنٸپ, 145 دانا مەديتسينالىق قۇرال-جابدىقتار ساتىپ الىندى. نەتيجەسٸندە, وبلىس بويىنشا دەنساۋلىق ساقتاۋ مەكەمەلەرٸنٸڭ مەديتسينالىق قۇرال-جابدىقتارمەن قامتاماسىز ەتٸلۋ دەڭگەيٸ 90,9%-دى قۇرادى.
«ٶڭٸرگە دەنساۋلىق ساقتاۋ سالاسىنا 8 ايدا 81 جاس مامان كەلٸپ, جۇمىس ٸستەپ جاتىر, بٷگٸنگە قاجەتتٸلٸك 111 بٸرلٸكتٸ قۇراپ وتىر. جىلدا وبلىستىق بيۋدجەت ەسەبٸنەن س.د.اسفەنديياروۆ اتىنداعى قازاق ۇلتتىق مەديتسينا ۋنيۆەريتەتٸنە كادرلاردى دايارلاۋ ٷشٸن گرانتتار بٶلٸنٸپ, قازٸرگٸ تاڭدا 105 مامان وقىتىلۋدا», — دەدٸ ٶڭٸر باسشىسى.
ونىڭ ايتۋىنشا, بيىل 230 ملن تەڭگە بٶلٸنٸپ, 30 گرانت بەرٸلدٸ. جٷرگٸزٸلگەن جۇمىس نەتيجەسٸندە ٶڭٸردە رەزيدەنتۋرا بٸتٸرگەن 16 دەرٸگەر جۇمىس ٸستەۋدە, جىل سوڭىنا دەيٸن قوسىمشا 20 مامان كەلەدٸ دەپ جوسپارلانۋدا. جاس مامانداردى تۇرعىن ٷيمەن قامتۋ ماقساتىندا «ديپلوممەن اۋىلعا» باعدارلاماسىنىڭ شەڭبەرٸندە مەديتسينا قىزمەتكەرلەرٸنە 161 ملن تەڭگەگە 64 مامانعا قولداۋ كٶرسەتٸلەدٸ.
قابىلدانعان شارالار نەتيجەسٸندە جىل سوڭىندا قاجەتتٸلٸك 91 ماماندى قۇراپ, 53%-عا تٶمەندەيدٸ. جالپى ۇلتتىق جوبا اياسىنداعى كٶرسەتكٸشتەردٸڭ ورىندالۋى تۇراقتى باقىلاۋدا.
