امفان تسيكلونى سالدارىنان ٷندٸستان مەن بانگلادەشتە كەم دەگەندە 103 ادام قازا تاپتى, دەپ حابارلايدى مالايزييالىق New Straits Times گازەتٸ.
22 مامىردا ٷندٸستاننىڭ شىعىسىندا جەنە بانگلادەشتە 20 جىلدان استام ۋاقىت ٸشٸندە ەڭ قۋاتتى تسيكلوننان كەيٸن قالپىنا كەلتٸرۋ جۇمىستارى باستالدى. اپاتتان باتىس بەنگالييا شتاتىنا قاتتى زارداپ شەكتٸ, مۇندا قازا بولعانداردىڭ سانى 80 ادامعا جەتتٸ, دەپ حابارلايدى Hindustan Times گازەتٸ. داۋىل مىڭداعان قۇرىلىستاردى بۇزدى. كالكۋتتا ەۋەجايى سۋ استىندا قالدى. ونداعان مىڭ ٷيدٸڭ شاتىرى ۇشىپ كەتكەن,1 ملن ٷي ەلەكتر جارىعىنسىز قالدى.
ٷندٸستاننىڭ پرەمەر-مينيسترٸ نارەندرا مودي 22 مامىردا باتىس بەنگالييا مەن وديشاعا وسى ەكٸ شتاتتاعى جاعدايدى باعالاۋ ٷشٸن اتتاندى.
Deutsche Welle نەمٸس تەلەراديوكومپانيياسىنىڭ حابارلاۋىنشا, بانگلادەشتە جٷزدەگەن عيمارات بٷلٸنگەن, تەڭٸز شاياندارى مەن اسشاياندارىن ٶسٸرەتٸن مىڭداعان فەرمالار قيراعان, 10 ملن-نان استام ادام ەلەكتر جارىعىنسىز قالعان.
بۇعان دەيٸن امفان تسيكلونىنان ٷندٸستان مەن بانگلادەشتە 84 ادام قازا تاپقانى تۋرالى حابارلانعان بولاتىن.
