فوتو: HALYQSTAN
الجير ازاماتى ساراح تازەكريتتٸڭ قازاقستانداعى وقيعاسى باستاپقىدا قاراپايىم ساپار رەتٸندە باستالىپ, اقىرىندا وتباسىنىڭ اجىراۋ قاۋپٸنە ەكەلگەن سوت داۋىنا ۇلاستى, دەپ حابارلايدى Ult.kz HALYQSTAN telegram ارناسىنا سٸلتەمە جاساپ.
تازەكريت ەلگە تۋريستٸك ۆيزامەن, قازاقستاندا ينۆەستورلىق ۆيزا ارقىلى جۇمىس ٸستەيتٸن كەسٸپكەر كٷيەۋٸمەن بٸرگە كەلگەن.
ونىڭ ەلدە بولۋ مەرزٸمٸ 2025 جىلعى 14 قازاندا اياقتالۋى تيٸس ەدٸ. الايدا دەل سول كٷنٸ ول زاڭ تالاپتارى مەن ادامنىڭ تابيعي فيزيولوگيياسى تٸكەلەي قايشىلىققا تٷسكەن جاعدايعا تاپ بولدى: ەيەل جٷكتٸلٸكتٸڭ سوڭعى كەزەڭٸندە بولىپ, تولعاعى باستالعان.
16 قازاندا ول استاناداعى اۋرۋحانالاردىڭ بٸرٸندە بوساندى.
وسى سەتتەن باستاپ ونىڭ ەلدەن شىعۋى قيىن عانا ەمەس, ٸس جٷزٸندە مٷمكٸن بولماي قالدى.
سەبەبٸ قولدانىستاعى اۆياتسييالىق ەرەجەلەرگە سەيكەس, جٷكتٸلٸكتٸڭ سوڭعى كەزەڭٸندەگٸ ەيەلدەرگە ۇشۋعا رۇقسات بەرٸلمەيدٸ, ال جاڭا تۋعان نەرەستەلەر مەن بوسانعان انالارعا العاشقى كٷندەرٸ ۇشۋعا بولمايدى.
سونىمەن قاتار بۇل جاعدايدا تاعى بٸر بيۋروكراتييالىق كەدەرگٸ تۋىندادى: نەرەستەنٸڭ ەلدەن شىعۋىنا قاجەتتٸ قۇجاتتارى بولمادى.
ولاردى رەسٸمدەۋ ٷشٸن وتباسى قازاقستاندا تۋۋ تۋرالى كۋەلٸك الۋدان باستاپ, الجيردٸڭ ديپلوماتييالىق ورگاندارىمەن بايلانىس ورناتۋعا دەيٸن بٸرقاتار رەسٸمدەردەن ٶتۋگە مەجبٷر بولدى.
جاعدايدى الجير ەلشٸلٸگٸنٸڭ استانادا سول كەزدە جۇمىس ٸستەمەۋٸ قيىنداتتى, سوندىقتان وتباسى ٶزبەكستانعا بارۋعا تۋرا كەلەگەن. سونىڭ سالدارىنان قۇجاتتاردى رەسٸمدەۋ بٸرنەشە ايعا سوزىلدى.
وسى جاعدايلاردىڭ بەرٸنە قاراماستان, 2026 جىلدىڭ ناۋرىزىندا قازاقستان سوتى تازەكريتتٸ كٶشٸ-قون زاڭناماسىن بۇزدى دەپ تانىپ, ەڭ قاتاڭ جازا — ەكٸمشٸلٸك جولمەن ەلدەن شىعارۋ جەنە كەيٸن ەلگە كٸرۋگە تىيىم سالۋ شەشٸمٸن شىعاردى.
«يە, وتباسىنىڭ ەرەكەتتەرٸندە بەلگٸلٸ بٸر سالعىرتتىق بولعانىن جوققا شىعارۋعا بولمايدى. بٸراق ەيەلدٸڭ ەلدەن شىعۋدان ەدەيٸ جالتارۋ نيەتٸ بولماعانى انىق. ونىڭ ٷستٸنە, بۇل – اسا قاجەتتٸلٸك جاعدايى, مۇندا فورمالدى تالاپتاردى ساقتاۋ انا مەن بالانىڭ دەنساۋلىعىنا تٸكەلەي قاۋٸپ تٶندٸرۋٸ مٷمكٸن ەدٸ», — دەيدٸ استانا ادۆوكاتتار القاسىنىڭ ادۆوكاتى التىنبەك ايتىمبەتوۆ.
ول سونداي-اق بٸرقاتار پروتسەسسۋالدىق بۇزۋشىلىقتاردى اتاپ ٶتەدٸ: بٸرٸنشٸ ساتىداعى سوتتا تولىققاندى قورعانۋدىڭ بولماۋىنان باستاپ, ٸستٸڭ بارلىق مەن-جايىنىڭ تولىق زەرتتەلمەۋٸنە دەيٸن.
دەگەنمەن ەڭ ماڭىزدى مەسەلە — بالانىڭ جاعدايى. ول قازاقستاندا دٷنيەگە كەلگەنٸمەن, سوت شەشٸمدەرٸ قابىلدانعان سەتتە ونىڭ ەلدەن شىعۋىنا قاجەتتٸ قۇجاتتارى ەلٸ رەسٸمدەلمەگەن بولاتىن.
قازٸرگٸ جاعدايدا, ەگەر ساراح دەپورتاتسييالانسا, ول بەس جىل بويى قازاقستانعا قايتا كٸرە المايدى.
تەورييالىق تۇرعىدا سەبي ەكەسٸمەن بٸرگە قازاقستاندا قالۋى مٷمكٸن. بٸراق ەگەر قانداي دا بٸر سەبەپتەرمەن ەكەسٸ دە دەپورتاتسييالانسا...
اپەللياتسييالىق ينستانتسييا شەشٸمدٸ ٶزگەرٸسسٸز قالدىرعاننان كەيٸن, قورعاۋ تاراپى ٸستٸ قايتا قاراۋ تالابىمەن باس پروكۋراتۋراعا جٷگٸندٸ. ٶتٸنٸشتە بۇل شەشٸمدٸ ورىنداۋ بالا ٷشٸن «اۋىر, قايتىمسىز سالدارعا» ەكەلۋٸ مٷمكٸن ەكەنٸ اشىق ايتىلعان.
«بٷگٸن بٸز بٸرٸنشٸ سوت شەشٸمٸن ٶزگەرٸسسٸز قالدىرۋ تۋرالى قاۋلى الدىق. ياعني ساراح تازەكريت 10 كٷن ٸشٸندە قازاقستاننان كەتۋٸ تيٸس. ەندٸ بار ٷمٸت — كاسساتسييالىق سوتتا. سول جەردە ٸستٸ تەرەڭٸرەك, جان-جاقتى قارايدى دەپ ٷمٸتتەنەمٸز», — دەيدٸ ادۆوكات.
ايتا كەتەرلٸگٸ, بۇل جاعداي باستاپقىدا قاراپايىم ايىپپۇلمەن-اق شەشٸلۋٸ مٷمكٸن ەدٸ — زاڭ بۇعان تولىق مٷمكٸندٸك بەرەدٸ.
