فوتو: Freepik
قازاقستاندا قىلمىستىق كودەكستٸڭ 115-1-بابى («ستالكينگ») كٷشٸنە ەنگەننەن كەيٸن وسى باپ بويىنشا العاشقىلاردىڭ بٸرٸ بولىپ قۇرمانعازى اۋدانىنىڭ تۇرعىنى جاۋاپكەرشٸلٸككە تارتىلدى, دەپ حابارلايدى Ult.kz.
س.ك. ەسٸمدٸ ازامات 2025 جىلدىڭ قىركٷيەگٸندە جەبٸرلەنۋشٸ ەيەلدٸڭ ٷيٸنە جٷيەلٸ تٷردە كەلٸپ, تەرەزەسٸنەن سىعالاپ جٷرگەن. شامادان تىس ەرٸ مازاسىز باقىلاۋدان قاجىعان ەيەل قۇقىق قورعاۋ ورگاندارىنا جٷگٸنگەن.
سوت ەر ادامنىڭ ەرەكەتٸن زاڭسىز دەپ تانىپ, جەبٸرلەنۋشٸنٸڭ پسيحولوگييالىق جاعدايىنا ەلەۋلٸ زييان كەلتٸرگەنٸن ەسكەرٸپ, وعان 200 ساعات قوعامدىق جۇمىس جازاسىن تاعايىندادى.
ەسكە سالا كەتەيٸك, 2025 جىلدىڭ شٸلدەسٸنەن باستاپ ادامنىڭ ەركٸنەن تىس قارىم-قاتىناس ورناتۋعا تىرىسۋ, ەگەر ول زييان كەلتٸرسە, قىلمىس بولىپ سانالادى. بۇل ٷشٸن فيزيكالىق كٷش قولدانۋ مٸندەتتٸ ەمەس.
قر قك 115-1-بابى بويىنشا ەڭ اۋىر جازا رەتٸندە 50 تەۋلٸككە دەيٸن قاماۋ, 200 اەك كٶلەمٸندە ايىپپۇل, قوعامدىق نەمەسە تٷزەۋ جۇمىستارى قاراستىرىلعان.
وسىلايشا, «رومانتيكالىق» سىلتاۋمەن اڭدۋ, اڭدىپ قاراۋ نەمەسە مازالاۋ ەندٸ زاڭمەن قۋدالانادى.
