Foto: Freepik
Qazaqstanda Qylmystyq kodekstiń 115-1-baby («Stalking») kúshine engennen keiin osy bap boiynsha alǵashqylardyń biri bolyp Qurmanǵazy aýdanynyń turǵyny jaýapkershilikke tartyldy, dep habarlaidy Ult.kz.
S.K. esimdi azamat 2025 jyldyń qyrkúieginde jábirlenýshi áieldiń úiine júieli túrde kelip, terezesinen syǵalap júrgen. Shamadan tys ári mazasyz baqylaýdan qajyǵan áiel quqyq qorǵaý organdaryna júgingen.
Sot er adamnyń áreketin zańsyz dep tanyp, jábirlenýshiniń psihologiialyq jaǵdaiyna eleýli ziian keltirgenin eskerip, oǵan 200 saǵat qoǵamdyq jumys jazasyn taǵaiyndady.
Eske sala keteiik, 2025 jyldyń shildesinen bastap adamnyń erkinen tys qarym-qatynas ornatýǵa tyrysý, eger ol ziian keltirse, qylmys bolyp sanalady. Bul úshin fizikalyq kúsh qoldaný mindetti emes.
QR QK 115-1-baby boiynsha eń aýyr jaza retinde 50 táýlikke deiin qamaý, 200 AEK kóleminde aiyppul, qoǵamdyq nemese túzeý jumystary qarastyrylǵan.
Osylaisha, «romantikalyq» syltaýmen ańdý, ańdyp qaraý nemese mazalaý endi zańmen qýdalanady.
