الماتىدا مٷگەدەك قىزىن يت قورلىقتا ۇستاپ كەلگەن اناعا قاتىستى قىلمىستىق ٸس قوزعالدى, دەپ حابارلايدى قازاقپارات تٸلشٸسٸ.
13 جاستاعى ديانانىڭ جاعدايى بٷكٸل ەلدٸ الاڭداتىپ وتىر. اناسى ونى 3 جىل بويى دالاعا شىعارماي, بايلاپ ۇستاعان.
بالانى سەنٸمحاتپەن قامقورلىعىنا العان قاپشاعاي تۇرعىنى نادەجدا بارسۋكوۆانىڭ ايتۋىنشا, اناسى اننا يۆانوۆا 1990 جىلدارى ٶزٸ دە بالالار ٷيٸنەن تەربيەلەنٸپ شىققان ەكەن.
«انيا يۆانوۆانى مەنٸڭ انام قامقورلىققا العان. ونىڭ ٷش بالاسى بار. ٷلكەن قىزى 14 جاسىندا تۇرمىسقا شىعىپ كەتكەن, ورتانشىسى ديانا بولسا, كٸشٸسٸ سوفييا قازٸر اناسىمەن تۇرادى. انيا ەسٸرتكٸ ساتقانى ٷشٸن 2 رەت تٷرمەگە وتىرىپ شىققان. بٸرٸنشٸسٸندە انام اياپ, شىعارىپ الدى. ەكٸنشٸسٸندە 5 جىل وتىرىپ شىقتى. سول كەزدە ديانا بالالار ٷيٸنە ٶتكەن, ال كٸشٸ قىزدى تۋعان ەكەسٸ الىپ كەتكەن. تٷرمەدەن شىققان سوڭ ەيەلدٸڭ ديانانى بالالار ٷيٸنەن قايتارىپ العانىن ەستٸدٸك. وعان جاتاقحانادان بٶلمە كەرەك بولعان. كٶپ ۇزاماي تەلەارنادان ەجەسٸ نەمەرەسٸن بالداقپەن ۇرىپ, باسىن جارعانى تۋرالى جاڭالىق ەستٸدٸك. سول قىز ديانا بولاتىن», - دەدٸ ن.بارسۋكوۆا.
وسى جاعدايدان سوڭ ەيەل ديانانىڭ جاعدايى تۋرالى سۇراستىرا باستايدى. «قىز رەسەيدە وقىپ جاتىر» دەگەن جەلەۋمەن انيا ونى ٷيٸنە جولاتپايدى.
كٷندەردٸڭ كٷنٸندە نادەجدا انيانىڭ ٷيٸنە ەسكەرتۋسٸز بارعان.
«كٸرسەم, ديانا شٷبەرەكتەردٸڭ ٷستٸندە بۇرىشتا جاتىر ەكەن. بالا باسىن بۇرعاندا تٷرٸنەن شوشىپ كەتتٸم. بالا جابايى بولىپ كەتكەن. اناسى وعان تەرەزەدەن قاراۋعا رۇقسات بەرمەگەن. بالا 3 جىل بويى دالا كٶرمەگەن. بٸردە ونى ستولعا بايلاپ كەتكەن ەكەن. سول سەتتە بالا قارنى اشىپ, اياعىن شەشٸپ, تاماق ٸشٸپ العان سوڭ قايتادان بايلاۋ جولىن بٸلمەگەن. اناسىنىڭ قاھارىنان قورقىپ, قاشىپ كەتۋدٸ ويلايدى. بالكونعا شىعىپ, سەكٸرمەك بوپ تۇرعاندا اينالاداعى كٶرشٸلەر پوليتسييا, جەدەل جەردەم شاقىرىپ, امان الىپ قالعان»,- دەيدٸ ن.بارسۋكوۆا.
2017 جىلدىڭ 17 تامىزىندا نادەجدا بارسۋكوۆا اننانى كٶندٸرٸپ, قىزدى 3 جىلعا سەنٸمحاتپەن الىپ كەتكەن.
سودان بەرٸ جاس قىز جاڭا وتباسىنا ٷيرەنٸپ كەلەدٸ. قازٸر ديانانىڭ ەكە-شەشەسٸ, ەكٸ ٸنٸسٸ بار.
«مەنٸڭ قىزىم پايدا بولعالى بەرٸ ٶزٸمدٸ شىنىمەن انا سەزٸنٸپ كەلەمٸن. قىزىم سەت سايىن كەلٸپ قۇشاقتايدى, سٷيەدٸ. مەنٸ ەشكٸمگە بەرمەشٸ دەپ ٶتٸنەدٸ», - دەيدٸ قامقورلىققا العان اناسى.
ديانانىڭ وڭ جاق قولى مەن اياعىندا گەميپارەز بايقالادى. قۇلاعى كەسٸلگەن, قول-اياعى, مۇرنى سىنعان. تٸستەرٸ تٷسٸپ قالعان.
«قىزىم ٶزٸ سال اۋرۋىنىڭ جەڭٸل تٷرٸمەن اۋىرادى. اۋزىندا قويان جىرىق سيياقتى اقاۋى بار. باستاپقى ٷش ايدا تٷنٸمەن شىڭعىرىپ, جىلاپ شىعاتىن. پسيحيكاسى اسا اۋىر زاقىم العان ەدٸ. قازٸر دە كەيدە بٸرنەرسەگە جۇمساساڭ, ۇمىتىپ قايتىپ كەلەدٸ نەمەسە قايدا تۇرعانىن ۇمىتىپ قالادى. قازٸر اقىرىنداپ قالپىنا كەلٸپ جاتىر», - دەيدٸ ن. بارسۋكوۆا.
قازٸر نادەجدا بارسۋكوۆا قىزىن اسىراپ الا الماي وتىر. ول ٷشٸن الدىمەن اننا يۆانوۆانى انالىق قۇقىعىنان ايىرۋ كەرەك. نادەجدا 2017 جىلدىڭ كٷزٸندە پوليتسيياعا ارىزدانعان بولاتىن. الايدا, تەرگەۋ ٸسٸ بٸر نٷكتەدەن قوزعالار ەمەس.
«انيا يۆانوۆا تٷن ٸشٸندە ماعان حابارلاسىپ, ارىزىمدى الىپ كەتۋٸمدٸ ٶتٸنٸپ جاتىر. ول ٷشٸن بالاسىنان ٶزٸم-اق باس تارتامىن دەپ وتىر. بٸراق مەن كەلٸسپەدٸم. بالانى قيناپ, ٶمٸرٸن قورلاعان ادام جازاسىن الۋى تيٸس. مەن ونى جازالاماي قويمايمىن», - دەدٸ نادەجدا بارسۋكوۆا.
قالالىق ٸٸد باسپاسٶز قىزمەتٸنٸڭ جەتەكشٸسٸ سالتانات ەزٸربەك اتالعان مەسلەگە قاتىستى تٷسٸنٸكتەمە بەردٸ.
«قازٸر اتالعان دەرەك بويىنشا قر قك 114-بابىنىڭ, 3-بٶلٸمٸمەن ٸس قوزعالىپ, سوتقا دەيٸنگٸ بٸرىڭعاي تەرگەۋ رەەسترٸنە تٸركەلدٸ. بٸرقاتار كٷردەلٸ ساراپتامالار تاعايىندالدى. ەندٸ اناسىن انالىق قۇقىعىنان ايىرۋ مەسەلەسٸ سوت قۇزىرىندا», - دەدٸ سالتانات ەزٸربەك.
