جامبىل وبلىسىنداعى "انداس باتىر" شەكارا بٶلٸمٸندە ەسكەري بورىشىن ٶتەپ جٷرگەن ساربازدى تۋىستارى بٸر ايدان استام ۋاقىت بويى ٸزدەستٸرٸپ جاتىر, - دەپ حابارلايدى Tengrinews.kz.
ۇلىقبەك بەردٸشوۆتٸڭ اناسى ورىنكٷل مەرەكوۆانىڭ ايتۋىنشا, ۇلىنىڭ جوعالعانىنا بٸر اي بەس كٷن بولىپتى. مٸنە, وسى ۋاقىتتان بەرٸ تۋىستارىمەن بٸرگە زاستاۆا ماڭىنداعى انداس باتىر اۋىلىنان ٷي جالداپ تۇرۋعا مەجبٷر. ول - قىزىلوردا وبلىسى قازالى اۋدانىنىڭ تۇرعىنى.
"بالامنىڭ جوعالعانىن 2 ناۋرىزدا بٸلدٸم. ستارشينا تەلەفون سوعىپ, ٶزٸن جانبولات دەپ تانىستىردى. الدىمەن ۇلىقبەك حابارلاستى ما دەپ سۇرادى. مەن يە, ەكٸ كٷن بۇرىن سٶيلەستٸك دەپ جاۋاپ بەردٸم. كەيٸن تەلەفون تۇتقاسىن قويا سالدى. سوسىن كەشكە تاعى حابارلاسىپ, ۇلىم جوعالىپ كەتكەنٸن ايتتى. 12 ساعات بويى جاڭالىق كٷتتٸك, بٸراق ۇلىقبەك كەلمەدٸ. كٷيەۋٸم, قارت ەكەم جەنە تاعى بٸر تۋىسىم تاكسيگە مٸنٸپ, سول جاققا كەتتٸ. مەن دە ٷيدە وتىرىپ, كٷتە المادىم. ٷيدە كەمەلەتكە تولماعان تٶرت بالا قالدى", - دەيدٸ ۇلىقبەكتٸڭ اناسى.
ەيەلدٸڭ ايتۋىنشا, ۇلى ەسكەري بورىشىن ٶتەۋگە كەلگەن بٶلٸمدە ول قالاي جوعالىپ كەتكەنٸن ەشكٸم بٸلمەيدٸ.
"شاراسىزدىقتان قۇمالاقشىعا دا باردىق, ۇلىقبەك تٸرٸ دەيدٸ, "بٸراق بٸرەۋ كٷشپەن ۇستاپ وتىر" دەدٸ. ەسكەريلەردٸڭ, پوليتسييانىڭ ەشقايسى ۇلىقبەكتٸ ٸزدەپ جاتقان جوق, ەيتەۋٸر مەن ٸزدەپ جاتقاندارىن كٶرگەنٸم جوق. كٷنٸ كەشە عانا بايقادىم, ەسكەري كيٸم كيگەن ادامدار ونىڭ سۋرەتتەرٸن ٸلٸپ قويا باستادى. سونىمەن بٸتتٸ. وسى مەسەلە بويىنشا جامبىل وبلىسىنىڭ ەكٸمٸنە بارماق ويىم بار. نەتيجە بولماسا, نۇر-سۇلتانعا قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتىڭ قابىلداۋىنا بارامىن", - دەدٸ ورىنكٷل مەرەكوۆا.
سونداي-اق, ەيەلگە بٶلٸم كومانديرٸ ۇلىقبەكتٸ ٸزدەۋ جۇمىستارى توقتاتىلعانىن ايتقان.
"بٸزگە جارعى بويىنشا جوعالعان ادامدى 30 كٷننەن اسپايتىن ۋاقىت ٸزدەيتٸنٸن ايتتى. ۇلىما قاتىستى قىلمىستىق ٸس قوزعالدى. مەن ەشقايدا كەتپەيمٸن. انا جٷرەگٸم, بالام جاقىن جەردە ەكەنٸن ايتتى, مەن ونى ٸزدەيمٸن", - دەدٸ ول كٶزٸنە جاس الىپ.
جۋرناليست زاستاۆا باسشىلىعىنا حابارلاسىپ كٶردٸ, بٸراق تەلەفوندى كٶتەرمەدٸ.
ەسكە سالايىق, ۇلىقبەك بەردٸشوۆ 2021 جىلدىڭ قىركٷيەگٸندە ەسكەرگە شاقىرىلىپ, 2022 جىلدىڭ 2 ناۋرىزىندا حابارسىز كەتكەنٸ حابارلانعان. ەرەكشەلٸكتەرٸ: ارىق دەنەلٸ, بويى 167 سانتيمەتر, شاشى قىسقا قارا.
